今日一早就慣常返工啦，今日返half日，１點幾就放左，而我就去左香港仔啦∼∼今日幫手呀，早上５點幾先訓，我想緊星期一唔知點捱．．．．．希望堅持到啦∼∼

今日８點３０分起身，之後就整左一陣野，９點就出門口返工啦∼∼返到去未開門呀∼∼冇奈，今日做左量度衫，下午就ｓｃａｎ野，然後用小畫家擦野，然後就出左去拿野同俾野人，返黎做埋ｄ野，６點幾就走得啦∼∼晚上就幫我女朋友ｐｒｉｎｔ野，因為佢要交功課，明天就俾佢啦！

今日好早就起左身，跟住就寫左尋日既日記返工啦∼∼返工第一日，返到去間公司未開，甘就睇雜誌等啦，９點３０分佢地就返左，甘即係明天９點３０分返都得啦∼∼返到去就俾張辦公桌我啦∼∼今日做左打單，ｄｅｌｅｔｅｄ野，包野，６點幾就走左啦∼∼之後幫我女朋友買野，送到去ｎｏｒｔｈ　ｐｏｉｎｔ啦∼∼８點就返到屋企．．．明天開始返工啦，好快習慣返工既日子

Ｐ．Ｓ：天氣變涼，大家小心著涼啦∼∼

　　　　老婆仔快ｄ睇醫生啦∼∼

 今日好早就起左身，因為要去年灣仔聽青年高峰會，聽完之後，就食自助餐，不過今次唔駛俾錢，食左都好多呀，勁飽呀∼∼２點幾就走左，而我就去我女朋友屋企啦∼∼晚上１０點就走左，返到屋企１１點幾，沖埋涼，傾左一陣電話，就訓左啦∼∼明天開始返工啦．．．．．

今日好早起左身，之後就飲茶啦∼∼飲完之後，就返左屋企，跟住就嘔啦，後黎好彩冇野，之後就買左鞋鞋啦，終於有新鞋返工啦，之後同阿媽出去九龍地抽野，個九龍城廣場變左個死城，好黑，又冇咩行，後黎食左ｍ記，之後幫阿媽拿床墊返屋企，返到屋企，我朋友打俾我，我就出左去啦∼∼去左銅鑼灣打機，之後就食野，後黎睇黑社會，套片唔錯呀，不過估唔到梁朝偉最後死左，可能呢ｄ就係黑社會既世界啦∼∼睇完之後，我就同朋友離開啦∼∼佢地有野做，而我就搵我女朋友，送佢返屋企啦∼∼哈哈，後黎我追到油ｍａ地班車，如果唔就成粒鐘先返屋企，晚上同我女朋友傾左好耐計就訓左啦∼∼

後日一早要出去，有野食，唔駛俾錢，正∼∼