終於等倒喇，下星期一終於要番第一日工，依個星期有時間就係度練習數銀紙，今日請左一位係銀行做左５年既高手黎我屋企食飯，順便教下我數銀紙有Ｄ咩技巧，晤簡單，要快而準有一定難度，多多練習。突然間諗倒一個問題，就係中午飯邊個同我食好，自己一個我晤想呀，新馬路哥頭冇咩好食，中午又晤想渣車番屋企，咁去邊度ＨＥＡ好呀，孤令令自己一個，其實去對面禾花亭食蛋壽司晤錯，去埋８８伴食班戟又得，根手行埋８８伴都得，，好似幾好ＰＬＡＮ咁，不過日日食哥Ｄ都悶啦，仲有要自己一個，一兩日都ＯＫ既，成個星期都係咁晤制呀。另外，我想講下拳，我發覺我練極都係好多力係隻手度放晤鬆，點解呢，我諗左一陣，可能我之前好多事好多人都放晤開，係個心度，我見過一個師弟，見佢日日都無憂無慮咁，發Ｄ拳可以完全鬆灑黎發，如果佢肯認真小小練，我相信佢可有一番作為，開你名先∼ＭＡＲＣＯ。

每日一句：多點休息，努力番工。

表演完畢，，對自己既表現合格６０分。。不過開心，，有一個咁難得既表演機會，，同埋呀偉既表現的確令我覺得意外，，以後有佢依個好拍擋，，我心穩定好多。。期待下次再表演既機會。。有機會能夠爭取到今次既表演，，多謝一個人既信任，，其次就係覺得有幸福既感覺，，一個朋友話，，有些東西，，如果努力可以爭取，，巳經是好幸福的事，，我近來深深感受到這句背後既意思，，將來依句話都會用黎勉勵下自己，，努力去把握每一個機會。。

每日一句：幫助窮乏的＂同類＂，是人的天職。察覺別人有需要依然視若無睹，此等人實在有辱了作為人類的身份。

聽日就要黎個表演，，我係十分十分之緊張的，，需然要表演既項目幾乎每天都會練習，，但係一上到台，，始終有小小擔心出錯，，不過我肯定會竭盡全力同態度認真，，晤好浪費觀眾們既時間，，聽日個表演聽講仲要擺係壓軸，，更加增加我既緊張程度，，我會嘗試放鬆小小，，冇問題既。／。今日同一個重要既人慶祝生日，，但係我冇同佢講生日快樂ＢＯＲ，，因為佢話自己日日都係佢生日，，ＨＡ，，係架話你咪成幾千歲？！？我亦都冇送咩特別既生日禮物比佢，，我諗我就算送間屋比佢，，我都還晤清欠佢一直對我做既所有野，，乾脆陪係佢身邊就足夠了，，聽日既表演我知你都會去，，我諗盡最大努力就係送比你最好既生日禮物。。

每日一句：當見到自己遭受損失，不妨往深一層去想；小偷遠比自己可憐和不幸。於是你便會釋懷，對周圍的人和事更加寬容和諒解。