今朝起身....見有D涼涼地....原來出面落緊毛毛雨....唔知係咪因為個天既關係....起身個陣好似特別傷感....
換衫返學....今日八點半上全人發展理念....返黃克競上PE....所以唔著制服....著便服返去算...廢時帶衫....
返到去....女仔就做健身器材....男仔就做掌上壓...度高...磅重...心肺測試....好無聊....
之後上到十點半就落堂....返去億京上中文堂....返到去Miss講左口試個分數先....
57分都算唔錯啦....反正都係全部上網copy=.="....呵呵....之後就教投訴信....
上堂個陣....同美冬佢地傾下計....又係咁講D搞笑野比呀Fing聽....佢係咁狂笑= =".....
之後十二點半落堂啦....同美冬+芳芳+呀Fing+呀B+靜怡去食....大把時間食飯...因為我地免修數學....唔洗上堂....
食完野....就番去億京度溫習....聽日測西式餐飲服務....未溫過....今次痾拔甩=.=".....
用左個幾鐘時間背下D字...都叫OK既....之後一直到五點....就同美冬+呀Fing+芳芳閃人....
佢地三個今晚參加左個課外活動有講座要聽....所以要番黃克競....而我就返去拎番把遮=.="....今朝漏左....
未夠鐘....同佢地三個坐左係公園度吹下風...超涼...不過幾舒服....諗番起之前坐係毛毛屋企樓下個陣....
不過落緊毛毛雨....坐係個有瓦遮頭既地方傾計...都幾浪漫= ="....
四條友圍埋傾下計....今日發生左一件小插曲....關於BOBO同美冬+呀Fing的....不過係超無謂的= ="....
傾開IVE識朋友呢個題目....基本上都無諗過要特登去識新朋友....因為識新朋友種感覺好恐怖的....
傾得埋....做到朋友既....咪緣份囉....無咩兩句傾唔埋既....咪當同學囉....都係順其自然既姐....
之後佢地去聽講座啦....我拎完把遮就閃人....買左D野飲.....去巴士站...
正當準備上車的一刻....Moko同呀Fing突然打黎....話個講座有我個名...要我番去聽....
但我明明無交過任何表格喎....突然有我名...係咪撞邪呀=.="....之後就拿拿聲返去先....
返到去....真係有我名....離譜的....莫名其妙= ="....之後就同班友仔坐係度聽講座....
聽聽下個陣諗番...呀!!!會唔會係我開學禮個陣簽左名加入呢???....有無可能同佢地三條友咁有緣呀= ="....
佢地交表格個陣我都無交...但偏偏我就係開學禮簽字報名....結果又係一齊去參加左呢個活動= =".....
六點半聽講座....聽到差唔多八點先完....期間玩左D遊戲....二人三足踩汽球+傳汽球....
都幾好玩....有D人超級外向....直頭瘋狂到可以完全將自己融入幾百人當中=V=".....
自問我就做唔到啦....都幾佩服呢種人...之後就同芳芳佢地三條友+呀B一齊閃人....
佢地搭地鐵...我搭巴士....只係講左一個小小既爛gap姐....洗唔洗即刻咁大反應呀= ="....唔講邊有得笑...係無聊左小小姐...
之後搭巴士...睇番部電話....原來碧婷打過黎...但我玩緊遊戲所以無聽到...打番比佢....打左三次都無人聽...
滾滾地唔打啦...等佢自己打黎啦....之後過左陣碧婷打番黎....原來佢岩岩食完飯....
傾左陣之後....佢就沖涼準備訓教...佢話超攰...聽日仲要返六點....即係要四點幾起身沖涼.....要早D訓.....
我就係屋企樓下買左個M記番屋企....今晚媽咪同舅父去海洋公園...我就食自己....無計....想係屋企溫多陣書.....
之後食完野.....用左陣電腦.....今晚提早打日記....打完日記想早D溫下書....聽日測驗...用英文考無得考天才=V='....
|