今天我終於決定了入醫院動手術,但是之前睇開的醫生寫了張紙給我,去專科度檢查下先。於是我同媽媽一早就去到中環看專科。那個醫生話的確需要動手術。什麼藥都冇...只是又寫了一張紙去看急症,咁又收了我5百元(做醫生真好賺啊)於是我們就去了醫院啦。辦完入院手續,就上病房等醫生檢查啦。咁我就坐0係張床度等,等等下~~有個護士走埋黎望左一望,之後問我是不是剛剛入來的。我就話係啦,之後她就問我點解唔換衫???咁我就話...剛剛有個嬸嬸話可以換可以不換的。咁個護士就話,唔得架~一入院就要換衫架啦。咁我就話好啦好啦(心諗：見你咁靚女就聽你話啦,雖然載左口罩,但都睇得出個樣應該幾可愛的)。咁我就去換啦,點知件衫細左少少wo~~咁我都照穿啦~換完之後出到來,咁我就見到果個護士,於是我就舉起兩隻手好像一個十字架咁,然後問佢,件衫有冇得大少少???佢就笑了一笑之後話幫我搵過第2件大d既...咁佢就搵到一件比較大的給我穿啦。於是..我就成日都訓在床上..等醫生檢查(足足檢查了3次)真是痛不欲生~~~好彩那個護士都成日經過我床邊....咁我都可以看下她.,..唔洗咁悶...於是我就成日都0係度等結果...同埋....等果個護士除口罩既一剎那。到左4點幾...醫生話我情況穩定...但未可以動手術住...所以可以出院。但我的銀包都給媽媽帶走了...於是我又等爸爸收工來接我了。等等下...我終見到果個護士既真面目啦...真是超可愛啊等到7點幾...爸爸就來到了...我終於都可脫離呢個鬼地方啦~~好開心呀...餓左成日冇食過野...番到去要勁食一餐先得