今日得閒補下日記先，先講返之前既事先，星期六下午阿剛找我出街，帶左佢去左食最平既冷noodles，之後去左ａｐｍ打機，之後就返屋企食飯，晚上就同班朋友去左銅鑼灣ｃａｆｅ飲野，我地玩ｕｎｏ，真係好開心呀∼∼都成差不多３點先返屋企，第２朝十一點起左身，差不多一點就出左去，約左阿文，阿峰，同阿文的朋友睇波，出到黎先後悔著左件長衫，真係熱到阿媽都唔認得，睇完波之後，去左仙跡岩飲野，我地玩ｍａｒｉｏ　ｋａｒｔ，坐左２個幾鐘度∼∼之後搵阿剛出黎食野，去返上次果間潮州館食野，之後去左打機，十點幾，阿文同阿峰走左啦，之後我，阿剛，阿星去左石硤尾啦∼∼後黎吹水吹到差不多一點就回家啦∼∼星期一如常地上班，而家晚晚開Ｏ．Ｔ，差不多８點先有得走，今日就慘Ｄ，剪爛左個客件衫，我真係粗心大意呀，今日早左走，不過今曰下午我感到不祥感覺，不知道是什麼啦，反正我對呢個世界沒有什麼期望，阿星說得對，我們生存目標為左咩呢？可能係為左等待死亡既一天而生存下去吧．．．．

這星期要開始儲錢，又要一星期捱３天杯NOODLES了，因為要買鞋同ＣＤ．．．．希望月尾可以買到

前日同阿剛佢地出旺角，之後打返ｗｃｃｆ，等左甘耐終於平左啦，不過只係玩左４鋪，玩到差不多十二點就走左啦，之後第二天就發生左一ｄ事，睇黎我真係嚴重了，反正我已經準備了，其實這件事本黎想同一個說的，但又找不佢，沒有辦法啦，係我最須要佢時候，偏偏又不在，這種感覺終於感受到了，也許是報應吧，係天對我一個懲罰，既然要黎，只好接受吧，怨是沒用的．．．．我開始覺得自己是一個沒有用的人，學歷又不高，做什麼事都係錯，做人做到甘失敗，我想應該得我一個，有時我會想這麼堅持下去，為什麼呢？．．．．

本黎我之前用幾星期去寫了一些東西給她，但最後都沒俾到，就算俾左又點？都係改變不到，這個是事實．．．

還有漫長既路要行，也許我有一天突然會選擇放棄．．．．．

４月１０日真係難忘既一天．．．．

這幾天假期都係同朋友出街，終於買左個銀包啦，去左太子聯合到買，４８０蚊，對我黎講價錢不過超過我預算，跟住就買埋個ＮＤＳ保護貼啦，４０蚊，不過係假野，其實只要劃不攔就可以了，之後就買左２０蚊波，都是掙一關先中，講真我真係黑仔，賭波呢加野都係唔岩我，都係儲錢買野比較實際Ｄ，這個月尾有野買，希望可以買到啦^^昨日同我朋友去左黃大仙周圍行，發覺新蒲崗沒左舊高達啦，只有Ｚ　ＤＸ，勁多ＳＥＥＤ　Ｄ，之後行左幾間商場，估唔到好耐沒行，好多間鋪位都執粒，最深刻印像係糖果鋪終於執左粒，呢間野對我黎就都有感情，其實執左左有好有不好啦．．．．這幾天心情都係唔得開朗，不過好多謝阿剛給了我意見，現在只可以忍，不知可以忍到何時呢？．．．．

今日又做錯野，開始覺得自己好冇用，下午睇到阿蛇個日記，發覺佢講既野都很對，講真由做野到而家，我做什麼事都力不從心，只覺得好像連累到人，好像浪費緊時間，時間好像一天一天地流逝，不知道自己有什麼目標，再想一下自己生存到底為了什麼，我真的答不到，以前就可以對人說為了我女朋友而生存，但現在我真的不知答什麼好，機械式既生活令到我整個人開始麻木，應該說沒有感覺先對，每天不斷重複又重複做同一樣野，講真我真的很討厭，但討厭又點，咪又要做，我只可以說很殘酷，公司的人給我既感覺是為了錢而生存，其實錢對我們來說是很重要，沒有錢你就會沒辦法生存，這可以說是一個定律．．．．而我真係感覺自己好像是一個扯線公仔，而扯線公仔既主人就是錢，為了錢，每天都做重覆既事，每天都要受氣，之前就話有女朋友可以比我舒暢一下，起碼對自己有一個寄託，現在沒有了，要學懂獨立處事，不再係小朋友，甘細路仔脾氣，我上司常常做我說，做任何事，要前三步，後三步，發覺他對我說是對的，不懂變通只會做死一世，學懂變通先係生存之道

你們有工作既人試想一下，我以上既想法對不對，也許我們既一生都是以錢為努力，不是嗎？．．．．．