今朝一大清早8點未到就起左身,
唔知做咩事腰酸背痛......
起身之後開機禁幾禁,
9點換衫出門口先去m記食個早餐,
第一次食m記果D扭扭粉都OK好食喎~~~
食飽之後就搭MTR出左灣仔,
上去IDP到開始攪visa既事宜,
攪完晒之後都已經11點4,
丫媽打電話黎話佢要去上環,
叫我過去果邊食lunch,
之後我就係灣仔出發行過去上環,
天氣都真係OK熱一路行一路出汗=.="
去到上環都已經12點半啦.....
先係永安先施打個圈,
之後去左一間叫羅福記既野到食lunch,
呢間野比我評為劣級餐廳,
人多要等勁內得黎收得貴,
收得貴得黎仲要勁細碗,
又貴又細碗得黎仲要唔好食果下先大獲丫嘛=.="
仲有就係D辣椒都唔鬼係辣既甜既=.="
咩粥麵專家真係都唔知講咩好=.="
食飽之後無無聊聊搭車過左去旺角,
去到第一件事先去配眼鏡,
因為以防去到果邊遇上特發性事故幅眼鏡爛左就大獲,
因為果邊要搵間眼鏡鋪好難而且又貴款又唔靚.....
個人黎講一直想配番幅白色粗邊金屬既眼鏡,
不過之前一直都擔心會唔成事,
因為呢D咁既色唔係人人都有資格戴,
因為呢D色好難戴得好睇,
如果戴得唔好睇又冇唔會為左要而要,
所以一直都對成事抱住唔太大既期望,
點知去到眼鏡鋪搵到獵物之後,
試戴發現居然戴得都OK好睇,
結果就配左幅心儀既白色粗邊金屬架眼鏡,
真係非常之開心既一件事~~~~~
遲下幅眼鏡拎到手之後影番幅相比大家睇下啦,
攪掂左眼鏡事宜就過去潮特逛下,
再睇下D背囊law,
之後就打算行去朗豪坊行逛,
點知一路上見到有人派傳單話雅蘭有羽絨同大褸賣,
於是走左上去睇下law,
不過冇咩收獲走人,
係搭升空機離開既時候,
比我遇到一個令我不禁想爆粗既人,
條友由未入升降機到入左升降機到出埋升降機,
一直係到唱歌仲要勁大聲,
個main point唔係在於佢唱歌,
而係在於佢唱得好難聽,
聽到我成程搭升降機都係到打冷震=﹏=
而另一個重點就係佢居然仲要唱"童話",
而且D國語發音仲要差到筆墨難以形容,
完全係可以唱十個字十一個字錯發音,
真係What the hell=.="
一隻本身咁好聽咁有意思既歌比佢咁唱一唱,
真係都唔知點完全影響晒隻歌係我心目中既level,
真係唔係講笑咁講,
比八兩金先生唱分分鐘仲要好聽佢十倍,
升降機一到地下個個好似撞鬼咁起勢飛奔,
因為個個都想盡快逃離魔音~~~~
逃離事發既現場之後就去左朗豪坊行,
逛左十幾層都冇咩收獲真大獲,
4點鐘搭MTR走人,
上左車之後發一直坐,
坐到太子咁上下既時候突然發現唔知點解車上有好大聲既音樂,
開頭諗住係人地ringtone既聲,
點知響左好內都冇停過開始覺得唔對路,
於是周圍張望睇下有冇咩發現,
之後先發現原來有個丫叔,
托住部舊式大型錄音機,
保守估計部機既size最少係80 x 60 x 40 cm咁大部,
坐左係地下係咁播舊歌,
不過又真係幾正既有歌聽哈哈,
有幾隻仲係細細個成日聽果D,
4點半鑽石山站落車去荷李活到行逛行逛,
係heiB到買左件polo tee,
之後就冇其他既收獲啦,
5點半真係好攰啦,
逛夠晒去左搭巴士番歸,
行左成日收獲都算豐富,
特別係配到幅心儀既眼鏡,
而背囊亦都已經比我鎖定左目標,
應該會係拎眼鏡果日順便出手,
番到將軍澳都已經6點幾,
去左將軍澳廣場食晚飯,
食飽番歸休息,
番到去既主要節目都係眕電視,
行左成日好得攰係時候去休息一下~~~~~~

PS  今日到底係咩日子?!=.="
      點解會同一日比我遇到2個怪人咁多=.="