今朝起身之後當然係唔會食早餐啦,
番到學校先入Hall聖誕祈禱會,
聽佢講完差唔多一個鐘廢話,
又到左抽獎時間...........
我係台下面嗌左7年做馬,
今年終於到我抽中啦lol
仲要係壓軸果2份,
點知佢要玩野上到去要我攪30秒爛gag先比我=.="
anyway點都好係一個好完滿既結束,
最後一年聖誕抽查喎哈哈,
番上課室早餐同午餐又再同步進行,
食到好飽呢結果仲要剩好多下,
開始玩遊戲分組輸左果D要有懲罰,
第一個game唔係派我出去玩=0="
但係輸左我負責罰=.="
哈哈不過冇所謂佢果D懲罰都唔係懲罰黎既,
居然係比贏果組拎枝芥末任吱落塊餅到,
之後輸果D食左去,
唔唱K你係贏果組以為自己好醒,
佢話佢一次過吱晒成枝一陣咪唔會比人報復law,
點知肥偉即刻講"我地仲有枝辣椒醬"哈哈哈,
見識過既都知所有辣野基本上都係對我冇效,
拎起片滿晒芥末既梳打餅,
考慮都唔洗一口KO左佢,
超失望唔知咩芥末黎既甜既=0="
第2局我出場就緊係贏啦,
唔唱K果組輸喎哈哈,
我係時間報復啦起勢狂吱,
反正我唔驚佢地再報復lol
同我抽呢D懲罰完全係不自量力,
我當甜品食咋哈哈,
第3個game全班落場,
結果又係我地果組唔洗輸,
支芥末都差唔多用晒啦,
唔好晒野一野吱晒佢哈哈,
之後再同佢加埋辣椒醬,
雙飛梳打樂趣無窮,
食到D人樣都變埋哈哈哈,
到左自己班既抽獎時間,
個個D禮物都係玩晒野哈哈,
要數經典既有西哥抽中既狗糧,
澤楷抽中既一套類似光之美少女既頭飾翼同變身棒,
仲有我買果份啦哈哈,
一份付合買禮五大原則既禮物~~~~~~
一係夠大份,
二係夠重手,
三係夠實用,
四係好意頭,
五係收件者會無奈至爆粗哈哈~~~~~
答案係米一袋,
我仲刻意包左40層報紙等人摸唔到係啦lol
結果係由肥偉抽中左,
即場拆都拆到爆晒粗40層........
而我自己就抽到一份由"Macau Yu"送出既骰鐘,
澳門區即係澳門區送份野都要同賭有關=0="
之後仲要抽到一份由Keith送出既簿,
Lucky呢一日抽中份獎,
抽完獎之後班人仲玩野,
抽一個人出黎著坐澤楷份禮,
通學校走又去教員室同操場中心講"聖誕快樂",
結果係program既公平抽籤之下橙卓麟成為左幸運兒,
佢可以代表我地班繞校一圈哈哈,
玩完都成十二點半多D啦,
閃人約左人番上錦泰到兜個圈,
好內冇番去啦都係咁啦,
陳家欣老師就結左婚都仲依然咁靚,
朱楚楹老師就有左,
其他既都安好~~~~
傾左差唔多2粒鐘,
3點半過左去保一,
都成年冇番啦,
好應該趁仲有老師識既時候番多次,
今次之後應該有排都唔番去,
入學校門口麻煩左=.="
簽完名仲要上office報到......
基礎保安理由喎=.="
當然我好快收到風知道點解要攪D咁既野啦~~~~~
上到教員室兜左個圈,
拎左今日抽中份野黎派哈哈,
之後偷渡上去參觀5C個班房,
哈哈因為我應該係唔上得去既,
當然我上去都唔會有人理我~~~
上到去嘩間課室大到離晒譜,
有機會好想嘗試係果到上一堂......
當然上到去就係繼續派野,
參觀完落番去staff room,
一路上已經派完手上既禮物......
周圍搵老師同同學傾下計咁啦,
發現miss Tang走左之後,
居然請番miss Hui真係估佢唔到,
開頭諗住冇得再蒲Art Room,
點知依家又有哈哈哈,
4點9閃水走人啦,
保一好有可能係我最後一次番去啦,
番到屋企都成6點有多,
上下網咁啦,
今晚晚飯有羊肉煲正爆,
食到好鬼飽呢........
依家冇野做等緊睇TV~~~~~~

PS  今晚好好訓一覺之後,
       聽日要開始功課之旅,
       同埋開始"百日維新"~