今日係十月一號國慶既大日子,
係呢到首先要祝賀一下我地既祖國,
希望祖國愈來愈富強,
人民生活更穩定~~~~~~
同時亦都祝願祖國明年舉辦既奧林匹克運動會可以順利完滿舉行~~~~
好啦講番正題,
因為琴日訓到成3點就半先醒既關係=.="
結果攪到琴晚好鬼死精神@@
打完左個Blog之後去睇番前晚因為出左去而miss左既電視,
一睇就睇到3點就4點先去訓覺=.="
今朝早11點鐘起左身食左個早餐,
11點半就出左去搭車去沙田新城市廣場閒逛,
發現長袖衫終於都開始湧現市場,
仲發現左今日十一好多鋪頭都有國慶既優惠,
行到點幾鐘去左連城間表哥到食粉麪,
之後都係繼續行行逛逛睇下有咩收穫咁law,
一直係咁行左幾個鐘總算有唔錯既收穫,
結果今日係買左件PUMA既大褸,
原價成八舊幾水依家特價得番四舊幾水真係正,
結果就解決左買大褸呢件事,
我丫媽成日叫我買羽絨=.="
但係我真係覺得太誇張買左都著唔掂=0="
所以最後都係決定買件大褸算數唔鬼買羽絨,
因為買羽絨真係好晒錢嘛,
一件羽絨成千幾二千銀,
講老實係香港我一定唔會著,
係真係得澳洲呢三兩年用得著,
而呢三兩年入面加埋我著唔著到三十日都成問題,
所以從cost performance既角度出發係唔應該買羽絨既~~~~
而今日既第二件收穫就係係chocoolate到買左件冷衫,
而最後一個收穫就係係FX Creation到買左個銀包,
其實個銀包係個幾月之前已經睇中,
不過冇discount要成五舊幾水唔多捨得買=0="
不過今日國慶有一天既優惠只係三舊四就買到了,
真係超開心如果唔係國慶我可能到最後都係買唔成@@
亦都好好彩我今日有走出去行逛比我遇到哈哈~~~~~
係新城市廣場除左行逛買野之外,
我每次去到都一定唔會miss左果個月既theme decoration,
或者係果個月既theme exhibition,
而今次既theme exhibition就係"石頭宴",
開頭睇個名我仲以為係石頭燒或者係用熱石黎煮野食果一類野,
點知一睇先知係用石頭去切一D野食出黎扮真野,
不過個重點係真係整得好似好靚呢,
當然我係唔會忘記影D相比大家睇下既,
不過今日因為拎住幾袋野所以都冇影多,
因係影左幾張only~~~~~
anyway唔緊要啦照post出黎,
如果有興趣睇既就自己搭車去睇啦=.="
接住係一個刺身船
黎緊仲有一件大既肥豬肉@@
最後就到左甜品cheese cake一件~~~~
結果成個新城市廣場之逛就係睇完呢個石頭宴之後結束,
望下錶都已經4點幾lu搭番巴士番屋企,
番到屋企都已經就6點鐘~~~~
開機hea一hea又到食晚飯既時間,
食飽之後都係睇電視呢一個活動,
不過好快就黎冇呢個活動啦=.=
因為今晚係大城小故事既大結局,
聽日開始又少一個time log有電視睇><"
而之後亦如我之前所提及劇集將會相繼結局><"
好啦都已經12點幾今日行到好攰係時候去休息下~~~~~~~~~~~~
