今天發生了一件很有趣的事

話說

我係閱讀大使 又稱報紙仔

今日去拎報紙果陣

突然好想去買野飲

去到小吃部

袋入面有10蚊散銀

我買左一包陽光檸檬茶＄4

之後見到有燒賣

我問：「燒賣幾錢呀？」

柒西呀姐：「7蚊」

我手頭上得返6蚊散銀

我又唔係太想食

同埋主要原因係唔想開大紙

我話：「咁唔要啦。」

柒西呀姐：「又唔要呀？姐係玩野啦？！咪成日係度玩野啦！」

我：「．．．．．．」

到了中午時分

我去食飯

我點左一杯凍好立克

過了一段時間

見到呀姐A係度徘徊

但又唔知佢想送去邊

我話：「好立克係呢度既」

呀姐A：「等陣先 等我睇下你張單」

果陣張單未打好 所以冇

呀姐A：「你未有單喎 我唔知杯野係唔係你」

之後呀姐A就拎返杯野返水吧枱

跟住佢就去左做其他野

我見住杯野放左係水吧枱勁耐

都冇人拎

好啦 呀姐B囉左張單黎

我對下  杯野本來就係呢度既

我就話：「屌你老味 杯野都話我嫁啦」

本來呢句係想同呀姐A講既

但係我講呢句果陣呀姐B就係我面前

呀姐B：「張單我擺既！」

我估佢聽錯左我話：「屌你老味 咪放張單係我度啦」

因為果陣張單係放係我面前

事後聽肥佬話呀姐B係我後面啤左我一眼

我想同呀姐B講：「你對號入左座啦！」