今朝唔知咩事8點幾自己起左身@@
起身之後第一件事就係洗衫先=0="
放晒機黑衫入去開埋機之後先去梳洗同食早餐,
食完早餐之後就番左房抄番琴晚作篇野落紙到,
抄完之後機衫都洗完啦當然係去掛啦,
之後再順手KO埋機白衫之後hea左陣,
9點幾鐘換衫執野之後等機白衫洗完,
熄左部機冇排到出去就趕住出門口啦,
去到巴士站等左勁內都冇車,
之後先發現原來出黎之前睇錯左星期一至五個時間表=.="
What the hell結果係巴士站到企左差唔多半個鐘先有車到=.="
搭34號飛過去Perth Zoo果邊,
落車之後馬上致電Tee兄問下佢地既位置,
發現原來佢地都係剛剛到步唔夠5分鐘,
買完張學生飛就入場搵佢地啦,
(乜鬼學生飛仲要成15蚊咁貴=.="
成人飛都只係18蚊多3蚊咁大把)...........
入到去匯合左Tee Roy Tracy Coyee等人開始行程,
一黎係見到闊別多年既企鵝,
對上一次見到企鵝已經係十幾件前豆丁咁細粒果時,
係呢個香港既海洋公園到,
自果次之後多年都冇再見過企鵝啦~~~~~
今日見番仍然係覺得佢地好得意呢~~~~~~
之後就一路係咁行發現左由於天氣既關係,
好多動物都係係D好隱蔽既樹底避暑,
再唔係就隻隻趴晒係到好似死晒咁=.="
行左唔夠半個鐘開始有D感到15蚊好呃水=0="
因為比左錢入到黎真係睇唔到幾多動物,
就算睇到都係得果一兩隻仲要唔清楚><"
一路行終於去到袋鼠區,
呢區既設計都wild行人路2邊就係袋鼠,
2邊仲要有冇欄冇檔嫁law個feel超正~~~~~~~
人生第一次見到袋鼠區仲要咁親近真係幾正,
我仲趁個職員見唔到果時偷偷走離行人路左入袋鼠區,
行近D袋鼠到同佢地影相,
不過都係果句呢個危險動作千奇唔好學=0="
雖然冇幾過專人訓練但係真係好危險=.="
因為袋鼠係會襲擊人嫁,
我今日冇事只係撞正天熱D袋鼠都趴晒係到唔想郁=0="
之後一路行有好多動物都已經係唔知第幾次睇嫁啦=.="
唯一一隻係第一次見既就係貓頭鷹~~~~
冇咩特別只係覺得好熱=.="
係途中發現左有舊大石所以照左張攪gag相~~~~~~~
嘩!!!好重丫!!!我就黎頂唔住啦=0="
之後又發現呢幾碌野好有風水feel~~~~~~~~~
呢一堆竹唔知點解超多人係到簽到此一遊=.="?!
一直行左個幾鐘終於去到今日第2個高潮位,
就係呢個樹熊區啦~~~~~~~~~
D樹熊真係好得意嫁不過由於天熱隻隻都攬隻碌樹係到訓><"
之後繼續行埋個zoo去結果都冇咩驚喜,
我無聊到係到玩晒野扮導遊=0="
個個都話我做得好似果下先吹漲,
差唔多一點鐘出閂是次柏斯動物圓之旅完結~~~~~~~~~
總結成個過程冇咩特別收獲=.="
最大既收獲就係再遇企鵝,
同埋一見澳洲兩大代表性動物"袋鼠"同"樹熊",
第日番到香港起碼唔洗比人笑比人串,
話走左去澳洲幾年居然冇見過樹熊同袋鼠=0="
出左去之後一大班人係大門口照番張團體照=.="
幾有遊行團feel丫=0="
之後成班人再搭車出去city果邊食lunch,
最後去左northbridge一間叫"開心茶餐廳"既餐廳到食野,
入到去好親切有一種番左香港既感覺,
因為個老細同所有員工都係香港人,
一入門口周圍聽到既都係廣東話,
間餐廳既裝修完全係典型香港式既設計,
仲有樣緊要野就係部電視係播緊TVB~~~~~~~
打開餐牌睇到頭花眼亂,
因為全部都好想食耶樣樣都係典型香港茶餐廳餐牌有既野,
結果最後叫左個"鐵板黑椒雞扒烏冬"加番杯凍鴛鴦~~~~~~
超正丫完全媲美京滬同老表既水準~~~~~
食飽之後成班人再係city到行逛一下,
4點幾行去巴士站等車走人,
係等緊車既時候又遇上卡路士,
原來佢啱啱收工準備番屋企~~~~~
傾左幾咀有車到番到屋企仲未到5點=0="
今日部車飛得超快law不過係好事黎既,
番到去掛埋機白色衫之後再洗埋機雜色,
之後番入房係到發呆,
冇計啦真係好攰下嫁嘛玩左成日=.="
掛埋機雜色之後都食得晚飯,
今晚又係"時蔬磨菇五香腩飯"~~~~~
食飽之後冇電視睇因為今日澳洲選舉台台都係到播結果=.="
之後Susan見冇野睇拎左隻碟出黎話今日係blockbuster到借嫁喎,
唔係電影黎嫁我個人覺得超無聊完全唔知有咩好睇law=.="
但係唔明點解Susan係咁笑=0="
佢平均睇5句就笑一次真係睇到我流晒汗=.="
個重點係同一句對白佢可以笑到好誇張但係我完全唔覺得好笑=.="
老實講我睇MR. BEAN果時都冇笑得佢咁密咁誇張=.="
無奈之下沖個涼番房做埋D功課,
就係speaking個presentation既講稿啦,
一直做到就黎12點先做完law汗=.="
好啦依家都就黎一點鐘啦係時候去訓,
睇下聽日天氣同心情點可能又走番Curtin到上網~~~~~~~~~~~
PS 如果想睇到更多有關今日柏斯動物園既相片,
歡迎到殘影既旅行相簿到瀏覽,
網址係"http://picasaweb.google.com/ringotrips",
(由於太內冇用過部相機,
連部相機2粒電都冇電都唔知=0="
所以今日一半既時間我都影唔到相=0="
因此我相信我唔會係短期內upload相片上去,
因為我想收集一下其他人D相先一次過post上去,
不過我唔知佢地幾時會抄D相落去部機到之後抄比我=.="
但我相信應該會係一至兩個星期之內既事~~~~~~~~~~~~~)
