5.14

今天要去city U 聽talk。去到本來唸住坐整個會場的中間偏左

或者偏右的，但是點知要順住個排隊次序坐，完完全全打破

我們既有的計劃... 不過個lecturer 講野都幾搞笑，哈哈! 聽完

之後就要去上環啦。因為要買package 去 MACAU , WOW!

不過未出發，先傷心。此話是由於我們今次去信德中心買票

，我們想買個人$458的酒店套票(包酒店+船票)，但是條友

第一就聽錯我們去的日子，第二就聽錯套票做套房囧.. 之後

就出去唸了一陣，再入去。今次講到明，但是不知點解又

同想像中不同，又出過去，唸了好耐。第三次入去先可以順

利買到，但是我覺得我買貴了，因為中旅社個邊平黠兒。

加上我明明要標準雙人房，點解會幫我book了行政房?而且

我本來要5星級!!! 點解個日房間特別full! 要我得4星!! 當然我

不是介意星級的分別，但是既然有5星，而且同4星差不多價

錢，那麼為什麼要住4星囧..總之買票的過程是非常的撲朔迷

離，疑真疑假，展開旅程的序幕。

5.15

朝頭早要去BU 考筆試，我考個科是DGC - 數碼圖象傳播。

本來唸住7:15 起身，點知賴床6分鐘，而頭髮不知點解訓得

好樣衰，用了好多時間搞，所以7:45 先上到車。

本來好地地，但是因為我座位旁邊的玻璃是有防水(?) 貼紙

，搞到我看不到個街景，加上我又不熟個車站，竟然飛左站

.. 本來想下個站落車，但是我不記得禁個鐘，結果要第2個站

先可以落車，唯有行番過去..

行回原本的車站已經8:45，再加上BU好多等得勁耐的馬路，

唯有跑天橋。去到之後，又搵了一陣Building，而我當時在3

樓，筆試地點是1樓，我又要跑樓梯，結果8:59去到reception

，有人讚我點解可以那麼淡定囧..

因為無戴眼鏡，所以搵座位都用了一陣，變了盲人。一坐低

，個lecturer 先講野，好彩!!! 之後就開始考啦，其實好多題目

都好creative.. 例如話畫9格漫畫，畫你去到bu之前的事，那麼

我就可以將我上面段野全部畫下去，又例如畫代表自己的畫，

畫最喜歡的文字，畫對香港的感覺等..

下午就番下教會，夜晚就有小組活動 -- 去食日本菜!! 之後多了

一個花名，是叫資源回收筒 - 食完就痾，哈哈!我發覺我們其實

都好衰，6個人竟然食8百幾蚊，痴鬼線!! 之後就去食甜品啦，

玩下籃球機 (其實我本來無這個嗜好，不知點解身邊好多人都

好鐘意玩部籃球機，耳濡目染之下就連我都玩埋一份XD)