人地成日都話,唔做果行就唔知果行有幾辛苦。好似有d人成日話政府工請懶人,其實唔做過又點知呢!?只係唔同既部門有唔同既苦況者。其實~講呢段廢話,都只係想帶出~有d野你自己唔經歷過~係唔會明白個中既感受。好似我成日都覺得,點解一直以黎佢都要咁執著以前既野,點解佢會咁難受。我做過既野係咪真係錯得咁緊要呢!?前幾日我地大家都覺得應該比對方冷靜一下~比d時間佢0係精神上抖下。0係呢幾日內面我真係真真正正咁感受到,果種無奈,無助。我終於明白,點解妳會咁恨我、憎我、明明同番我一齊又冇信心。我明白晒~我真真正正咁感受到。呢幾日我真係好唔開心...0係fd面前要堅強~頂到行晒。其實我真係唔想再失去妳。我都好怕過番果種....假開心假快樂既生活。自問同妳一齊既日子真係我最開心既時候。無時無刻我都會諗番以前同妳一齊既日子(包括好多好多野)。第一次吵架啦、點解我地果陣會keep住傾完電話先訓教啦、第一次打比妳啦、好多好多我地第一次發生既野~我都仲記得清清楚楚....唔係我太在乎過去~而係妳太令我刻骨銘心、同埋我真的在乎妳。