今日係3月31日啦,
唔經唔覺又過左一個月,
都唔知點解今年中六真係過得好快,

請瀏覽是日另一個post~

睇李白杜甫既詩都睇得多啦,
今次到我自己寫番首@@
今日係A-level CLC既考試,
有人歡喜有有人愁啦,
不過肯定就愁既人多過喜既人啦,
頭先睇TV發現左有個廣告,
"深山大屠殺"今日上畫@@
個廣告有句寫住"今日攬住一齊死",
哈哈應該係送比D中七既同學啦=.=
Anyway一科唔代表咩既,
唔好比中化打沉左冇心機讀打後果D就得啦,
中七既各方好友要繼續努力丫,
聽日中化listening希望今日唔太好果D可以收復失地啦,
哈哈唔講咁遠講番今日自己既事先,
2nd test前最後一個school day啦,
第一堂英文勁快過,
因為派左篇作文用左唔少時間,
之後2堂applied堂,
丫sir話唔教書,
派左D自己學校舊年2nd test既 pure maths paper比我地做,
做完之後有幾條唔識tim@@
80分都拎到45分喎=.=
好開心=.=
就咁過左2堂,
之後到2堂pure maths,
今次丫sir就派左舊年2nd test既applied paper比我地做,
不過好冇心機做=.=
幾條友係到玩"天下太平"=.=
N年冇玩過既小朋友玩意,
之後又係到玩"十五二十"=.=
過左一堂之後中化miss派Dnotes比我地喎,
出去拎完都差唔多落堂,
lunch上左消防食,
唔知做咩事咁啱=.=
好日唔上去食一次一上去今日居然見到.....
陳銘智,陳梓軒,韓耀德,鄒攝幾個@@
完左lunch本來係3堂physics,
不過得番一堂,
好專心上,
之後2堂落hall睇校際時事專題演講比賽,
悶到爆=.=
放學就即刻番屋企,
睇TV一路睇hea到依家打blog=.=
死啦今日又試冇溫過physics啦,
好彩上堂做左D pure maths姐,
唔打咁多啦早D訓,
聽朝起身要讀physics=.=

聽日四月啦,
係時候讀下CE=.=
不過都要過左2nd test 先得@@