今朝6點起身...之後落左樓下食早餐,食完就起程去CITY報毅進!!7點左右到...已經排左五十幾人。我排第54~~勁熱!!9點左右就開始野比我地填......!!填完之後入左去等.....即時已經知道有冇位讀...暫時報左ENG I  普通話 同埋寵物業實務(囡囡~你死啦~)...!搞掂晒d野都差唔多成..11點..之後番左屋企打算抖一抖下晝就番工。番到去冇耐...收到 小小 sms~原來佢今日肚痛 番唔到工...於是我就索性都唔番lu~而且加上今朝太早起身...好眼訓。之後落左去買野食 同買左隻vcd(驚心洞怕)勁唔好睇....食完就去左訓教...一訓就6點半....-.-~

呢排好多人講緊今年奧運 喺中國 舉辦 對其他國家唔公平...因為中國有主場之利...!!睇到果陣 真係覺得好好笑...係邊個國家搞...果個國家都有主場之利架啦。如果係咁講..下屆不如唔好喺倫敦搞啦~喺月球搞啦~!!輸左就係輸左..怪就怪自己技不如人....唔通跑輸左..就瀨中國d地太硬..唔好跑...!!平衡木...跌左落黎..唔通有機關!?咁程菲可能唔小心 掂到個機關先會跌落黎~!!如果唔係應該羸九條街 而唔係 險勝。 如果咁都話唔公平 咁1988年 漢城 舉辦既第二十一屆 奧運會.....跳水項目 美國隊 既 盧甘尼斯(Greg Louganis)，喺作 高難度的反轉2周半動作時，頭部不慎撞擊到跳板 之後撻左落水...但佢咁都可以贏到 當年下下落水 都好似插針咁既 熊倪...咪更加唔公平。