今朝一早8點鐘起身啦,
食左少少野換件衫出門口,
出門口行左唔夠十步落雨=0="
琴晚我自己先係到同人預言今日會落雨=.="
點知自己都係唔帶遮出門口=0="
不過算啦因為我堅信呢到係Perth,
D雨落極有個譜好快就應該會冇=0="
於是就一於少理揼住雨行番Curtin,
點知佢真係愈落愈大幾無奈既一件事=.="
番到去都濕晒啦係未濕透姐哈哈=.="
講起揼雨都真係冇內冇試過啦,
因為Perth呢到實在係冇咩雨落=.="
約左10點鐘番Curtin巴士站集合,
行到Curtin巴士站望下錶先9點37分=0="
諗住坐下避下雨lu點知同我停雨喎即係玩野姐=.="
坐左冇幾分鐘就已經見到Georgia係部72上面落黎,
我開頭仲以後佢會搭57到果部75 tim,
點知佢話佢本來都真係想搭果部,
只係去到巴士站咁啱趕到呢部冇理由唔上嫁哈哈,
又坐左幾分鐘Azoth亦係部101到落車啦,
吹下水Zoe都係部34到落黎開頭仲expect佢行過黎tim=0="
最後Blue都到步啦之後5條友係到得10點10分部98,
目的地係Fremantle呢係車上冇咩野做都係吹水,
到步之後11點幾決定左先去食lunch既,
一場黎到Fremantle咁就緊係要去海邊食海鮮啦=0="
依然係去番上次食開果間啦因為真係幾好食,
食完一個非常豐盛既海鮮餐,
包括有大蝦青口沙甸魚八爪魚石班等等等等之後,
一眾人開始出發行去今日真正既目的地－Fremantle Prison,
真係一橦幾靚既古建築喎~~~~~~~~
好啦睇完個正門係時候睇下張門票啦哈哈~~~
設計幾靚喎起碼好過Perth Zoo果張先啦=.="
入到去仲要有導遊講解歷史真係唔錯嫁,
一路鴨仔團式邊行邊聽講解不過都係聽得明7成左右only=.="
完左成個trip都已經用左個幾鐘,
個人黎講真係覺得幾正完全係抵玩過Perth Zoo N倍,
今日又試影左好多相啦等我整理完遲下就會post上picasa嫁啦,
不過上次個Perth Zoo講左成幾個月都未整=.="
anyway等下啦有心等總會有等到既一日=.="
完左場之後就行番去Fremantle火車站搭車,
去到先發現左樣野原來呢邊係叫"Railway Station",
真係唔睇唔知我仲一直以為係"Train Station" tim=.="
成班人搭火車去到city站落丫都幾快下,
之後Blue話先走就係第2個月台轉車走左啦,
幾丁友去到City之後都係冇咩目的志在晒時間哈哈=.="
逛左陣Zoe閃左買printer呢邊勁平啦平過香港幾倍=.="
買完之後都冇咩野做啦各之番歸,
我就反正順路幫Zoe托左部printer番去佢屋企,
放低hea左陣我都行番屋企啦唔洗15mins既路程,
比我行番去Curtin仲快哈哈比我expect既近,
番到去都已經6點有多開機hea幾hea咁啦,
Susan有人客到佢掛住係到傾計,
結果遲左開飯哈哈晚餐又係海鮮=.="
食飽之後Susan係到交帶聽日同後日佢唔係到既事宜,
買左好多野食係到叫我隨時想食就自己解決啦,
之後都冇咩特別事只係叫我記得餵狗餵貓食晚餐,
都係係櫃到拎出黎放低佢地自己解決嫁姐easy啦哈哈,
之後Susan又係到話呢2日佢唔係到間屋我玩晒嫁啦,
想搵女朋友番黎過夜定係搵一大班fd黎開party自己攪掂,
佢睇唔到就當咩事都冇發生之後仲要補多句,
其實你平時想帶人上黎都冇問題嫁喎唔洗驚佢介意,
帶女朋友黎過夜都冇問題嫁喎唔洗擔心=.="
玩野咩係咁強調女朋友我都冇丫=0="
睇黎真係要快D搵番個先得啦哈哈,
不過呢D野邊急得黎我地唔可以為拍拖而拍拖嫁嘛~~~~~
我地呢D要講feeling先得所以係比較難嫁啦,
feeling呢D野又唔係話有就有嫁嘛=.="
講完一大輪之後佢又突然係到講佢今日黎個fd,
唔知係咩油公司做"日薪一千蚊澳幣"=.="
What the hell洗唔洗咁誇張丫有錢成咁=.="
有私人郵輪私人飛機仲要住大屋屈晒機=.="
吹完一輪之後take個bath番房,
解決埋最尾果幾集絕對無敵佢,
開左幾日終於解決啦短期內都唔多想開呢一類=.="
因為真係睇到有D膩要休息番一排先得@@
睇完左之後冇特別啦time of MSN哈哈,
12點有多啦今日出左去成日都見攰,
係時間執野去訓覺~~~~~~~~~
PS 順道解釋一下今日個title,
唔好以為我用"Prison Break",
只係因為依家heat加上今日去prison就用,
絕對唔係咁簡單當然呢個亦係原因之一,
但係我想講既係我用"Break"唔係取其"爆"既meaning,
而係取其"休息"既意思~~~~~
因為依家放緊假嘛Sem "Break",
所以係break既時間去呢個prison trip,
我就將其取名為"Prison Break"~~~~~~~~
