今日返到去時間岩岩好~下午同左6個女仔,2個男仔(其中記得名既只有:詠,aki,魚,鵬輝,皮,car咋-.-)一齊食飯,地點係老友記(唔知乜野黎,第一次去,d野食一般架咋) 原來女仔年齡真係冇野睇架-o-"

  食完飯之後又一齊行返去,真係好鬼熱- -" 熱到啊皮出哂汗,好似融緊咁~勁得意^o^" 死人啊皮咁都俾佢估到既=.=...好彩俾我拉開左話題姐!! 不過也沒相干啦,都冇諗住!!

  放左之後要行成2個鍾mk牙.......熱到嘔,點行牙@@? 行到腳仔軟,叫埋賤榮出黎去吉野到食飯,點知臨走果陣見到黃x儀(以前川記同學),估唔到佢係果到做part time啵~.~

  今晚識到好多人牙,我都唔記得哂d名lu......有建文、威、展、啊林、啊雄、啊文等等啦~第一晚係學整煎生果班cake-o-" 整左成個鍾先有少少成績咋...都係開漿d人整到希啦,唔係好快學識....初初真係好鬼難整,要用手去感覺......真係唔可以睇少的!

  到11點半收哂d野啦~6個人去開餐啦^^" 有成盤咖哩牛腩,仲有成個蛋糕^o^(不過我冇食過.唔多想食) 之後仲有個蒜蓉雞粒炒飯(正到爆牙,不過食完口臭 )

  好累,返到去成點鍾添-_-"

  今日終於去左樓下辭職啦~入到ok見到小林,同佢傾左一陣,原來她也相信主的還祝福我~佢帶埋我上去搵經理~上到去見到啊to~.~" 臨走果陣小林叫我得閒去探佢^o^我一定會架!橫掂去街都會經過既~

  之後返學lu~時間岩岩好冇遲冇早^o^ 原來調左acc上班主任堂~haha,miss俾左d機會我地去識下其他同學仔,交換左d icq msn 生日日期 and手提~ 之後上acc堂,我地3個人同詠and AKI傾埋左,haha~詠又成日俾我捉字失^o^" 笑死我地lu....(唔好意思添! )

  放學果陣AKI提議去玩~那就去左玩lu~不過我同兩個班長呆車車企左成個鍾(冇計啦,冇野岩玩-o-") 啊aki就彈結他,好彩最後玩"督督機" 低能架......四條友都玩唔掂-_-'.......最後玩到6點8個字走佬lu~

  食完飯落樓下買手錶~真係好甘-_-.....下個月唔可以再洗銀啦!!!! 要儲錢!! 見到隻女裝錶真係幾靚,好想買左佢(價錢同我果隻差唔多-.-),但買左又唔知送俾冰個-o-"  今日又俾幾舊啊媽做家用了~俾上個月多左成倍....

  買完之後返到屋企~終於有睇視睇啦~好耐冇睇過....and then add埋d人,然後同啊皮、啊廷and 慧映傾icq and msn~ 同慧映傾左都幾耐下.....聽日又可以見面lu.....不過要好早起身囉- -"

  希望今晚唔好再咳到訓唔到就行了!!

  今日同左權去多次灣仔,點知又係搵唔到想要既野><"不過有一點收鑊,就係同權聯手打贏人地2鑊,抵玩耶!!之後到左5點鍾,去見工lu~ 等左成15分先有人,好彩唱左陣k姐^o^抵返條數啦~

  見完之後又join返權and他的小學同學－子峰(之前情人節都同佢睇過戲) 去左吉野家到食下午餐(冇計啦,成日冇野落肚...) 之後一齊去買衫衫喎,子峰買左3件衫,我and權各一件@@" 之後閃左去荃灣,去左荃豐見到周x恩... wawa~見到個紫紫地色既水晶吊咀好靚牙!!買左佢lu~.......對我來說覺得好貴-oo-"百幾蚊.....

  之後佢地兩個又買左個袋- -" 權仲買左個五月既公仔...幾靚女架,我都想買- -"......頂丫~今日佢借左我2舊,自己又用左2舊,d錢就咁冇哂-.-.....去申請破產先!o!

  而家成點.....因為咳到嘔訓唔著- -"so而家先開機打日記咋......都唔知點解飲左成枝藥水都仲係咁咳架,又喉嚨痛啵- -".....諗返起前日作病,果晚仲要開工,一入商場已經覺得好凍..點知入到ok仲打哂冷震,個口係到震...仲係好耐未試過咁樣,我記得只有3次係咁樣既......

  第一次係響中三果年,海事搞左個獨木舟訓練營,係12-3度落水爬......真係凍到我同池蘑死死下咁囉~係唔想震都唔得囉,同池蘑想谷d力出黎暖下個身,點知愈谷愈震.....唔谷就愈來愈凍,諗起果陣都有點心寒.....搞到果晚係咁流鼻水,不過返到屋企發覺冇事,無發燒,真係估佢唔到......仲發現之後冇咁怕凍添!o!

  第二次我諗係舊年啦~同佢去一齊搵學校,佢仲唔見左個銀包添......我記得係青e城見到佢果陣都知佢一定唔夠暖架啦~鬼咩,果日仲係又大風又凍.....除左我件中褸俾佢著~之後6點幾仲要響個小巴站企左成個鍾,d鬼勁大- -"逐架小巴問個小巴c機~問有冇見過佢銀包.....真係好鬼凍架(得2件初咋,總之著多件啦-_-)~ 那晚返到屋企病鬼左-_-"

  訓啦~個頭好鬼痛,試下訓先~希望訓到啦!!