我地去左濟南第五中學，首先見到ge就係記者
然後就係一位老師(佢係我啲ge講解員)，係學校ge門口入黎ge位置，
有一個圖形(當然係立體架啦)，好似有兩片野，上面有一個球，
老師話就好似學校入面ge老師，捧起一個紅太陽(學生)一樣(吹得好勁，點解我完全唔覺ge?)
仲有係個廣場(對於澳門ge學校黎講，個度可以話係一個廣場)度一個超大型ge地圖(已經甩得七七八八啦)，
老師話要比課室上ge學生見到，要佢地胸懷世界(無野好講，吹成敢真係佩服^^)
於是花花就話揾下澳門係邊，但係太大，我唔确定係邊，之後花花話比我地聽係邊，
建議我地影番張相，大家都無乜精神(我地琴晚打pie打到好夜，我係偉樂個邊打地補，平時最早訓變成最夜訓ge一個T_T)
所以都唔肯影，得我同詩婷影(佢地唔影就算，我地兩個影，哼!!)
跟住老師向我地講解兩GE壁畫(我無乜興趣...)之後我地去左一個特別古老ge地方(叫乜名就唔記得啦)
都係係學校入面ge，佢講述左學校百年黎ge歷史，有百年前學校ge模型(雖然比而家ge規模大， 但係課室好亂，無敢整齊)
仲有一部百幾年前ge琴，我就試下去敢下佢，點知原來仲有聲架!!
我地即刻拉tina去彈(tina彈琴好好聽架)，但係佢又唔肯，話無譜(我都䏲得出佢想彈，但係真係無譜，佢唔想出醜姐^^)
於是詩婷就去彈下，引黎一陣掌聲(事實上，詩婷係唔識彈琴架，佢記得係點敢姐，不過都好，有掌聲^^)
出番黎個陣老師又講內地學校ge一個奇景，就係單車場(雖然我地早就知)
仲有游泳館，佢地一個禮拜都會有一堂游泳堂(嘩!佢地就好啦，我地都無呀)
仲有羽球館，乒乓球場...
聽到呢度，運動員開始手痕啦，
我地就問:你地洗唔洗去打番場呀?
佩詩、偉樂同tina就問:可唔可以打番場先呀?
燦榮就問:有冇籃球場呀?
哈哈....答案就係:唔得!!
跟住再黎一個更大ge刺激，就係超大ge運動場，
詩婷話:幾日冇"煜"過，不如落去跑番圈囉!!
燦榮話:好呀!! 花花(我地miss)話:唔得呀!!
即刻個個都T_T....唉~
然後係運動場旁邊，有一個大石，老師問我地佢似咩
似九石囉(我地個個都係敢，係唔係好廢呢?^^)老師問:似唔似條龍呢?
依...似喎~不過係條龍係個石ge隔離(偉樂同燦榮一頭霧水，完全睇唔出)
跟住我地就走番入去學校有瓦遮頭ge地方，入到去有一個而家ge學校ge模型，真係靚好多(比以前個個)
and then 我地去左個實驗室，個度係學生做機械人ge地方(係唔係好勁呢)
佢地示範左足球機械人(係感光操作ge機械人)同埋按照一定軌道作ge車(感應操作)
雖然示範失敗左，但係見郅啲同學搞呢啲野搞到全身都係汗，我地都好比面敢拍手，
因為好明顯係老師都未比夠時間佢地準備..
然後就上樓去睇佢地啲學生寫書法(雖然我乜興趣，但係我真係超佩服佢地，寫啲字超靚)
一個叫井然ge女仔送左佢ge作品比我，係啲唔知咩字黎ge(唔係現代ge字，而且我中文水平唔係好高，唔識唔好見怪)
個四個字ge解釋係:天下第一，跟住主辦單位ge一個高層就同我講:
你唔好辜負呢四個字呀!! 我話:我會盡力架啦~(汗)
然後詩婷又收到一個男仔送ge字，佢又寫番"澳門 邱詩婷"呢幾個字比佢^^
跟住我地就急急腳敢跟番上大隊(因為詩婷佢寫字個陣太慢啦，不過唔緊要啦，佢係我地ge親善大使麻^^)
然後見到一啲準備表演ge女仔，我地就更係洗出我地ge超級絕招:微笑、抹窗(say hi)啦~
跟住入左去禮堂睇表演同交流，有濟南學生ge跳舞、笙、二胡，古箏，
有其他國家ge歌舞、友誼、唱歌敢啦，都算係敢啦~
然後就係交換禮物，超魚，我地啲禮物係花花度，人地份禮物黎，我地冇比番人喎，重唔魚死!!
好彩，之後miss好快敢比我地，都未死得~
我就派幾份禮物(教青局啲筆、書籤、襟章、間尺，係唔係好奸呢^^)比後面啲濟南同學
佢地又係無準備喎，跟住又唔知係邊度攞左隻碟比我(超搞笑)
之後我地就去打手印，我同詩婷係用橙色，
我用油畫筆寫左歐穎茵三個字同用手寫左welcome to macau
詩婷寫左自己個名，佩詩寫左"lo"字(佢姓羅)，tina更係寫番tina啦
男仔就寫單字:榮、樂、煜、俊
然後我地就係副手印前面影相啦~跟住我地就give me five，搞到個個仔手都係五顏六色(好好玩呀，超開心)
之後我地幾個就做聖誕老人，周圍去派禮物(教青局有好多野)，全部在場ge濟南學生都有教青局啲野
最好笑ge係，我行過去ge時候，佢話:她沒有禮物，另一個話:她聽不懂，can you give me one?
我話:我會普通話，說普通話行啦!!
之後我就比兩個記者捉住，我啲團員就係後面行黎行去(係度搶鏡，超搞笑)
跟住我地就係超勁ge陽光下影左一張相就上車
分享我地ge禮物，最勁ge都係佩詩囉~
佢個禮物係限量版ge金幣，超好呀(好羨慕呀)!!
|
