今朝訓到11點幾先起...洗面刷牙上左陣網 就等電話~送囡囡去渡假，差唔到12點果陣 就打電話黎..咁我地就好高調咁抱左囡囡落樓， 之後跟車一齊入去粉嶺啦...都幾遍遠架!!間野叫新天地狗公園...0係粉嶺 粉錦公路 打石湖村!!我同爸爸講笑咁講...今次囡囡發達la!!爸爸問點解..我話(你睇唔到咩~~間野叫"狗公"~園)之後我地0係度笑...上到車之後..囡囡係咁周圍聞...我地即係話(發達啦~有狗仔味呀)哈哈~大約坐左45分鐘...就到了!!去到...都唔係公園黎...得d用鐵皮搭既屋...屋入面有好多個籠~不過d籠都好大架...一隻一個!!女女都算抵啦~細細隻咁大間房!!而且間屋仲有冷氣~而家d狗狗真係幸福!!我地走果陣囡囡都冇叫冇唔開心...因為佢可能知道我應承左佢...無論如何..一個月後我都會帶佢番屋企!!我同佢講既時候..佢眼神話我知...呢個係我地之間既承諾!!人類雖然唔明白d狗狗既語言...但從佢地既行為同眼神可以睇得出...佢地其實係聽得明我地所講既野!!其實可能唔應該話係聽得明(因為佢地唔識人話)...應該係佢地其實係感覺得到!!呢d應該就係動物既本能。晚上去左ben屋企打邊爐3男2女....我地5~6點去到佢屋企幫手準備...lok就遲到...因為佢要剪髮同埋要去買椒鹽蠔仔,差唔多8點佢先到...咁我地就等埋佢先開餐。我地3個男仔真係好犀利.....飲左5~6支紅酒...2支大啤...仲有半支Whisky...!食完野...cherry同小妖洗野!!原來有個女朋友都幾方便我地傾ben既家事..傾到如火如荼...我地飲到成3點幾..個個都暈暈地。之後cherry...太夜要走...咁我地都一齊走了。