話說，今日坐巴士o個陣後面個o靚仔係咁踢我椅背

咁我坐得唔舒服，緊係望下後面俾d 壓力後面條友

望多兩眼，有人同我講︰「點樣呀？」

唔係個o靚仔，係坐佢隔離o個個唔知係佢老豆定咩o既人，廿幾出頭o既青年人。

我指住個o靚仔同佢講，佢係咁踢踢到我

佢竟然同返我講︰「細路黎o者。」「咁你想點丫？」「對唔住囉！」

每句講兩次，然後加多句︰「咁得未呀？」

同d 咁o既社會垃圾講咁多都係冇用，唯有同佢講︰「得~ 只要佢唔好再踢到我。」「唔踢到我o既話對唔住都唔駛架啦。」

然後坐多一陣我就到站落車了，落左車之後我就後悔了。

我好後悔冇同佢講︰「唔該你同佢(個o靚仔)老母講，唔識教就咪撚生啦。」

又然後如果講左呢句，應該又加多句︰「順便同埋你老母講啦。」

而家真係好後悔...