估唔到係而一刻會係到打日記...太多苦水不吐不得....

係而段時間我有幾唔開心係唔會有人明白。

因為自己過去既自私...無知..令到一個心愛既人離我而去..

即使就快過左3個月...但係我真係無一刻係忘記到你...

每一日都過得好慢好慢...而3個月黎喊又喊過..醜又醜過，

但係結果我都係咩都做唔到...."係應成分開既時候我真係極度唔捨得，

因為我好怕你會真係走左..係分開閎時間..我一直四周搵有咩地方好去..

有咩好食..諗住考完個AL就可以好幸福咁同你去旅行，去玩..做返我未做到既

諾言....雖然我有好多野講左出黎又未做到..但係我真係真係好注重好記得每樣答應你既事..

因為我真係無諗過會分開..好想一直同你走到最後。

.但係..結果你真係走左.....

你知唔知係你話分手個一刻..我真係傷心到.....

可能你唔信..但係..你真係我唯一努力既動力...以前每個難關都係因為有你

係身邊我先有信心度過。係你走左個一刻..直都考玩AL..我無溫過書..因為無論

咩時候我個腦都只有你....

因為你我每日都係到喊...連發夢都經常見到你...每次當我打開眼既時候...

我竟然都係到喊緊....係夢入面你終於返左黎我身邊...我真係好開心..

但係點解要我夢醒..."

係而一刻我更加明白過去我令你有幾傷心，好對唔住。

痛，係因為我唔可以再有機會令你幸福。

痛，係因為我為左最憎既讀書而無左最愛既人。

痛，係因為我再無機會話你知我同以前唔同..無機會證明比你睇我知你需要D咩。

痛，係因為我真係好愛你..我知自己無法抽身愛下個。

可能過去我地既觀點真係唔相同，但係時間耐左..其實你鐘意既野已經

變成我鐘意既野，以前唔認同你既野...而家覺得你講得好岩...

坐巴士真的不錯。

過去為左忘記你，我將你既一切都放棄...

但係今次，我做唔到..我寕願每日望住回憶係到喊，我都唔想放棄..

因為比起以前，我更愛你。

可能之前個段時間我已經令你討厭左我....我都唔知可以點算好....

原來2次既緣份已經係非常難得...但係點解偏偏就唔可以一齊...

本來以為忙碌可以沖淡一下傷痛，但無論我點做運動..每日返工都好..

你既所有都係我個腦到出現..好我想聽到你把聲..好想見到你...我真係好辛苦。

我而家明白..點解收工咁想有另一半係身邊...辛苦完一日..真係好想有你係到....

但係..我又點夠膽再搵你....

自從你走左..我既世界都變得好寂寞..咩都無..

愈寂寞..愈諗起你..愈諗起你就愈喊...anytime..anywhere..

KYL...為左你..我做左好多一直以為自己唔會做既白痴行為..

可能我真係好傻..但係..可以肯定既係..我愛你。

可能我已經無機會再進入你既世界..但係..因為你..我還會傻傻地相信一生一世..