今日又再一次出去返學啦...=V="  咁快又一個星期啦... 時間好似過得好快咁...

今朝真係差 D 嚇死...=_=" 話說今日 7:00AM 起身，之後我本應係要搭 7:25AM 個班車，但係點知... ...  我遲左出門口... 遲左出門口唔係大問題，最大個問題就係... 落左樓之後，要行過去天瑞個邊搭 69X 呀...  = ="  當我行到巴士站個時，我要眼白白咁睇住架巴士開走... T.T "

之後我就等下..等下..等到 7:35AM 個班車開~~ 上到車之後，係度諗...我搭 7:25AM 個班車去到都早左成半個鐘啦~~ 咁如果我搭 35 分呢班車，都可能係有 15Mins 多姐...會有時間既...  點知架車出到葵涌個邊塞左一塞... 原來一班車之隔個車面情況係有咁大分別架... @@"

不過最後都好彩去到仲有 5Mins 多... =]

之後到左放學個時，我一個人落左深水埗，今日終於買到個隻手指啦... 哈哈~~ =]

但係原來係要付出代價架... =[  因為當我等 212 個時，我見到一架歐盟 4 型既 69X 呀...  係我最想搭個架巴士呀...> <"  當我一見到架 69X 之際，我諗...我搭歐盟 4 型既 69X 好呀...定係落深水埗買手指好呢~?

之後我諗左一陣，我最後決定左落深水埗買手指 > <"   我又再一次眼白白咁睇住架巴士開走啦... 第二次啦~~ = ="  諗返轉頭真係有 D 後悔呀... =[

　← 歐盟 4 型既 69X 呀... 我見到，但搭唔到呀... > <"

買完野之後，就搭返巴士返屋企啦... 

當我搭車個時見到一樣野令我諗到呢一首歌...

地下鐵碰著她　好比心中女神進入夢
地下鐵再遇她　沉默對望車廂中
地下鐵邂逅她 ... ...  

但係我唔係地下鐵碰著她... = ="  而係...巴士上碰著她... ...  =_="

琴日真係慘呀，要返學校補中史，唉~~

明明唔洗返學既日子都要 8:30 AM 返學校補課 @@"

補課補到 10:00 AM ，打電話比 D FD 去睇戲，但個個都未起身... = ="

但係好在一個 GOOD FD 佢起左身 =]

打比佢問佢睇唔睇戲，佢問我睇咩戲，

我同佢講話睇《愛鬥大》，佢真係好呀..一口就應成我 =]

之後一齊去銀座食 KFC 早餐，行行下見到幾個 3E 既 FD ，HI 個句之後就各有各行 LO...= ="

我覺得 KFC 個 D 早餐真係好唔掂呀..> <"

成 $18 一個早餐得個幾樣野...= =

一個大碟上面放左一條大腸仔再加一舊仔既雞，講真呀~真係睇落去好似好少樣咁，其實真係幾少野下架...

食完野之後，就上去戲院LU... 唔知係咪唔夠飽，入到戲院買左一個爆米花一路睇一路食。

好好睇呀...愛鬥大...好好笑呀...哈哈~~

不過，其實我主要係睇江若琳 GA ... HEE HEE...

講真~~成套戲總括黎講真係好好笑... XD 

不過，有部分仔係有少少驚嚇度既...我都嚇親呀...哈哈~~~ 唔只我一個，仲有好多人都比個個鏡頭嚇親.... =]

P.S. : 一連三擊咁快又完LU ... 多謝大家支持... =]

歡樂既時光過得真係快，又係時候再 Bye Bye ... 有機會再同大家擊多次啦~~ HEE HEE... =]

上一擊講到中一至中四、中六開始考試。

今次呢一擊唔通就講佢地考完試???

非也，非也... 雖然中一至中四、中六真係係 1 月 18 日考最後一科，但係今次唔係主講佢地... 係啦..就係講我啦~~

話說係 1 月 18 日 個朝早要早會，一定要 8:05 前返到學校，但我個日唔知點解我會訓到 7:30 AM 先起身，

平時最遲都係訓到 7:00 AM 左右咋... ← 只係計返學個時...= ="

咁我個日 7:30 AM 即刻起身刷牙洗臉，之後，我仲係屋企食左塊麵包先出門口，當時我個心冇諗過會遲到 = = ，

之後，阿媽同我講左一句野令到我即刻出門口，佢同我講左一句：「仲唔出門口? 係咪想遲到呀~!?」

就係呢句啟發我要快...所以我就出門口...當我去到 lift 口個時，發覺全部 lift 都落晒去 (◎口◎)"  。← 當時既時間係 8:01 AM

之後行到窗邊，心諗有咩方法可以快 D 落到去呢，跟住我諗而度 20樓，再望望窗口樓下... 跳落去死得人架波 //(~0~)\\，

所以諗左一個方法，落樓下幾層搭其他樓層既 lift，因為我地 D lift 係 1 ~ 15 兩部，16 ~ 28 兩部，29 ~ 40 兩部 咁既。

所以我開諗住行樓梯落 15樓搭 lift，但當我行到 15樓個時又諗，如果我再等 lift 可能真係會遲到，所以我最後既決定係行樓梯落樓 = =" ，其實我係未試過由 20樓行樓梯落去地下架...我最多只會行到 10 ~ 15樓左右，今係個朝真係破晒記錄呀...

其實當我行樓梯到 5樓以下既樓層個時，我個心係咁卜卜咁跳呀... 因為當時得我一個同埋大廈個 D 後樓梯咁鬼恐怖，朝早都係咁話啦...平時又唔多人行既後樓梯，又靜WO，發生咩事都唔知啦~~ 係咪先..?

當行到 1樓個時我都唔知會點行落去...我見有樓梯落就落，但原來只係落半層再轉左彎就係地下... 當時好開心呀...

終於可以係靜到乜既樓梯出到地下大堂啦~~ 但係望下個電話時間 嘩~~ 已經 8:03 啦... 死得啦今次...

真係一波未完一波又起呀...

出到大堂之後我係咁跑，跑呀跑呀...好似玩緊 跑 noline 咁 呀...= ="

好彩屋企同學校距離唔遠...但係我點跑都係避唔過遲......入早會... = =

返到學校既時間係 8:07 AM  ~~  全場賽事所用時間係 6 分鐘 = ="

我終於明白咩叫「原來返學都可以咁好玩」啦~~ 哈哈~~

下個星期中一至中四、中六又返返全日 LU...

而家反而唔想中四個 D 返全日添，因為我已經習慣左啦~~

又要重新再習慣了...@@"

P.S. : 請留意第三擊... =]

好耐都冇黎打野LU...

今日補返3篇先....

話說係01月07日中一至中四、中六都要開始考試，但我地中五所要考會考，以冇得考試。HEE HEE ... 好開心...=]

但係中一至中四、中六考試盲可以走人，佢地好開心，但係我地好傷心...= ="

因為我地班中五一到左午膳既時候，落到 canteen 就好傷心咁望住佢地一個又一個咁走.... = =

睇到佢地個D開心樣，我地都笑唔出... (T.T)

因為我地仲要照想上堂。

除左呢樣，仲有我地班中五分開晒唔同樓層，我地班 5A 係 6樓，5B、5C 就係 3樓 (最正佢地..= =)，最後 5D、5E 就係 4樓。

所以最慘就係我地，因為一來就係得我班係 6樓，太孤獨啦~~ 二來同我地同層既就係得中四，但係全部中四都係係個 Hall 度考，所以係考試期間，6樓會冇晒人，只係得返我地班係度... (T.T) 唉~~

平時好嘈既 6樓一變就變到咁靜，開頭真係有D唔慣，但係我慢慢咁開始習慣到LU... =]

 ← 6樓真係好靜 . . . .= =

 ← 6樓冇人之 2

 ←就連放左學平時好多人玩既操場，放左學都冇人...= =

 ← 放左學個 canteen 都好靜...= ="

簡單 D 黎講，考試期間真係好似死城咁...= ="

P.S.：請留意下一擊... =]

今日一早起身返教會，好耐冇返lu... 但係今日返去又遲到，同以前冇分別...= ="

返完之後，同阿媽一齊去維園個個工展會，阿媽今日同薛家燕玩遊戲... (= =")

因為佢今個月生日喎，而某一個品牌抽中左我阿媽去維園同家燕姐玩... (= =")

阿媽贏左一部煮野食既廚房用品。 (^3^)

跟住，見到無線收費電視訪問家燕姐...(= =")

所以，佢叫我同佢一齊去同佢影相 (=.=) 。

之後，佢地玩完之後，到我拎住部相機周邊影....

點知，行行下...竟然比我見到江若琳 (^.^)...

哈哈~~好開心呀...原來佢真人好靚架...^ ^

但係可惜冇問佢攞簽名。= ="

到左咁上下，阿爸放左工一齊行，我地今次買左超多野，好重呀....

但係好多野都好有用...

今日好正呀.... hee hee....(^.^)