琴晚又同啊媽嘈交,都唔知點解我都訓左8粒鍾啦~啊媽仲係咁叫我訓覺-_-" 8粒鍾乜都夠哂啦~我同人地傾ICQ 咋MA~又話我玩-_-" 想同人地傾下計都係到搞住哂.......都唔知佢想點...搞到冇哂心機係屋企.....早D返工算了~不過見有咁多時間咪由海傍行過去囉....見到好多情侶好恩愛耶~

  之後今朝廢事再失約~決定放工後唔訓覺,不過最後都冇返到屋企,去左G盈屋企打機機@@" 點知又遲到添~SOR B有!! 真係唔好意思>O< WA.....剪完輕鬆哂~之後同B有買袋袋,佢真係幾搞笑....扮哂好有錢咁,其實唔係好多~拎左個袋先問價錢-O-"好彩有折先買到,唔係好冇面-OO-" 之後個女SALE 就溝我地~好搞笑~~ 最後同B有去左屈臣屎買護膚品.......好彩佢有折扣姐~HEHE~不過今日冇左成200蚊-_-

PS:我都好想買個第二個袋架~不過冇帶2百幾蚊-O-"

  B有2點鍾又要返去看鋪,搞到得我自己一個人食飯-.-^ 不過好彩我一邊食飯有人陪我傾電電先冇咁悶咋~呵呵

  今朝傾得好開心牙~,又有人請我飲奶@@,但冇要lu~廢事欠人地人情啦~o~今朝提早走左,返到去長發就去左華潤掃左一個星期既貨,鬼叫星期三有9折咩~o~"

  諗住訓到10點半鍾同b有去葵芳行街街,點知一訓就訓到5點鍾......岩岩好b有打黎-.-"好彩佢醒水冇去到姐~真係好對唔住牙!!! 不過我真係聽唔到鬧鍾聲-.-.......老豆話係我熄左........真係冇印象,仲訓得好好添-_-

  唉......b有琴晚唔得閒同我傾電電,不過好彩我搵左婷婷同我玩msn姐~o~唔係搭車去鑽石山都幾悶~多謝哂牙!!今日朝又做錯左野添...都係經驗不足而犯錯的,下次會改善架啦@@一定!!仲有冇喇喇警察入左黎問長問短,嚇死我以為有乜事添-o-"

  今朝又遲走...haha順便岩岩好見到包包返工~佢送左隻 公仔(基拉•大和)俾我~真係幾鍾意的~多謝哂!! 之後啊媽打電話叫我去飲茶~因為太耐冇同屋企飲茶了~haha~o~幾開心~o~