琴晚明明已經成3點鐘先訓,
唔知點解今朝居然可以10點起到身=.="
完全係物理學都解釋唔到既現象=0="
早餐係淘大點心哈哈不過都係覺得公仔既好食D~~~~
不過係無選擇既情況下都係無謂厭三厭四,
食完左之後番房自閉仍然係煲存貨計畫=0="
Slamdunk真係好正雖然已經係重睇,
但係仍然有果種刺激既感覺,
完全可以感受到比賽既緊張氣氛,
煲到點幾鐘係時間到午餐既時間,
今日仍然係由我親自主理,
諗左一輪最後決定係整呢個香港著名地道美食,
就係炒出前一丁啦哈哈夠晒地道,
一如昨日成品影番張相post下啦~~~~
(其實純粹只係唔想篇Blog咁短姐=0="
因為呢期放假都好悶所以D Blog都係偏短.......
post一post張圖感覺上長好多@@)

味道一流超正啦哈哈哈,
表面上睇落去係好易整既一樣野,
但係就偏偏有好多人炒極都唔好食@@
要煮得好食既重點其實就在於第一個step,
即係熝麪果一個step啦~~~~~
呢一個步驟好重要如果熝得太冧身既話,
炒果時就抄唔出麪既香味會變得唔好食,
而且D麪仲會好容易炒斷結果變左一pat野,
而相反如果熝麪熝得太硬身,
雖然可以炒出麪本身既香味,
但同時係炒既時間佢就比較難吸收調味料同埋其他配料既香味,
係食既時候會覺得D麪同D餸好似分開咁格格不入,
完全唔覺得係食緊一碟炒野喎,
所以總括黎講要炒出前一丁炒得好食,
就一定要好小心控制熝麪呢一個步驟,
唔可以熝得太冧又唔可以熝得太硬,
要啱啱好恰到好處唔冧唔硬,
咁樣樣炒出黎既一丁就會好好味好好食嫁啦~~~~~
好啦講完一大輪既料理技巧番番正題,
食飽之後仍然係番房自閉成個下晝都係係到睇男兒當入樽,
終於見到我最喜愛我角色"宮城良田"出場啦哈哈,
就咁成個晏晝都係咁過左@@
6點既又係時候整晚餐啦不過冇咩主意,
隨便煮左個飯炒左碟雞肉加煎左隻蛋算啦,
由於冇咩特別所以冇影到相...............
晚餐之後take個bath都仲係slamdunk=.="
今日成日都用左係slamdunk到啦=0="
11點幾lu hea多陣去訓啦~~~~~~~~~~~~