人生得一知己.. 死而無憾..
人生得一紅顏知己.. 三生有幸~!
話說. 今日返毅進真係悶到痴肺~!
悶.悶悶.勁悶.爆悶都形容唔到咁悶~! (車.. 講咁多野. 7隻字姐咪得囉! 非筆墨所能形容!)
悶爆啦.. 又唔知做咩好.. 原本今個星期日約左人唱K 結果當然係cancel左. Y?
因為某人想溫書... 希望下年考會考會好成績D (自修生考...)
結果.. 我放左學. 苦悶咁行返屋企~
何文田行返屋企呀呀呀... 辛苦嗎? 唔算辛苦的..
事關家陣天氣涼返. 行咁遠都無汗出.. (何文田 <-> 尖沙咀)
好啦.. 返到屋企. 無人係到...
表妹終於都離我而去.. (好似講到分手咁-.-)
因為佢要返英國去讀書LU.. (事實上都遲左段時間..)
老媽子北上按摩.. 屋企得返我....
唉. 無野好做.. 有咩搞?
訓教.... 點知一訓低個下電話就響...
"彪哥. 呀健呀. 聽日你放假呀嗎? 出來唱K啦..."
呀健係我目前來講最好的朋友加知己... 咩都傾得...
以前係三育個陣有D FD學玩笑叫我做"戀愛博士" 事關個陣成鬼日幫人解決個方面D問題...
明仔雖然唔係讀三育. 係讀麗潭的. 但係佢的戀愛經驗多我N陪..
事關我真真正正都係拍過三次拖.. 正所謂得把口就係我呢D..
呀健俾我地呢班FD叫做.. "戀愛界神人"
佢分手頻率高.. 但唔係因為佢唔專一.. 咩原因我都唔知啦= =.
跟住同佢傾左好耐.. 8點幾傾到9點幾~ (成粒中都叫耐?)
耐呀... 平時我地三言兩語就可以收線嫁啦...
點解會咁? 因為呢 我同明仔好耐無見.. 自從我地考會考到依家都未見過面.
加上之前我轉台同出國都無搵佢... 搞到依家先傾返計.
但係唔緊要. 緊要的係佢又幫我係愛情的LV升級...
由於佢係呢段日子入面拍拖的經歷.. 又令我明多少少..
愛呢. 隨左默默付出之外. 原來仲要識得放手...
依家我都睇開左.. 放開D啦~ 唔係我的就唔係我的XD"
咁.. 紅顏知己呢? 唔洗心急.. 依家就講..
係我岩岩放低左電話的時候... 唔知點解我第一時間諗起的女生.. 會係佢...
之後二話不說打俾佢!
跟住就傾傾傾傾傾. 傾到依家- -.
原來呢位紅顏已經大個女@v@
以前我地傾計都一定唔會傾2樣野.
1.愛情 2.親情.
因為呢位紅顏同我一樣都係單親的.
所以大家都唔會去講呢方面D野. 又因為曾經有過的誤會. 所以都唔會傾愛情.
依家就唔同LU. 天南地北無所不談.~
講真.. 我真係唔多善長同女性溝通... (可以講係接近自閉....)
但係只有佢係例外. 或者呢D叫緣份啦~
呼.. 打完咁多字.. 最後..
真係好開心有你地兩位知己. 如果唔係我相信我真係悶死鄉中~XD"
END
|
