今日一早起身....同碧婷+Peter+水財+啤仔+葉翠珠去打籃球.......

打到咁上下.....就去左體育館涼冷氣......坐左陣就去銀座食野啦......

約左呀餅出黎比張卡我.....之後同呀餅去左揸幾鋪車@@......

無幾耐蟲蟲黎左啦.....我地就入去板橋食野.....點知無學生餐.....最起碼都要四,五十蚊......

之後叫左幾碟壽司之後就走人.....成班去7-11再食過......

食完野啦....就開始起行去搭車出元朗打機@@.....天慈搵埋水財就繼續出發.......

我+碧婷+蟲蟲+peter+水財....5個人去網吧打機......

打左咁上下...就走人啦.....搭車途中.....我+蟲蟲+水財決定左去游水.......

之後八點係元朗泳池等.....得我一個到左.....同碧婷傾左陣電話....水財就黎到....之後唔傾啦....

無幾耐....蟲蟲同彪炳都黎埋啦.....入埸去游水.....學生價只係9蚊.......

之後游到十點半就走番入更衣室沖涼.....沖完涼就去食野.....食完野就番屋企啦......

今晚好攰.....要早D抖抖......聽日又要番學練Oral.....想死.....

今日同水財講左D野......同佢講左我而家只係信得過四個人.......【碧婷+寧英+Kathy+呀餅】

有種感覺俾左我.....就係其他既人都唔係咁信得過......呢種感覺都黎得幾突然.....

但我可以肯定既係......呢四個人都應該唔會出賣我的......

因為呢四個人.....係我係茂峰識到既人當中....我認為最信得過的....就連九年感情的熊貓亦不是....水財亦不是....E班的兄弟們亦不是....

碧婷....一個知得我最多野既人.....同佢未試過反面....亦未試過同佢玩到嚴重到發脾氣...同佢玩/傾計都會覺得好開心....唯一一個同我識咁耐而又咁【好好好好好好好好好好】既知己........

寧英....雖然同佢由中五下學期先開始熟....但佢起碼都會明白你個心點諗.....有咩開心/唔開心都會互相扶持.......唯一一個同我熟絡既日子不長但同我傾得埋...而又成為我【真心】既知己........

Kathy....早前已經同佢有傾開我既私人野.....俾左好多意見我....有時唔開心/徬徨既時候打比佢....傾完電話都會覺得無晒煩惱....同佢傾電話個陣好舒服.....唔似得同其他人傾計咁你猜我度....唯一一個可以【經常幫我拋開苦惱】既知己.......

呀餅.....雖然有時我地串下嘴....但傾計個陣都會好開心....成日可以幫我將D煩惱拋埋一邊....同佢傾電話又可以暢所欲言.....有時覺得同呀餅仲可以FD過熊貓.....唯一一個可以同我【笑談天下任何事】既兄弟......

有人問過我....朋友既定義係咩.....我無答到佢....因為我知佢實有自己既答案.....如果我講完出黎....佢再講只不過想改變我既諗法....But It is impossible....有個問題....點解係我身邊既人....個個都好似係攻心計既人....俾你知人地諗咩咁又點???留意我既問題....我既問題唔係問梗你地會點做.....而係問你地可以點做.......就算比你知人諗咩....你都無咩野可以做得出既姐....點解係都要係人面前做到高深莫測咁呢???好似我咁....平時扮下傻咪幾好囉....扮到咩都唔知...咩都唔理...人地係度諗我個陣....扮到比佢地諗到咁....人地開心自己又開心....做人無非都係為左咁姐.....何必搞到好似戰爭咁你猜我度呀????仲有既就係....無論你地之後會做D咩事都好....最好唔好搞到我...否則後果自負.....

最後講既一句就係.....呢排我好無心情....我而家只係信得過我三位知己同一位兄弟....除左呢四個人之外....其他人都可以唔洗打電話黎啦....要搵我就SD個短訊過黎....有心情個陣會搵你地嫁啦......