劉德華 Wonderful World 演唱會 2007 係今年5/1完埸啦!! 恭喜恭喜!!
我好興幸可以唔駛錢就入到去睇呢場完美無瑕ge尾場~
話說我a媽個朋友買左兩張$480ge飛 (最貴), 但係佢臨時唔得閒, 就俾左d飛我a媽
我做做下功課, 突然電話響//
我: 喂...
媽: 睇唔睇劉德華演唱會a?
我: 下...
媽: 睇唔睇? 唔駛錢ga~
我: 下????!!!!睇呀!!!!點解唔駛錢ge????
媽: 有人俾飛我lo
我: *0*.......................................
 就係咁//我就同我媽去左欣賞劉德華Wonderful World 演唱會 2007
  入場前派ge螢光棒
  紅館真係又"紅"又震"墈", 每人拎住螢光棒, 場面壯觀~
雖然演唱會中每個情節都震懾我心, 可惜相機的款式好舊, 功能亦較廢...
所以zoom唔到近鏡-v-每個劉德華都好似一隻螞蟻......-0-
    太空戰士~
    ..電..暈我了..
    先親近下d歌迷
    熱身下...~
    性感演繹!++!
    收第一紮花~
    分別同3個靚女跳拉丁舞~
    發覺女性著旗袍都好靚!!
    做魔術師表演"激速換衫"
   企到勁高唱歌@@最後仲捉住吊架滑落黎-w-
然而, 雖然相片質素參差, 但係演唱會中每個片段都刻劃在我腦內, 記憶猶新~
縱使劉德華唔係我偶像, 但係睇過呢場驚天動地ge演唱會, 令我不得不佩服佢//
佢ge努力盡顯在觀眾眼前, 使我完全忘我, 完全投入當中, 有半場我都企起身揮動螢光棒支持佢!
佢ge表演真係令我眼界大開0v0 回想起都興奮不已^^ 如果我識唱佢ge歌一定更投入!!*
Andy Lau 或許係我最佩服ge香港人, 佢20多年ge努力絕對冇白費, 反而愈來愈紅, 愈來愈強~
演唱會中有唔少好笑ge對白, 尤其是Andy設計ge ANDOX同黑仔
由於一黑一白, 所以就唱[無間道], 唱到中段//
ANDOX: 我想做好人, 俾個機會
黑仔: 對唔住, 我係警察
ANDOX: 邊個知呀! 哈哈哈哈~
黑仔: -.-..................................................
唱完之後, 黑仔跌倒, ANDOX又即刻爬低//
ANDOX: 唉喲! 媽咪, 你會救邊個先呀?
ANDY: 兩個都唔會救, 跌倒就要自己起返身!!!
另外, 原來Sammi都有到場支持, Andy仲特別送上[如果我有事]一曲
之後, fans大叫除衫, Andy就話: 我拍{投名狀}, 唔係拍{色戒}呀!
跟住又多次高呼encore, Andy又話: 每人拎定$50, 我就加時~
點知真係有個fans拎$50攝係華仔褲頭//
華仔即大叫: 痴線! 搞到我好似舞男咁... /\ /\
最後華仔梗係冇收錢, 仲兩度encore~直至12:00先正式完場
46歲ge華仔, 依然興奮到跑左幾圈, 又著工人褲露肌肉, 身型勁fit, 至緊要個人又潮又積極~
如果佢係我老竇都幾羨煞旁人, 四張野仍然咁型仔, 咁有魄力, 追得上潮流又勤力,
身型仲要fit到漏; 比起而家d中年男人.........好大對比.........總之就好似全無缺點啦~
^^Andy Lau Wonderful World Concert 2007閉幕^^
|
