問題(1)：我地四個真係我想像中咁FD???....by me...
時間：11/3/08     Lunch
地點：八樓梳化
人物：我 & 芳芳 & 香滿堂(閒人)

芳芳：見你偷望左我兩次...有咩想講呀...
我：無....
芳芳：講啦...實有啦...我聽你講呀...
我：你覺得我地四個係咪真係想像中咁fd呀??
香滿堂：講人壞話唔該細聲D....我唔想聽嫁...
我：下....講咩壞話呀....我同芳芳講梗我地既事....無人想你聽喎....
香滿堂：............
芳芳：嗯...覺呀...做咩呀???
我：哦...問下姐....因為我覺得有d問題...
芳芳：乜佢兩個唔係同你好fd咩???
我：唔知啵.......
芳芳：我覺得佢地兩個同你都好fd啵...
我：唔知呢...你唔覺得佢地有陣時好似當我係閒人咩???
芳芳：係咩...唔多覺啵..........
我：定係我地四個玩埋一齊...只係因為你同佢兩個fd...我同你fd...所以先玩埋一齊呀??
芳芳：唔知啵......唔係既.........佢地同你都幾fd呀.......
我：問題係...我當佢地係好朋友....同佢地當我好朋友係兩回事黎嫁啵........
芳芳：吾.........

問題(2)：都唔明D男仔諗咩既.......by奶....
時間：11/3/08   英文堂
地點：班房
人物：我 & 呀奶

 
呀奶：其實我都幾明白你所受既傷既....
我：呀ha.....係咩....
呀奶：嗯....咁你諗住點呀???....
我：有咩點呀??....
呀奶：佢都唔鍾意你...
我：咁都無所謂嫁....做番朋友嘛....咁我鍾意佢係我既事姐...應承左做朋友就一定要兌現承諾嫁啦...
呀奶：下....我都唔明你地D男仔諗咩既...人地都唔鍾意你...你仲咁死心塌地....
我：下....唔通人地唔鍾意你...你就要即刻搵另一個女仔既咩....咁其實個男仔都唔係真係咁鍾意個女仔姐...
呀奶：但係佢唔鍾意你....你都仲咁死心塌地等呀?....
我：嗯....咁唔同既....無可能佢唔鍾意我....我就會即刻鍾意另一個女仔嫁嘛....我個心放唔落第二個人囉....
呀奶：真係唔明你地D男仔諗咩....
我：咪即係代表我真係好鍾意佢囉....
呀奶：但無咩時間啦啵....得番幾個月喳啵....畢業啦啵....
我：嗯....係呀.....
呀奶：咁你咪會好珍惜剩低既幾個月囉....
我：嗯....珍惜既係每一日......
呀奶：喔..........