第一天：２００７年５月１３日 星期日 晴  |
首次使用e-channel
早上起床後上網,
係離開香港前最後一次check晒D email,
午飯後最後check清楚有冇帶漏任何重要物品,
一點半鐘出左門口搭巴士到機場,
大概兩點四十五分就到左機場,
先到櫃台將行李同証件交比領隊,
之後係機場周圍行下,
行行下發現機場客運大樓2已經開幕,
見時間仲早於是過去行下,
到左果邊好多大型既商鋪,
上到2樓發現指示牌寫住"4D Extreme Display Screen",
好鬼吸引於是走過去睇下係咩,
原來係一間立體熒幕既戲院,
真係諗唔明係機場都開間戲院做乜=.="
周圍行下行下到左客運大樓2既另一邊,
呢到有間叫"星光無間"既電影展覽館,
放係大門口既係電影"頭文字D"入面AE-86既實物,
非常吸引即刻影番張相先~~~~
本來打算入去行下點知要成20蚊入場費,
加上定時進入,
為免時間受制攪到趕唔到飛機,
結果都係冇入到去~~~~~
繼續周圍行下,
一個更驚人既發現係...........
機場居然開左間機鋪=.="
果然係照顧周到.............
等D等緊上機既旅客可以有地方消遣下,
當然我麵走左入去打兩鋪哈哈,
望下個鐘差唔多係時候番去客運大樓1 lu,
到左之後搵個位坐下好好等下,
順手先將今日既Blog記一記錄,
費事今日到左之後時間太夜,
加上要記既野太多,
攪到好夜先有得訓,
四點半鐘集合之後入閘,
係集合既時候發現有一個團員係鬼佬,
如果有機會既話要好好練下D oral先得哈哈,
入閘啦見到有e-channel,
自己做左幾個月coursework都未試過用e-channel,
今次終於有得試下用啦~~~~
第一次用e-channel既感覺係真係好方便~~~~~
6點半起飛前往西安,
飛機餐尚算不俗味道幾好,
8點45分正式到步西安,
過關事宜妥當後到餐廳先食晚飯,
沿途可以見到西安既城牆,
係全中國最大最長既城牆耶~~~~
晚餐非常豐富,
加上係辣味鹹味為主非常適合~~~
而且主要都係麪少飯,
不過就只有很少肉非常多菜類........
好彩佢D菜煮得好好味,
吃完晚飯之後都已經好夜,
番到酒店已經11點幾鐘,
好啦今日既行程差唔多,
係時間去沖個涼之後好好休息~~~~~
PS 本來我係同領隊同一間房,
但係佢係到撞到佢既同事,
於是佢去左同佢同事一齊,
所以今晚我一個人獨佔成間房真係好哈哈~~~~~
影．十四天青藏之旅相簿
http://picasaweb.google.com/ringotrips |
第二天：２００７年５月１４日 星期一 雨  |
一再令人歎為觀止的藝術
由於係香港果時日日都好夜訓,
習慣左所以琴晚都攪到差唔多2點先訓得著=.="
今朝5點半多D就比窗外面射黎既太陽光照醒左,
梳洗之後到酒店餐廳享用自助中式早餐,
8點45分就上車去西安咸陽機場,
11點20分飛機起飛往西寧市,
12點半鐘到步先到餐廳食lunch,
係車上收到當地導遊送上既哈達,
係藏族人歡迎遠方朋友既最高級禮儀,
個人黎講呢條已經係第3條,
2年前係九寨溝既時候已經收到2條,
午餐非常豐富食飽之後隨即到景點遊覽,
今次要到既係塔爾寺,
係搭緊車既路上居然落起雨黎,
到步落車雨仲係係到落天氣得果4度左右,
好彩我身體強壯一件長袖T-shirt,
再加一年風褸仲勉強可以支持,
一路走到塔爾寺先係門口拍張照,
呢幾張都係今日唯一既幾張相,
原因係塔爾寺內不淮拍照,
沿路一路走左好幾個殿堂,
殿內既佛像都好大好宏偉,
輾轉到左主殿既後面,
趁無工作人員既踪影偷雞影左幾張,
殿入面除左有宏偉既佛像之外,
仲有一D用金、銀、翡翠、瑪腦等等,
一大堆名貴既材料磨粉加入蛋漿而成既顏料,
所畫成既壁畫藏語音為"唐卡",
每幅都超過百萬既價值,
睇上去雖然本身係平面但係感覺好立體,
我真係好想影幾張比大家睇下,
但係比工作人員長期監視無法落手,
另外仲有既就係"堆繡爾",
分"平堆"同"立堆"兩種,
而"立堆"呢種技術已經失傳,
所以可以見到實物真係好難得,
細細既一幅已經令我用上"歎為觀止"去形容,
不過可能對於一些比較缺乏藝術細胞既人,
都可能會覺得上述兩樣野平平無奇,
(兜個圈係到讚自己有藝術細胞哈哈=.=")
塔爾寺既最後一個景點更加更加令我"歎為觀止",
完全係難以用筆墨形容之美,
除了讚歎就是讚歎~~~~~
呢到係兩大幅立體既佛像故事連佈景,
即係類似臘像或者麪粉公仔,
你或者會問呢D又有乜野值得讚歎~~~~
原因在於每幅都係4米高6米闊用"酥油"黎整成既~~~~~~~
即係類似我地平日食既"牛油",
不過係用羊奶整出黎既而唔係用牛奶整出黎既,
因為佢既溶點只係得13度,
所以製作既時候必須要係好凍既環境之下整,
而整既方法更要係冬天落雪既時候,
係一間冇任何空氣調節,
即同屋外一樣溫度既房入面,
雙手要浸係一大桶既冰水入面製作,
而製作一幅咁樣既鬼斧神功,
必須要係果短短既兩三個月冬天入面完成,
每年都有好多喇嘛為左幫寺院更換作品挑戰自己,
而令到雙手變形甚至永久殘廢.............
係我地觀賞完咁美麗既作品背後,
係幾咁可悲既一個製作,
幾咁辛苦既一個製作,
遊畢塔爾寺已經5點幾鐘,
先到酒店將行李放好,
之後再集合到餐廳去食晚飯,
又係一餐極之豐富既晚餐,
唔通係先兩日等我地先食好D,
好好享受辛苦旅程啟程前既最後幾十個鐘.................
因為聽日就要正式踏上青鐵"公路",
海拔不斷既上升空氣中含氧量亦愈來愈稀薄,
食飽晚飯冇咩其他行程,
目的係比我地早D番到酒店好好作最後既充足休息,
迎戰明日開始極度艱辛既旅途,
所以我都唔寫咁多啦,
今日既行程到此為止,
依家要梳洗收拾之後早D休息,
期待聽日既旅程~~~~~
PS 天氣預告聽日氣溫平均只有4度,
如果不幸再落雨既就就可能低過零度...........
所以我都要準備好我既羽絨褸~~~~
影．十四天青藏之旅相簿
http://picasaweb.google.com/ringotrips |
| 第三天：２００７年５月１５日 星期二 晴 |
首次踏足雪地上 琴晚訓得好好,
今朝6點半起身之後如常,
梳洗後到餐廳享用早餐,
7點半正式開始今日既行程,
正式踏上青藏公路,
搭車既沿路開始見到好多雪山,
一路走上雪山黎到今日既第一個景點,
日月山上既日月亭,
據知日月山琴晚落雪,
所以地上都鋪上一層雪白既雪,
非常興奮第一次踏足係雪地上既感覺幾好,
不過難以想像既係,
烈日當空搭上滿地白雪既景色特別靚,
因為有D雪比猛烈既太陽曬到反光,
一路都係好大風只得5度左右,
不過我仍然只係著坐一件T-shirt only=.="
日月亭唔太特別不過周圍既風光就真係非常漂亮,
雖然今日一嚐踏足白雪既滋味已經令我非常興奮,
但係我仍然最希望可以比我睇到落雪,
遊畢日月亭之後就搭車去我地下一個目的地,
全國最大既內陸鹹水湖－青海湖,
呢個湖真係大得好緊要,
一望無邊既青海湖馬上高速捕殺我一大堆膠卷!!!!!
景色真係非常非常美麗,
睇完青海湖之後到湖邊既藏區動物標本展覽館參觀,
呢到有好多珍貴罕有甚至已經絕種既動物標本,
第一次見到雪豹覺得非常漂亮,
又睇到比我仲要高既棕熊,
見到之後心諗如果可以整番隻番屋企,
攬住佢黎訓覺就正一定會好暖哈哈,
睇完之後係青海湖邊食lunch,
lunch之後再搭車去我地下一個目的地－鹽湖茶卡,
一路上要搭成2個幾鐘頭既車,
所以車上面有好多既團友都訓著左,
而我就係到欣賞車路上兩邊窗外既明眉風光,
到左鹽湖茶卡之後好大風,
但係又只係得個大字完全唔凍,
大風既原因係茶卡位於一個風口既位置,
比較失望既係琴晚既雪令湖面上積左一層水,
所以我地唔可以走到湖面上一嚐腳踏滿地鋪鹽既感覺,
可是我係有備而黎的靜靜偷挖左一D鹽走人做紀念,
到過茶卡之後亦代表我地正式進入左柴達木盆地,
呢個係一個沙漠地區天氣非常熱,
雖然我只係著一件薄薄既T-shirt,
但仍然係天熱難耐耶=.="
離開茶卡之後我地就向今晚下榻既賓館出發,
一路既風景都好靚,
只係係車上熱到不得了=.="
到左賓館已經7點幾鐘啦,
放低行理之後到餐廳去享用晚餐,
晚餐之後已經9點幾鐘呢到仲係白天可以見到太陽,
可能係西邊既緣故啦好神奇~~~~~~
晚上沖涼一半既時候突然冇左凍水=.="
原來係因為政府冇水到酒店係到搶救緊...............
只係剩番D熱辣辣既係暖水儲水箱泵出黎既熱水=.="
熱到可以灼熟雞啦=.="
形勢不妙芏有將花灑較到向天花噴,
而我就蹲到盡量貼地,
等D水經過更長既時間先接觸我既身體,
可以令到水既溫度降低,
(又一個physics既application哈哈=.=")
然後我盡快KO如果唔係我都頂唔到太內=.="
其他好多團友都選擇放棄沖涼,
因為實在係沖唔到,
我只係沖一半冇得唔沖=.="
梳洗之後我都冇咩野做,
11點幾鐘就走左去訓lu~~~~~~~~~~
影．十四天青藏之旅相簿
http://picasaweb.google.com/ringotrips |
| 第四天：２００７年５月１６日 星期三 晴 |
抵步格爾木補充物資
琴晚訓得好好,
今朝6點半起身好精神,
到左餐廳去食早餐,
但係D餸菜好鬼差=.="
隨便食D充飢罷了,
7點半開始今日既行程,
搭旅遊巴到格爾木,
一路上經過戈壁灘全部都係一望無邊既沙漠,
再行一段路可以見到中國最著名既2種地貌之一－雅丹地貌,
真係非常漂亮獨特,
落車照完相之後就繼續出發,
一路上兩邊窗外既景色都好靚,
12點半鐘到達左格爾木,
即係代表已經過左沙漠地區,
好遺憾既係未能遇到海市蜃樓............
到達賓館以後先到房間放下行李,
點半再到餐廳去用餐~~~~
餐後整個下午都係自由活動時間,
反正番到房間都係唔會有野做,
所以我同另外3個團友一行4人打的,
到城內購物區行下,
順道可以睇下有冇乜野野要補充既,
應付聽日後日既惡劣旅程,
到左超市我自己買左2枝1.5公升既水,
因為聽日後日係路途上都唔可能搵到水買=.="
之後就係周圍閒逛行下公園,
4點幾鐘番到酒店先將聽晚所需既野係喼到搬出黎放落袋,
因為聽晚既沱沱河賓館環境極為惡劣,
加上沒有行李生既服務,
所以我地聽晚都將個喼放係車上面唔找落車,
因為聽晚既沱沱河位於海拔4千幾接近5千既高原,
如果自己仲將咁大年既行李搬落車係會極耗體力,
更可能促進高原反應增加對生命既威脅非常危險,
收拾好一切之後冇咩野做都係係到睇電視,
6點半真係冇咩野做自己一個到周圍行下,
7點鐘直接到餐廳享用晚飯,
晚飯之後番到酒店好好梳洗之後都係睇電視,
依家9點幾鐘呢到仲係日光日白,
睇多陣電視我都要早D去休息啦,
做好入藏前最後既充足睡眠~~~~~~~~~
影．十四天青藏之旅相簿
http://picasaweb.google.com/ringotrips |
| 第五天：２００７年５月１７日 星期四 晴 |
沱沱河勉強可接受
琴晚訓得好好,
今朝6點半起身執好野食早餐,
不過早餐D餸好差隨便食D就算,
7點半開始今日既行程,
行3個幾鐘既車路黎到納赤台,
呢到有一口崑崙神泉,
D水係可以飲既所以我都整番幾口,
好清甜好冰涼超正哈哈,
照完相之後再繼續行程,
到左西大灘呢到可以清楚望到崑崙山主峰－玉珠峰,
好靚影左唔少相,
11點鐘就係西大灘食lunch,
好早耶但係如果唔食就要等到3點先有得食,
午飯後再一路上山,
2點幾鐘到達崑崙山口,
一落車睇到一個碑不過比早兩個星期既地震震斷左.........
所以要行一段落先去到個新碑,
影完相之後繼續行程,
一路上既路愈來愈顛簸了,
因為路都比地震震得希巴爛,
一路咁行到3點絕鐘好肚餓..............
可能係因為今日既lunch太早食啦,
於是首次出動我既乾糧食左包童星,
順手1啪番罐Red Bull因為有少少sleepy,
4點幾到左中國4大無人區之一－可可西里,
係呢到可以見到一望無邊既大草原,
呢到既職員話今個月係藏羚羊既繁殖期,
所以藏羚多數走到深山去唔容易遇到,
但係我地既團隊好好運氣,
居然比我地見到一細群~~~~~
係正要上車既時候剛遇上一列青鐵開過,
我高速拎出我既相機,
啱啱趕得切影到個火車頭~~~~~~~~
影完相之後上到去今日既目的地沱沱河,
先去食晚飯再到賓館,
賓館比想像中既好仲可以接受,
冇茶會講得咁恐怖不過仍然係好惡劣,
入到房到先鋪好睡袋,
之後都冇咩野做,
電視又冇燈又冇水又冇乜都冇=.="
冇咩野做10點幾就走左去訓=.="
PS 今日路上遇到超過100部解放軍車隊,
將物資運去拉薩,
又遇到超過200部解放軍車隊,
將物資運到拉薩之後回程,
非常壯觀既場面,
一部部同樣車排到勁長,
仲要排得好整齊,
呢D咁既景觀真係唔係時常有機會見~~~~
影．十四天青藏之旅相簿
http://picasaweb.google.com/ringotrips |
| 第六天：２００７年５月１８日 星期五 晴 |
到過沱沱河,包你暈沱沱=.="
琴晚張床好差一凹一凸,
成晚輾轉反側訓下醒下=.="
今朝5點鐘放棄訓覺,
反正都偽唔會訓得著.............
一起身凍到死,
原來得果零下5度=.="
高速將借番黎件羽絨著上身,
再戴埋手狩仲係凍到打震,
一行出走廊發現個個團友都起晒身,
冇辦法環境太惡劣實在係冇可能訓到,
團友都出晒標語=.="
"到過沱沱河,包你暈沱沱"............................
6點半到餐廳食早餐,
可能因為太眼訓既關係冇胃口,
食左唔多野就飽,
7點半展開行程,
上到車一坐落張櫈到凍到彈起=.="
真係唔想做番落去=0="
開車之後第一時間就係訓覺=.="
10點幾鐘到達唐古拉山口,
海拔足足有成5231米,
落車行兩步路都好快氣喘,
冇計因為空氣中既含氧量太低,
亦係因為呢個原因導遊唔淮我地停太內,
因為驚有人會暈左,
最後只係逗留左5分幾鐘就要閃人,
車再跑2個幾鐘我再訓2個幾鐘=0="
12點半到左安多食lunch,
午飯之後再趕路去到那曲,
3點幾鐘到左那曲,
係城入面周圍兜,
因為個司機搵唔到間酒店=.="
兜到城郊我地見到龍捲風,
睇住個風起睇住佢散~~~~~~
我都係第一次見到龍捲風咋~~~~~
兜左差唔多半個鐘終於搵到間酒店,
同時都完左今日既行程,
因為旅行社係安排行程既時候,
都預左我地琴晚一定訓得好差,
所以安排我地今日早D到酒店可以好好休息,
到左房之後好攰趴係張床上休息,
6點鐘去餐廳食晚飯,
啱啱食完飯番到房,
好啦都係時間早D梳洗完,
早D去訓覺補番琴晚條數=.="
聽晚就到西藏首府拉薩啦~~~~~~
PS 今日又遇到成百部既解放軍車隊
影．十四天青藏之旅相簿
http://picasaweb.google.com/ringotrips |
第七天：２００７年５月１９日 星期六 雪  |
終於比我見到落雪啦~~~~~~
哈哈哈我個Blog終於用到"雪"呢個天氣啦lol
琴晚訓得超好一早9點鐘就去左訓,
一覺訓到今朝7點morning call先起身,
執完野之後去左餐廳食早餐,
D野食唔太鐘意隨便吃兩口就算,
7點45分開始今日既行程,
開車冇內就開始落雨,
一路行見到遠處D雪山上都落緊雪,
但係再行多一段路雨又停左,
令到我非常失望..........
12點半鐘去到當雄天仲係陰陰的冇落雨,
導遊話趁住冇落雨先去納木錯景區,
因為只有天氣可以先比去,
如果天氣差既話景區就會封山唔比人入,
於是我地就開車向景區入口處出發,
果然真係冇封到山,
於是我地就通過山路到景區去,
係入口處每人獲發一個景區專用垃圾袋,
目的係比遊客用黎放垃圾,
如果係景區內比工作人員發現隨地拋垃圾,
每件罰款5000蚊~~~~~
由於景區單是車程來回唔計遊覽時間都要成2個鐘,
所以又係時候出動乾糧順手啪埋罐Red Bull送你一對翼~~~~
車行左唔係太內居然又落起雨黎,
車一路向高海拔爬就愈落愈大,
行左20分鐘左右開始見到既係落雹,
行左差唔多35分鐘到左念真唐古拉山既山頂,
太興奮啦太興奮啦~~~~~~~~~
終於比我遇到落雪啦~~~~~~
雖然唔係落得好大但已經令我非常興奮,
車一路再番翻越念青唐古拉山,
係遠處已經可以見到納木錯,
再留意一下湖上既雲層,
有左一個驚人既發現,
就係居然比我見到海滋~~~!!!
雖然早幾日係沙漠睇唔到海市蜃樓,
但係今日比我見到比海市蜃樓更難遇到既海滋,
真係太太興奮啦~~~~~~~
如果係回程既時候可以遇到海市蜃樓就更好啦哈哈~~~~~
車走到接近納木錯既時候時又停左,
真係天公做美得我可以好好欣賞納木錯,
欣賞西藏三大聖湖之一既納木錯~~~~~
呢到既風景真係好靚,
單單一個湖就捕殺左我超過200張膠卷=.="
遊完景區之後都已經2點幾,
係行緊番上車既時間撞到個北京黎既旅客叫我幫佢影相,
傾左幾句佢仲讚我D國語講得好lol
一路搭車翻越念青唐古搵山番到當雄市區,
到左山頂停一停比我地影相,
5200幾既海拔係呢到一伸手就可以捉到雲了~~~~~
真係一個好正既經驗lol
番到景區入口處發現真係封左山=.="
真係lucky如果遲少少我都冇可能欣賞到一個咁靚既湖,
禁下相機睇下單係納木錯同念青唐古拉山就KO左我3xx張膠卷=.="
離開景區之後去餐館食"lunch",
到左餐館已經"4點半鐘"啦=.="
食完"下午飯"之後再出發向下一個景區進發,
係未上車之前又遇到超過200部解放軍運輸車隊,
因為啱啱好停左係路邊,
所以影番張相比大家睇下,
同時留意到一樣好犀利既野,
就係原來每部軍車上面句標語都係唔一樣既..........
真係唔知作呢一大堆標語要作幾內=0="
差唔多6點鐘到左羊八井地熱景區,
但係由於今日落過雨黎將地面降左溫,
所以地熱睇得唔太清楚,
影完相之後就搭車向今日既目的地"拉薩"出發,
一路上欣賞兩邊窗外既風景,
8點半鐘於到左西藏既首府,
藏傳佛教既聖城－拉薩~~~~~~~~~~
但係呢到繁榮到不得了,
同我心目中既拉薩有好大既分野=.="
到步番先到餐廳食晚報,
路上望見布達拉宮~~~~~
到左飯店見到拉薩區既導遊,
收到我既第4條哈達~~~~
食完飯之後再番到酒店,
啱啱沖完個涼已經11點幾,
再睇多陣電視就去訓覺lu~~~~~~~~~~~
PS 期待聽日布達拉宮之行~~~~~~
影．十四天青藏之旅相簿
http://picasaweb.google.com/ringotrips |
| 第八天：２００７年５月２０日 星期日 晴 |
波鞋都有高原反應?!=.="
今日一早7點半就自己醒左,
睇黎我既生理時鐘已經被調整,
早餐又係自助餐不過今日非常豐富,
食飽左第一站係到大昭寺,
寺入面有好多人好擠迫,
害到我既Nike波鞋都比人踩甩鞋跟=.="
可想而知係幾咁水洩不通.........
不過我相信另一個促成既原因係高原氣壓低,
波鞋air入面既氣澎漲已令佢變得脆弱,
可上多日黎行左太多既路=.="
雖然好擠迫不過見到既佛像都好宏偉~~~
係寺入面仲見到有好幾個日本既靚女遊客~~~~
參觀完大昭寺之後10點半鐘,
到寺外既八角街行一圈,
只比我地20分鐘既時間實在走馬看花=.="
冇咩野淨係買左個經輪比自己,
行完八角街之後趕到餐廳用午飯,
食飽之後到整個行程既其中一個高潮,
就係到藏傳佛教既聖殿－布達拉宮,
依家真係巴屎閉=.="
入布達拉宮要指定時間入去,
逾時就唔比入場拒諸門外=.="
一入場之後仲要好似搭飛機咁,
先check回鄉證再過安檢=.="
完成檢查之後正式入宮,
入宮既路全部都係好似長城一樣既斜路=.="
在高原跑呢D路真係好晒體力,
不過跑完之後一入到宮就馬上忘記辛苦,
因為實在係太靚既一個布達拉宮~~~~
我終於明白點解咁多人希望到布達拉宮一遊啦~~~
不過依家布達拉宮為左限制人流,
開放既殿堂唔多而且限時參觀><"
行完一大堆艱辛既布達拉宮斜路之後,
到左西藏醫學院參觀,
呢到放左全球最大粒既天珠,
講解員話呢粒係無價之寶,
國家一級保護多多錢都唔買唔到~~~~~
之後聽左個有關藏醫學既talk,
下一站就到夏宮羅布林卡參觀,
(布達拉宮係冬宮)
都係一D佛像殿堂,
另外就係好大既花園,
老實講句睇完冬夏兩宮之後,
完全明白中國點解要趕達賴出國,
因為佢既生活實在係太歎啦=.="............
完左呢個景點先4點幾鐘,
但係今日既行程又已經完晒,
所以5點幾就到餐廳食晚飯,
同琴日點幾既lunch真係好大對比=.="
食飽飯之後都只不過係6點鐘,
團友個個都唔想咁早番酒店到hea,
於是叫司機車我地再去八角街行下,
但係司機既條件係要我地自己搭的番酒店,
冇計啦實在唔想番酒店到hea,
所以團友都答應左,
到左八角街大隊人馬再行左2個幾鐘,
大家都係收穫豐富滿載而歸,
8點幾鐘番到酒店,
好攰沖埋個涼就去訓啦~~~~~~~
影．十四天青藏之旅相簿
http://picasaweb.google.com/ringotrips |
| 第九天：２００７年５月２１日 星期一 晴 |
搭車搭到high high=.=" 今朝早上依舊7點半起身,
食完早餐之後就出發啦,
坐左個幾鐘頭車到左雅魯藏布江既水葬台,
落車影下相冇咩野野特別,
之後再搭左差唔多2個鐘頭既車路翻越崗巴拉山,
到左山頂海拔4999米既地方,
欣賞另一個西藏三大聖湖－羊卓雍錯,
老實講都係納木錯靚D,
可能其中一個原因係納木錯有得到湖邊行啦,
而另一個三大聖湖－瑪旁雍錯,
聽講係三個入面最靚既一個,
可惜因為太遠所以唔包係今次行程之中,
所以無緣一睹佢既廬山真面目啦,
睇完左羊卓雍錯之後11點幾,
再搭差唔多2個半鐘頭既車去到食lunch既地方,
食飽之後再搭左三個幾鐘頭既車經過今晚入住既城市－日喀則,
再2個幾鐘頭之後終於到左江孜,
但係江孜大橋係早前既地震中被震斷左,
依家正在重修之中,
攪到我地要兜路入去江孜市區,
到左白居寺已經5點幾鐘,
但係今日仲有一個景點要參觀,
而果個景點係6點半就閂門,
所以白居寺既參觀變得滾水熝腳走馬看花,
冇時間伕我地上十萬佛塔睇下><"
先得果20分鐘就要離開白居寺,
趕到下一個景點帕拉庄園,
一路飛車咁趕好彩趕得切係閂門之前到達,
帕拉庄園幾靚不過唔比影相,
當然我呢D人就會趁冇人既時候偷影幾張啦哈哈,
參觀完畢之後再搭差唔多2個鐘既車番到日喀則食飯,
食飽番到酒店已經10點幾鐘啦,
好攰丫沖個涼就去訓啦~~~~~~
影．十四天青藏之旅相簿
http://picasaweb.google.com/ringotrips |
| 第十天：２００７年５月２２日 星期二 晴 |
中國人慘被中國人欺負!!
今朝8點morning call,
梳洗之後到餐廳食早餐,
但係遇上種族歧視!!
酒店居然話中國人唔淮食多士同荷包蛋,
只有外國人可以食,
呢個係乜野野道理?!
如果我依家係外國我無野好講,
問題我依家係自己中國人既地方真係可惡,
大家都好氣憤咁將佢個經理鬧到狗血淋頭,
之後都冇食到早餐就出發lu,
第一站到班禪新宮參觀,
遇上翻新工程既尾段,
真係好彩成個新宮都新束束,
加上翻新工程正在進行,
所有地方都可以影相,
(其實係冇人捉=.=")
調轉唔係翻新既時候,
基本上係接近所有地方都唔比影相=0="
參觀完新宮之後再到扎什倫布寺參觀,
一入去第一個殿堂已經令我唔想坎,
因為實在太正太宏偉啦,
完全係比全世界最大既釋迦牟尼佛像攝住心靈~~~
離開第一個殿之後一段路有個神泉,
當地既人經過都會沖沖個頭,
所以我都入鄉隨俗埋去沖沖,
之後一路參觀都係好靚既,
參觀完扎什倫布寺已經11點半,
但係去到食lunch既地方仲要2個幾鐘頭,
所以團友們又再次出動乾糧~~~
lunch之後再跑左2個半鐘頭番到拉薩,
先到西藏博物館參觀,
之後再到餐廳享用拉薩最後的晚餐,
食飽之後番到酒店放低行李,
一行13人既團友自己一齊出去行下,
8點半黎到八角街天仲係光既,
大家又再次瘋狂掃貨,
9點半開始天黑啦,
由我帶隊行路過去布達拉宮廣場,
抵步都已經10點鐘lu,
布達拉宮既夜景真係好靚,
而且有音樂噴泉吸引唔少人係廣場跳舞,
一路留意到有好幾個好靚既靚女,
10點半音樂噴泉完左人開始散,
團友一齊到對面街一間叫良木緣咖啡既cafe,
叫左D小食野幾枝"拉薩啤酒"(志在試味哈哈)和一D飲品,
11點幾鐘cafe要閂鋪啦,
埋完單之後分別打的番酒店,
經過今次自己增遊既景點之後,
完全感覺比人呃左=0="
因為之前茶會個員工同我地講話,
拉薩夜晚既治安好差好危險,
可以避得過就唔好出去,
但係實際係好靚好氣氛幾安全~~~
好啦酒氣差唔多散啦,
係時候沖個涼執埋野訓覺~~~~~
PS 期待聽日青藏鐵路之行~~~~~~
影．十四天青藏之旅相簿
http://picasaweb.google.com/ringotrips |
| 第十一天：２００７年５月２３日 星期三 晴 |
終坐上中國人的驕傲－青藏鐵路
琴晚沖完涼之後執行李執到差唔多2點先訓,
今朝早又唔夠7點就自己醒左起身,
梳洗完之後檢查清楚有冇執漏野,
8點幾鐘就到餐廳食早餐,
9點半正式出發去拉薩火車站,
10點鐘就到左拉薩火車站,
距離開車仲有個幾鐘,
先係車站內外影相留念,
10點45分就可以人去月台啦,
先上車將D行李放好,
然後再跑到火車頭去影相,
到左火車頭一個人都冇,
除左一個當值既公安=0="
氣喘如騾咁走上去請佢幫我影張相.........
影完之後再以高速跑番自己既車卡,
係高原跑步真攞命,
跑到我氣喘到就黎冇命啦=.="
慢慢回番道氣再周圍影下相,
11點15分就上車等候啟程~~~~~
成個行程既最高潮重點,
11點20分青鐵列車正式啟程,
要同拉薩講BYE BYE啦,
一路上都係到睇窗外既風光,
點半鐘就到餐卡去食lunch,
lunch之後仲係係到睇窗外既風光,
行左一段路差唔多2點半,
望到遠處有2個龍捲風,
差唔多4點鐘既時候經過一個叫"錯納湖"既湖,
景色好鬼靚即刻搵番部相機照幾張~~
6點幾鐘天開始暗啦,
加上之後沿途既風光係入藏既時候已經睇過,
所以冇再將時間同精神集中係窗外既風光,
而係搵左領隊團友開始鋤D哈哈,
8點鐘夕陽西下到餐廳食晚飯,
一路望住窗外既夕陽,
一路享受火車上既晚餐真寫意~~~
晚飯過後天已經全黑,
剩番既節目就只有連連既鋤D激戰,
一行8個人足足鋤到凌晨2點24分先番房訓覺~~~~~~
影．十四天青藏之旅相簿
http://picasaweb.google.com/ringotrips |
| 第十二天：２００７年５月２4日 星期四 晴 |
起勢劈酒=0="
琴晚鋤到2點幾一番房無換衫著住牛仔褲就訓=.="
今朝4點幾鐘熱到成身濕晒起身,
刷牙洗面4點半鐘打算等睇日出,
點知等到6點幾天都光齊都睇唔到,
相信係因為太大霧既緣故><"
之後就發脾氣走去再訓,
8點半鐘起身之後整左個康師傅公仔面食,
不過D水唔太滾整左馬馬地好食,
食飽又過左隔離房鋤D,
11點鐘差唔多到站,
收檔之後番房check清楚有冇漏野~~~~
12點鐘終於到達西寧火車站,
拎齊行李之後落車,
個檢票員開頭想收左我張飛,
當然我唔肯啦青鐵飛喎~~~
之後我同佢話要番張飛,
佢例行公事撕一撕就比番我,
離開車站之後就搭旅遊巴先去食lunch,
lunch食一個正宗既清真料理好豐富,
食飽之後去左東關清真大寺參觀,
剛好遇上信徒禮拜,
發現左樣物理都解釋唔到既野,
就係唔知點解佢地念黎念去都係得2個字=.="
參觀完清真寺之後先番到酒店放低行李休息下,
4點再出發去呢個互助土族風情園,
5點半到步先黎收到我既第5條哈達,
之後再到土族既歡迎儀式三杯青稞酒,
(青稞酒一杯有成34.5度~~~)
不過我地要先用無名指係杯到撩3野,
分別係敬天敬地同敬佛,
點知對上果幾個都撩完唔飲,
攪到杯酒好似變左洗手水咁樣=.="
結果我都係撩完就算無飲到,
之後就係風情園到睇表演,
晚上都係係風情園入面食晚飯~~~
晚飯食一半既時候有人入黎叫人飲青稞酒,
一個個輪住既有人冇飲有人飲一round 3杯,
我就飲左3round 9杯=.="
因為實在太正啦,
之後就繼續係到食晚飯,
食飽晚飯就係時候閃水,
點知臨上巴士又比D土族截住要我地飲幾杯先上車=.="
當然有人已經驚左想閃人=.="
於是我就行先再啪2round 6杯,
係我後面條友話我飲左當代佢飲,
佢自己唔飲點知比人截住左唔比上車哈哈,
個個上晒車之後就番酒店,
放低D行李之後我就落樓去大堂等團友,
等齊人之後就一齊出發去行下街,
點知行行下遇到細關=.=
攪到我地左閃右避唔想比佢見到=.="
一路行一路傾發現Erica個細佬又係讀保一,
今年讀4A班叫咩李俊賢,
個名好熟不過冇咩印象,
番到HK要查一查佢先得=.="
之後一路行比我地發現何生何太係到2人世界,
我地成班走過去做電燈膽=.=
一齊坐低食野~~~
點知李生酒引又起叫左2打啤=.=
最後我又劈左2枝半640ml既啤酒...........
不過一路劈一路食D肉串又幾正~~~~
反正今晚食唔飽再食多D都無所為哈哈,
成班人食到9點幾差唔多埋單,
發現個老闆係劉德華fans,
一人唱2句劉德華比佢聽即有減價............
結果一人都係比7個半抵到爛lol
食飽大隊人番去酒店到,
番到房見有少少醉於是寫埋個Blog hea下先,
依家寫到尾開始夠醒,
差唔多係時候去沖個涼之後訓覺~~~~
PS1 聽朝約左Erica, Kevin同朱生一行4人去食早餐,
因為我地唔想再食酒店D虧虧早餐=.="
PS2 另外我地又約定班團友聽晚到西安丙出去蒲,
聽晚最後一晚當然要玩盡佢啦,
一來係HK比人監住冇咁free,
二來番到HK就各散東西啦,
真係有D唔捨得><"
話晒一齊相處左半個月只嘛~~~~
影．十四天青藏之旅相簿
http://picasaweb.google.com/ringotrips |
| 第十三天：２００７年５月２５日 星期五 晴 |
一睹世界第八大奇蹟既宏偉
今朝一早7點半就起左身,
起身之後先發現琴晚眼鏡都冇除就訓左覺=.="
冇計啦飲得太多酒個人醉醉地係咁上下........
梳洗完畢之後check清楚有冇漏野,
8點同Kevin, Erica同朱生出左去食早餐,
入到間餃子館見到D餃子係斷斤計唔係斷粒計=.="
一斤餃子都係10蚊=.="
係香港10蚊最多都係幾粒........
4個人叫左半斤餃,
每人再一碗茴香豆粥,
食完再過隔離餐館食碗鹹味既豆腐花同整條油炸鬼,
甜味既豆腐花係香港就通街都係,
鹹味既我都係第一次食,
食落又出乎意料既好味喎~~~
食飽之後過左去對面廣場到睇下,
有人耍太極有人跳舞仲有一大班人夾Band,
最估唔到既係好多人用水係地下寫毛筆字,
仲要寫得好靚果隻~~~
9點幾番到酒店將行李拎出房門之後出發,
第一站係食午餐=.="
真係超無奈早餐都未落格就要食lunch=.="
走到餐館都無咩人食得落,
坐左差唔多一個鐘望住D餸=0="
走人之後就上車出發去西寧機場,
係車上面領隊向團友派發今次旅程既榮譽證書,
收到榮譽證書既時候真係百感交集,
因為經過一次都算係幾辛苦既行程可以有個肯定~~~
飛機點四起飛兩點三就到左西安啦,
一到西安行程馬上展開,
一黎第一站係華清池,
入到去個洗手間靚到要影相=.="................
之後都係睇大大小小既浴池冇咩特別,
完左華清池之後就去到世界第八大奇蹟－兵馬俑,
望到兵馬俑既宏偉真係讚歎當年既工程之浩大,
同埋手工之精細~~~
完左兵馬俑既參觀之後就去左食晚飯,
食飽之後再到鐘鼓樓廣場同回民一條街,
係回民一條街買左3蚊個韭餅食,
真係正到不得了,
唔好話3蚊10蚊我都制,
我D團友話有冇咁誇張,
之後個個都買個黎試下,
試完之後個個都同意我既講法~~~~
真係正到不得了,
如果唔係食完晚會先黎,
我一定買番三五七個食到飽為止~~~
行完回民一條街之後就番酒店啦,
番到酒店都已經差唔多11點鐘,
因為太夜啦所以我地取消左自己出去行街既活動,
好啦係時候執埋野沖個涼訓覺~~~~
PS 西安呢到好鬼熱丫><"
影．十四天青藏之旅相簿
http://picasaweb.google.com/ringotrips |
| 第十四天：２００７年５月２６日 星期六 晴 |
博物館都比影相你試過未?!=.="
黎到行程既最後一日啦,
琴晚又試自己一個人獨佔成間房,
賺左啦哈哈哈..............
今朝6點半起身梳洗執好野,
之後7點3落左酒店食早餐,
好多人攪到食個早餐都要等位=.="
食飽8點鐘出發,
先到陝西歷史博物館參觀,
呢個博物館真係神奇到不得了,
因為我從未聽過博物館可以影相............
一路睇到好多Form1到Form3係中史堂,
中史書入面既圖片既實物~~~~
遊完博物館之後就去左咩旅行團都有既無聊景點=.="
冇錯你估中左啦就係絲綢廠啦=0="
我地成團專業既旅行團員每個都去過無數次=.="
入到去象徵式高速走個圈就走人上車,
接住就到成個行程既最後一個景點,
國家指定兵馬俑加工複製中心,
睇完之後就搭車去機場啦,
12點半到機場先到餐廳食lunch,
lunch之後入閘等2點4上機,
點知等到差唔多點四十五分居然宣佈Delay=.="
我係琴日都預告左今日會Delay嫁啦=0="
因為以我多年既經驗去中國旅行,
如果搭多過4次飛機以上有98%都會遇到Delay,
而我地頭3次都冇事加上今日再冇事既機率實在太細=.="
聽到Delay宣佈之後團友好多都走去買雪條食=0=
15蚊條好鬼貴呢,
不過我都係買左.....
邊食邊鋤D人生一大樂事也=.="
最頂引係鋤鋤下唔知係邊到飛左3隻雀入黎=.="
鋤到4點幾終於有人通知可以上機啦,
搭機場巴士開出去機場中間既地方上機,
沿路經過見到有部飛機係中國國家機,
機尾係國旗圖案,
仲有成隊解放軍圍住係到守..........
都唔知係咪呢部野攪到我地Delay=.="
上左飛機行到自己個位發現大關坐錯位,
我地呢D敬老既緊係唔會叫佢行啦,
睇番佢張Broading Pass咩位上去坐,
居然係窗口位真爽哈哈,
因為咁多日都唔係窗位~~~
開機冇內入左雲層就訓著左,
到餐車經過人地先叫我起身食野,
有冇攪錯Delay都冇餐食><"
得D包同cake食完唔多飽,
一陣間又不知不覺訓左,
直到聽到就到HK既宣佈先醒,
望下窗外仲係未黑冇高空夜景睇lu><"
落機之後開番HK個手提number,
有42個msgs同9個留言=.="
一路搭無人駕駛一路睇msgs同聽留言,
到左關卡又一次用e-channel啦真係好方便,
去到閘口等行李居然係第一件,
拎完即走真cool~~~~
出左機場天已黑熱到不得了=.="
到左巴士站即時有車真係cool~~~~!!
之後係巴士上面先行整理一下Blog,
經過黃大仙中心既時候,
發現間潮江春變左美心快餐..........
呢個係幾時既事=.="
我記得走之前經過仲未轉,
番到堅企落車覺得周圍都好陌生,
好似好內冇行過咁,
番到屋企已經趕唔切睇殘酷一叮lu,
食飽飯之後係到執左成晚野好唔得閒=.="
PS1 聽朝一定要好好訓番覺~~~~~~~~
PS2 番到屋企開著部電腦好似完全唔識用咁=.="
對於電腦呢樣電器感到好陌生=.="
14日冇用姐唔洗咁誇張丫............
影．十四天青藏之旅相簿
http://picasaweb.google.com/ringotrips |
14天行程總結
14天既行程話短唔短話長唔長,
係呢14日既行程經歷左甜酸苦辣,
同時亦有好多好多人生既第一次,
有一D可能甚至係人生既唯一一次~~~~~
第一次自己一個人去旅行
第一次見到一望無邊既鹹水湖
第一次見到一望無邊既鹽湖
第一次見到一望無邊既沙漠
第一次見到一望無邊既大草原
第一次見到一望無邊既雪地
第一次見到一座接一座既雪山
第一次見到中國兩大著名地貌之一－雅丹地貌
第一次近距離望見地熱
第一次見到落雹
第一次見到落雪
第一次見到海滋
第一次見到龍捲風
第一次踏足雪地之上
第一次體會氣溫零下既威力
第一次身處海拔超過五千咪既地方
第一次乘搭中國人的驕傲－青藏鐵路
第一次欣賞到世界第八大奇蹟－兵馬俑
第一次可以係博物館入面影相
第一次一睹世界海拔最高既湖,
第一次踏足世界海拔最高既公路,
第一次踏足世界海拔最高既鐵路,
第一次踏足世界海拔最高既車站,
仲有好多好多意想不到既經歷,
呢14日既行程可謂獲益良多,
可以一到藏傳佛教既聖城,
可以一到中國十三個朝代既首都西安,
呢一次既行程已經係我腦海留下深刻既印象,
我相信我將來都未必再有機會可以有一個咁滿足既行程,
今次既行程真係一個好好既經歷,
行程之中走左14天都未見有咩明顯既高原反應,
我好成功咁係整個行情一粒藥都冇食到,
睇黎有機會既話我可以去下珠穆朗瑪峰哈哈,
好啦行程既完結亦代表要面對現實,
好好收拾休息番幾日之後要搵下工做,
依家剩番既都只有係等放榜嫁咋~~~~~~
影．十四天青藏之旅相簿
http://picasaweb.google.com/ringotrips |
|
|