今日終於得閒ｃｏｐｙ以前ｄ日記，ｃｏｐｙ左十頁度，睇黎以前同女朋友一齊渡過既日子，有點感觸，不過都過左去，要現實ｄ，晚上就睇明日之後，今日係第５次睇，不過睇極都唔會厭．．．

 今日返工真係可以用一句野黎形容，就係比仆街更加仆街，上午己經有個追色卡，甘我當然老吹啦，下午先俾佢，點知速遞扣左關，甘我當然打電話問速遞啦，點知佢老味個臭西，我問今天份件能不能到，點知佢就答我，唔知啵，要等佢清到關，我當堂真係想吊佢一獲，後黎我猶疑緊打唔打俾個客色卡能不能到，結果４點鼓起勇氣打，好彩佢阿頭返左大陸，逃避俾人吊既一劫，跟住就專心跟埋我上司既野啦，點我有一單野應該差唔多交貨，點知間廠話沒染到色，個下激到死死下，到差唔多交貨問先知，不過好彩唔係我覆個客，當然我將個波交俾我上司啦，做到差唔多６點３０分就走左啦，今日完全唔想開ＯＴ，因為前２日已經差唔多７點３０分先走，今日要對自己好ｄ呀

 今日返工勁ＰＫ，件事本來係甘既，呢個星期我上司出左ＴＲＩＰ，要下星期先返，所以由我直接跟客，前幾日我向一間廠訂了一個顏色，點知今日到我要俾個色個客睇個陣，點知間廠唔俾我用，我當然激到死死下，我就同廠講，我唔理我一定要果隻色，近似都可以，好彩後黎間廠搵到類似果隻色，不過都搞左成個幾鐘，最後７點３０分先收得工，希望之後果幾天唔好甘多Ｅ－ＭＡＩＬ，睇Ｄ英文之如，又要用英文覆，真係做到死死下．．．．

 終於寫得返個日記，上星期沒寫，都發生左好多事，昨日同一個女仔傾計，佢有句野都說得很對，到現在為止都很認同，也許我們都是同病相憐吧，今日做野由早忙到晚，最後搞到７點３０分先走到，又頹廢了一天．．．

 昨日同今日都沒出到街，好彩有一個人陪住我，這兩天都無緣無故甘發脾氣，可能因為好好火掛，今日終於搵到個ｓａｖｅ檔，部ｎｄｓ終於可以解封了