我地去左舜耕國際會展中心參加童博會ge開幕式
個日超開心，因為見到好多野(有放百鴿啦，有識藝姐啦)
我地一開始入去ge時候(我條褲都濕晒，好熱><)係一塊布上面簽名
幾靚架(遲啲有相睇^^)，跟住就入去睇野啦
嘩~有好多野睇好多野玩呀!!
我買左啲香粉，有香水百合同埋薰衣草(我而家成間房都香埋)
重有自己個名ge吊飾，中國結(有兩個公仔坐埋一齊ge，有一對鞋...)
跟住我地就去左睇水晶，好靚但係買唔起
於是我同詩婷就買左一對頸鏈(扣得埋架)
然後我地就去左睇人跳舞(唔好睇，韓國人跳舞仲好睇啦)
仲有一啲漫畫，有一句係我個fd留意到ge說話，
就係﹕咖啡的形狀是杯子決定的，我的快樂是你決定的
係唔係好有意思呢?
跟住我就去左一間借卡通人物ge襯ge地方
同一個超可愛ge女仔影左張相(佢真係好靚架，遲啲有相睇^^)
仲有呀，當地ge人好熱情架!
佢地唔單止免費送佢地自己畫ge畫啦(啲畫好靚架)
又生意都唔做，幫我個fd找一張證件(簡直係好人到不得了)
跟住就係到歡迎晚會啦，因為我地一陣就要表演(我地表演話劇，講葡萄牙點黎澳門)，
所以好多代表團都而經著好晒襯(但係我地未)
所以我地都好急敢食飯，點知...
當我地食到八成飽，佢先至講:晚宴正式開始~(我暈)
食飽之後，我地急急腳敢衝上房換襯，
然後急急腳敢上車，miss係狂震的車入面幫我地化妝(馬柳c忽，有相^^)
我著ge係一條葡萄牙傳統ge裙(條裙狂甩)
一落車，我地就行過一片草地，當時我地幾個真係好有feel，
因為我、偉樂、燦榮同家俊係着拖鞋(葡萄牙ge傳統係要着拖鞋)
之後去到會場，我地都唔知會有敢多記者係度
詩婷仲話:2~點解頭先好似有部野敢ge?
我話:唔係好似!係真係有部野!
跟住我地就安排坐係第一排(最角落~_~)
然後就熱死-,-藝姐就問我地去唔去廁所(更係去啦)
點知，個度啲廁所簡直不堪入眼(都唔沖廁，又沖唔度，成九野係個度)
但係點都要去架，最後都係去左-,-
跟就好急敢沖番去舞台到，啲團員都好搞笑(不停敢講笑^^)
但係其實佢地好驚架!!上台之前佢地就成個人呆左
我真係有啲担心佢地架~
我係旁白，所以第一個出場係我(我竟然唔記得左成句台詞，仲要講到一半先醒起)
好彩啲團員識以9妙9速度沖上台(佢地大部分都係運動員)
如果唔係我都唔知點收場好啦~
死!!!燦榮支咪收唔到，喂!!榮，用手力住支咪啦!!
呼~好彩!!佢自己都識!吓死我啦~
跟住又有事啦~點解音樂唔出ge(我地要唱七子之歌)?
敢點呀?唱唔唱好呀?唱!!其他人都開始清唱啦~
點知..我地唱左兩句之後..音樂又出番黎啦!!
搞到我地幾敢無奈，又要從頭唱過啦!!
之後就落台啦，我都唔知行邊一邊好(支咪又要比番主持，但係miss叫我地係另一面落)
搞到我兩頭令，工作人員就追住我攞咪(超掉架，又無奈)
番埋坐位到，我地愈睇愈興，真係想打人
啲人敢樣都力出黎獻醜!!仲有，啲外國人係好熱情ga咩，
點解敢好睇都唔拍手呀?得我地澳門係度傻更更敢拍(重要係個角落度拍喎)
跟住個個都睇到訓着晒，我feel到燦榮好想爆粗(但係佢自制能力好好，到晚黑就...)
(其實個個男仔都係敢架^^)
但係都同我就堅持拍手(人地練得好辛苦架，我地都練左好奈，而且要做好澳門ge形象呀)
因為我地着戲服，所以大家都狂影相，
偉樂(運動員)話:一生人好難得，呢次係第一次，都可能係最後一次!
我聽完之後，笑到我肚痛^^
之後我就上台攞紀念品，miss想影相都唔得，啲記者係度走黎走去(比佢激死)
不過都總算影到^^，之後我地就全部上晒台到影相(睇下啦，我放上黎架啦)
番到酒店又影，諗住同偉樂、燦榮影，點知佢地已經落左妝，
唔緊要!!照影!!
影完之後，大家就玩富有澳門特色ge野(打pe牌)唉~
仲有一輪咀ge @#$%^&^& 唉~
|
