| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2005 年 7 月 26 日 星期二  |
原來他還要慘  |
分類: 未分類 |
我和妳是由同事開始，慢慢變成情侶......
一開始我知道妳仲有同佢聯絡，出街，我明白分手後都可以做朋友，妳話佢係好重要既朋友，妳地之前拍拖咁多年，所以我亦無去阻止妳。
但慢慢發覺妳地仲有好多事情有關係，連分手都無同佢講清楚，
但妳又話同佢無關係，又話同佢講得好清楚...
有一日妳提款，我八掛看看張card，聯名戶口...原夾妳地既聯名戶口一直都用緊，我話聯名戶口好有問題(分手兩年都用緊)，妳話好普通(唔通同阿豬阿狗開都得?)，又話cut card好煩，又話當一張ETC咁用，無特別，我叫妳同我開妳又無反應，我俾我張ETC妳又唔用，只不過想妳唔用聯名戶口，妳自己都有自己ETC card架...
兩年來，佢都經常上妳屋企，妳話兩家人好熟悉，平日&父母生日妳都會和他一齊食飯，但我從未有同妳屋企人食過一餐飯。
妳細妹個仔係屋企俾外公外婆照護，平時我送妳回家都會係妳家坐一會，有一次妳唔俾我入去坐，妳話B仔見到陌生人會哭(真的)，但之前同B仔玩，見過好次都無事，之後都再無機會入去坐，再三追問之下，原來有一次B仔見完我再見佢，B仔傻傻更更無反應，仲有一次B仔講錯名，點解妳要咁...
我想認識妳的朋友，妳班朋友係佢d 朋友，妳話佢地會排擠外人，妳每次出街玩都有佢，我和同事約妳出街，妳就話唔知有無時間，佢班朋友妳就話唔推得，點解？
妳的朋友完全唔知我存在，係妳根本唔想俾佢知？
我地拍拖一年了，一張貼紙相都未影過，平時妳說今日唔靚唔影，電髮之後又話電返直先影，又話平時唱K都有影相，我無迫妳...到最後大家連一張相放係銀包都無
拍拖一年了，每一個節日都只剩下我自己一個人渡過，聖誕節、除夕、新年和情人節，妳都是和他一齊，妳話有一大班friend一齊，難道會一班friend一齊過情人節？
新年妳放八日大假，抽一天出街拍拖真是咁困難？但妳又和他們去旅行?我唔需要妳時時刻刻都陪我，但在我最唔開心最需要妳既時候，妳會在我身旁
係大家工作不如意的時候，妳用了整個月時間陪佢，
妳說他學歷低(F.5)好難找工，我學歷高易找工，但我都唔係高學歷...妳又話他好慘，要陪佢，唔想佢唔開心，咁我呢？
有一天，我己約好了妳出街，但他會上妳屋企，妳就推了我地既約會，我知妳唔會聽任何電話(因𤔡他唔鍾意，朋友都會?)，
我send sms 俾妳知我唔開心，妳就話唔想做咩都有問題，分手大家都唔使咁辛苦，之後妳再無聽我電話，再無見我......
妳說同佢無野，妳話他係好重要既朋友，妳話唔想佢唔開心，但種種行為都唔似...
妳話我地分手唔關佢事，但其實妳個心已經回到佢到....
分手一個月，妳話應承了和他結婚，仲會係三個月內結婚(九月)，點解又會咁快？
其實妳一直仲愛佢，妳亦承應一直俾緊機會佢，妳地分開過兩次，妳話原諒了佢，仲幫佢找藉口，現在我真係做唔到恭喜妳、祝福妳，我做唔到...
我知道現在講甚麼都無用，我好傷心好痛，我已經唔可以再和妳在同一間公司，係公司只會整天想著妳！
下次再見，我和妳都幫另一同事做"兄弟姊妹"(十月)，但到時妳已經是別人的妻子了...
我唔知要幾多年後先可以忘記妳
|
|
