今日返學....照常搭巴士....不過發生左一段幾浪漫既情節.....
我上到車...聽歌....之後見到有個男仔同人傾電話....內容係話個男仔準備同一個女仔表白....
無幾耐...有個女仔係另一個站上車....原來個男仔同個女仔係朋友黎....
呢個時候我都好期待睇下個男仔會點....於是除低個聽筒....靜靜咁睇下佢地....
突然間...個男仔踎左係地下....同個女仔講左一D感人既說話....當然仲未到戲肉啦....
由於時間既關係...頭先無聊個陣我用紙巾摺左朵花....之後唔知食錯咩藥...我居然行埋個男仔隔離....
我居然將朵花遞比佢.....仲同佢講左句：呢個係對你既祝福...
之後我坐番埋位...個男仔將朵花送比個女仔...仲送左隻介指比個女仔....向個女仔表白.....
個女仔即埸喊左出黎....然後兩個人攬埋一齊....結果??當然係有情人終成眷屬啦.....
不過我好似痴左線咁....無啦啦比朵花人地= ="......之後就落車番學啦....今日提早左返去溫書....
原來返九點半...我八點已經返到去坐係休息室溫書....完全無人阻住我....超好...溫到好多野...
之後溫到九點幾就去課室等上堂啦.....九點半上英文堂....做聆聽....今朝飲左罐咖啡....所以好精神....
感覺上今堂好似學到好多野咁=v="....但都只係聆聽.....都聽到幾多題....不過講真...自己英文真係有少少進步左....
之後上完英文....我就掉上去前面同芳芳坐....因為後面D人狂傾計好嘈= ="....集中唔到.....
十一點半上西式餐飲服務....上堂前....我地幾個人叫外賣....今日食外賣....上到十二點半就落堂啦....
坐左係休息室等外賣到....當外賣黎左個陣就開餐....同呀威佢地坐....都得講得幾句野....
之後食完野...都係掉去美冬個邊坐...呀為呀敏唔理我....顧住同Moko+呀威玩=v=".....
始終都係呢邊多野講D....坐個邊我簡直就係自閉症患者= ="....之後同呀Fing佢地傾左幾句計...
食完野....溫書啦...不過休息室超多人....超嘈....所以我出左出面周圍行下溫下....
最後都決定左去後樓梯溫....無咩人...都叫溫到既....之後番休息室拎紙....同芳芳去後樓梯繼續溫.....
四點半就開考.....所以我地四點幾就執野去考試個課室等....佢地個個都好緊張= ="....我就好輕鬆.....
之後開考啦....平時只係我睇人答案.....今次竟然我俾人睇答案....呀敏坐我隔離....抄我D選擇題目同對錯題目.....
都叫OK既....雖然唔係識晒....有D背左唔記得....D人出到去係咁討論.....又話驚唔合格=.="....
自問就無咩點用時間溫過書....所以都無咩資格怨天尢人....都係聽天由命算....應該合格唔難既....
之後就閃人...同美冬+芳芳+呀Fing+Moko+靜怡去左黃克競還書....再閃人.....
搭車去天恆....呀妹黎左天恆....去睇下佢....不過搭巴士途中又有一件溫馨既事發生....
有對看似六十出頭既老父婦....係架車度坐....個婆婆餵個伯伯食野....因為個伯伯行動唔方便....
之後我見到坐佢地對面既年青人用怪異既目光望住呢對老父婦....好似覺得佢地好肉麻咁....
之後個婆婆訓著左....依偎係伯伯既肩膀度....兩個人都訓著左....感覺上呢對老父婦都幾溫馨.....
不過又唔係好明....點解年青既人會用怪異既目光望住呢對老父婦呢???妒忌人地恩愛????
呢D先係真正既執了之手...白頭到老.....而家既年青人有幾多真係做到咁樣???
好多時都係...追求人個陣就會講到海誓山盟....天崩地裂....但就成日都因為少少事而罵分手....
講一套做一套....做唔到白頭到老既....就唔好亂講【一生一世】呢四隻字....如果唔係呢四隻字簡直變左謊言....
得到一段感情唔難....維繫一段感情先係困難所在....真係講得出呢四隻字....就唔該盡自己能力做出黎比人睇....
就算他日真係分開....都起碼有盡自己本份.....而唔係追到人就將呢個【承諾】拋諸腦後.....
之後落車啦....上到去...呀妹一見到我就喊=v="....耐無見掛....之後食飯...食完飯睇埋電視成十點半先走人....
呀妹又係臨走個陣先肯叫我...仲鍚左啖=v="....岩岩又係咁喊....次次都係臨走先肯叫我哥哥.....=v="...
搭車返屋企....返到去...用電腦先....同美冬用咪傾左陣....之後佢訓教....我就打日記先....
打日記途中又諗下....到底自己會唔會好煩呢....感覺上如果成日同美冬+呀Fing佢地講野....會比人有種討厭既感覺.....
不過唔講野既話又話你悶....講野又比人話你爛Gap....又驚比人話煩....可悲也.....
打完日記用多陣電腦就訓教啦....好彩下兩個星期都係測英文...無咩野可以溫到....放縱下自己先....
|