如有雷同實屬巧合
"oh~rusty nail"~手機鈴聲響起 我拎起個電話 "喂 hide快D入黎SKYPE對話 差你一個就開波 ,快"’
’得啦,依家黎’
我叫程天浩，好多人都叫我做呀程，我係一個係小康之家長大既中三學生。
由細到大我都唔覺得自己係長於一個"小康之家"的 (小康之家的定義是?)
咁都係因為我細個所經歷既事而影響。
而生活都多數係自己一個人 因為老豆老母成日都要返工睇我唔到
係學校入面 同性朋友就多，但係異性既就真係少之有少（可能我唔係讀書的類型？？）
我一ｃｌｉｃｋ入個對話到，就有一大班人係到嘈緊。
'我入到黎啦，係咪開波呀’
我同我班朋友玩既係ｌｏｌ（唔知既可以無視）
係我等緊選英既時候
我就開左ｆｉｒｅｆｏｘ（因為果時仲未興用ＣＨＲＯＭＥ）
我係我常用頁面到ｃｌｉｃｋ入左ＦＢ
睇睇Ｄ朋友今日又有咩ｓｔａｔｕｓ，ＭＫ妹又放咩自拍上黎
突然，唔知點解我既視線放左係右面既 ｐｅｏｐｌｅ ｍａｙ ｙｏｕ ｋｎｏｗ到
其實我一向都唔會係右面既共同朋友到加人好友
但係我發現到其中有一個既ｉｃｏｎ係我相當熟識的 -ｋａｒｅｎ ｗａｎ
我ｃｌｉｃｋ入去 眼睛停留左係果一張既ｉｃｏｎ到 佢張ICON係單眼既然之後就"嘟"起個嘴 然後心諗 ：個樣咁熟既？？
我即刻Ｃｏｐｙ條ＬＩＮＫ放落去ＳＫＹＰＥ到俾我班朋友到睇下有冇人睇佢
但只係換來 一句句係 神仙Ｂ講出黎既對白：乜撚野ｋａｒｅｎ ｗａｎ呀冇人識你喎
我就叫ＸＸＸ 你識唔識呀
"彩你都有味"
我深入D諗 一諗 原來佢係同我同一間小學既
我就即刻上返 陳年的小學校網
Click返入畢業相片到 click返入低我一屆既相
A,B,C,D,E班都睇哂 但係都發現唔到佢既樣 唔通我諗錯????
於是我細心再睇一次 呀!!! 搵到啦 原來係B班
我cut左佢小學既樣同佢FB ICON 既對比黎睇
嘩頂 ，真係好大對比 女大十八變 同美琪ＢＢ一樣
其後我仲記得返我同佢係聖誕歌唱比賽入面一齊做過工作人員，但係我唔記得佢係咪認得我
為左 識多幾個異性朋友 再加上我心諗同一間小學應該有話題既
於是我就破例 係右面既你可能認識的人到ｃｌｉｃｋ左加為朋友。。。。。。
＃１ 完
希望有多D人去睇我既故事~
|
