**15/12-17/12

15/12

第1日同成班出去搭火車，之後等齊14個就搭船，架船好鬼舒服!呵呵!

好快就去到，見到隔離聖言中學的學生同老師，本來以為個老師好靚

好後生，結果近睇成個四十幾歲的阿婆..行上去明暉營，個山坡好斜，

同埋宿舍同飯堂相距好遠..囧!去到宿舍有個sir講規則，話不見鎖匙要

罰380蚊，嚇鬼咩囧!

上到去，我們間房原來有電視，正!之後我訓角落頭位，好快就要落去

樹林考察。落到去樹林，基本上個個都好燥底，到最後十分鐘先算叫

分工合作，期後都有事後檢討..lunch好豐富，食完番宿舍訓覺，goo

d!訓了無幾耐就去lab 室，成個下午就是lab室渡過..要做燒土，做離心

機..都是上堂..夜晚食完晚飯之後，就要去觀星..

不過由於太黑無街燈，次次夜晚行路都好驚同好笑，哈哈!由於該晚

好多煙霞，所以看到一粒金星..之後去天文室個到上堂，個陳奕希

gag好好笑..而個個七星女雲團好靚，仲知好多星座背後的野!good!

夜晚番到去即刻落去整薯蓉食，成班去了我地間房，一邊食一邊看

珠光寶氣，個feel勁正!期間沖涼，到新聞的時間她們過來，玩uno..

不過由於太眼訓，所以12點幾就訓了!

16/12

第2日朝早有粥+腸粉+炒麵，好好食呀!第2日開始食飯前後都會玩

uno，uno祈恩4連勝，珊珊5連勝咩事..囧!不過當朱古力一插入來

，就會變我羸，YEAH!朝早上一陣堂就落去長洲考察。我同珊珊

同4良一齊做..今次好快就做完，但是輪到祈恩同騰騰迷路，不過

都做到目標..食lunch後就去mmlc 做地圖同簡報..個地圖做到想叫

阿媽..做到好鬼頭痛!好彩食夜晚的時候，玩uno減低頭痛...

夜晚7:00番到mmlc 做功課..不過可以on一陣msn..結果個簡報都

好鬼簡短就收工，因為成班趕時間話要番去看珠光寶氣..但是4良

經常帶錯路，笑死!番到去，今晚零食輪到杯麵，雅雯食完珊珊

個杯麵一啖又一啖囧!之後11點幾輪到我沖涼，一出來見到miss

同成班是間房度..先玩一陣uno，其後玩killer..我畀朱古力kill 3次

囧!好鬼好笑，玩到2:00就訓..玩的期間聖言班人叫我們靜，不過

我地訓的時候輪到他們噪，我覺得他們是突登..囧!低b

17/12

第3日朝早執定野..提番先，第2日朝早講番，原來4良有晚夢遊

，呵呵!講番第3日..朝早飲奶茶，麵包，腸仔，雞蛋..飲了都算

多奶茶，所以不眼訓..去了做role play ..之後輪到我們present..

我講了幾個爛到不可以再爛的gag..囧!講到勁快..之後填問卷，

我地成班一致填洗手間是差..因為個洗手間好臭，而且無沖水，

搞到要忍到番屋企先可以去..同埋好奇怪點解男仔用座廁，女

仔不是..囧!

終於上哂堂影完相，就食lunch..最後這餐長洲lunch最好食，

不過有碟紫肉紫汁紫蓮藕..好o嘴..食完有得行街，買了個長洲

平安包鎖匙扣，好好禁!最後搭船搭307走人!