琴晚睇電視睇到咁夜,
今朝理應會訓到好晏得啱,
點知比D電話嘈醒左><
lunch食完干炒牛河之後無無聊聊,
開著部電腦咩網都上唔到=0="
震斷左6條海底電纜姐唔洗咁丫.......
之後MSN,ICQ,YM!,Skype通通冇一樣on到=0="
點知唯一一樣開到既係"QQ",
中國十三億人既智慧,
on到QQ既一刻忽然為自己係中國人而感到驕傲=0="
不過太少人有QQ acc啦成日叫人開都冇人開=.="
小貓三四隻chat左陣都閃人,
開始做埋最後既一篇中文作文,
作下hea下咁去到5點先完=0="
通街都去唔到,
zone.com去唔到,
yahoo game去唔到,
結果去到sina game到,
呢排睇賭場風雲睇到high high地,
發現sina有ShowHand玩,
於是就係到煲,
煲左幾個鐘贏左成千萬=0="
唔知係對手弱定係我勁啦.....
9點半睇賭場風雲,
依家等緊睇勁歌喎,
開始覺眼訓打完呢到順手熄機今晚早D訓~~~~

十二點半起來左hea右hea等食lunch,
食飽lunch開始做coursework,
點知拎上手又束手無策,
左踱右踱都係冇咩頭緒,
因為真係唔識做條題目=.="
結果勉強寫左D野出黎,
4點鐘接近放棄啦=0="
結果劈砲唔撈走去左玩UNO......
食飽晚飯冇野做索性K埋個Section E佢,
接住再黎手K埋個applied maths,
依家除左coursework之外,
就剩番篇中文作文未做.......
9點半"賭場風雲",
完左又走左去玩UNO=0="
十一點"新城勁爆頒獎禮2006",
睇完之後發現我今年既流行指數高左喎=0="
因為有好多隻歌我都有聽過.......
比起中四五果時十隻有九隻半唔識既情況好好多,
點解會咁樣樣?
皆因中六七得閒左law=0="
都唔明點解人地話A-level難過CE辛苦過CE=.="
我A-level係得閒到喊.......
anyway唔好講咁多如果唔係會比人追殺........
2點幾啦好眼訓早D閃人~~~~~~~

PS1  適逢頒獎典禮,
        送番2句今日最新填既詞比大家欣賞下=0="
        神呀救救我吧!
        假期快過了,
        coursework還未做好=.="
        用番國語唱啦應該係啱音既,
        不過唔太多人會有共鳴=0="
        因為識唔多人讀CA or CS~~~~~~~

PS2 

香港天文台表示，晚上八時二十八分錄得一次強烈地震，經初步分析，震中位於呂宋海峽(北緯21.8度，東經120.6度)，即高雄之東南偏南約97公里，這次地震的震級為黎克特制7.2級；台灣方面表示，震級為6.7級；美國地質研究所稱，震級是7.2級。有香港居民表示，震動持續約四至五秒。

         問題係我真係唔覺有呢回事law=0="
         睇完新聞之後攪左個爛gag,
         -->台灣地震完今晚張敬軒"餘震"一定有獎攞啦,
              點知亂 口翕 完真係有獎攞=0="

今日係人生之中最後一個中學生涯既聖誕節,
訓到成點鐘先起身,
食完個lunch之後開始艱苦既pure maths功課之旅,
兩點鐘一直計計計計計,
計到夜晚7點鐘食飯=.="
食飽沖個涼8點鐘,
坐定定再黎過計計計計計,
計到9點半睇"賭場風雲",
完左hea一hea,
MSN同人玩左2鋪7手牌,
11點鐘"新絲綢之路",
睇完左做咩?
緊係繼續做數啦=0="
一直計到凌晨2點鐘先計得晒,
anyway終於計晒所有pure maths功課啦=.="
以後都唔會再有pure maths功課啦=.="
太好啦.........
就咁中學生涯既最後一個聖誕節比D pure maths淹沒左=.="
唔講咁多啦好攰,
快手閃人訓覺好過=.="

今日嘛朝早十一點起左身,
天氣暖番D啦喎,
對腳踩地果時feel唔到前兩日D寒氣哈哈,
食左D野開始做功課,
PURE MATHS..........
因為之前太多日冇聽書=0="
所以係做之前先要睇番D Examples,
食飽飯正式開始做啦,
做左個幾鐘好攰,
休息左陣燒下碟backup下野咁啦,
4點鐘再黎繼續做=.="
好唔容易用左幾個鐘先做得3題=.="
死得啦再咁落去我真係要請假係屋企做功課=0="
5點鐘最後一集既陰陽大戰記,
下星期起星期日既5點鐘時段又再次回到無卡通既日子,
抓緊時間再黎做多一題,
食飽飯都成7點幾鐘啦..........
7點"2006香港大事回顧",
完左之後當然係快手閃去沖涼啦=0="
8點鐘"食盡東西"最後一集......
8點半"四洲美食濃情35載",
唔睇都唔知原來"金妹牌火腿"係四州出既@@
9點半"一擲千金"又有人求婚.......
10點半人氣日劇"一公升眼淚",
睇到十一點半完左,
但因為下week最後一集轉左係星期六做,
我要補習睇唔到嫁嘛,
所以我就走番入房,
自己提早一個week睇埋個結局去,
"一公升眼淚"最終回,
真係好慘丫短短55mins,
at least有一半既時間係喊住睇
anyway真係好好睇呢,
經過2個幾小時既眼淚之行,
一公升眼淚亦已全劇告終,
下星期日睇黎又會再度空虛,
都唔明點解我成日都係咁,
命中註定D電視一係就成日都好好睇,
攪到我兩三個月好唔得閒,
但係之後接住又會有幾個月冇電視睇=.="
搵次平均D既比我得唔得=.="
12月真係唔得掂=.="
所有既電視係同步冇=0="
先黎"詩遊記",
接住"以一敵百"同"走進百家姓",
再黎"網球王子"同"日式麪包王",
仲未有得停喎,
有"江山美人",
今日仲有"陰陽大戰記"加"食盡東西"同"一公升眼淚",
就連"賭場風雲"都係得番2個weeks,
2個weeks之後我又試可以自閉=.="
因為一個星期七日既電視觀看量將會由28個小時降至小於一個小時=.="
anyway算啦我成世仔都係咁哈哈=0="

PS  過左十二點鐘啦喎,
      平安夜既過去聖誕節既來臨,

☆　　╱╲ ╱╲　☆　　　　☆　☆
　╱╳+▲╱　　╲　╱╲　☆　　　　☆　
╱╱　 ◢◣+　　　╳　　╲　　　☆　　
╱　+◢█◣　　／　　　　╲☆　　　☆　
☆　 ◢██◣聖誕節到啦   　˙˙˙
___▂▂█▂▂__　祝 聖誕節快樂﹋    
╭☆╮╭☆╮╭☆╮╭☆╮╭☆╮╭☆╮
∣聖∣∣誕∣∣節∣∣   ∣∣快∣∣樂∣  
╰★╯╰★╯╰★╯╰★╯╰★╯╰★╯

「港有貓狗條例 沒有豬羊條例」 指狗隻異於其他動物 【明報專訊】裁判官郭偉健重判4名宰殺狗兒的男子入獄，成為有關法例首宗監禁判刑，他昨日判刑時再三強調，狗與人類是好朋友，人類對待狗隻的態度，也有異於其他動物﹕「香港有《貓狗條例》，但並無《豬羊條例》。」他不但同情受害的兩隻狗，更讚賞狗隻的忠心耿耿﹕「狗會歡迎主人回家，對人搖尾乞憐。狗可以不為報酬守護人類及其家人，甚至承擔拯救人類的工作，但你有見過豬和羊這樣做嗎？」他痛心地指出，該案不但奪去狗的性命，也傷害了狗的心靈。 吃狗飲食文化是不良傳統 對於4名被告表示吃狗肉是飲食文化，不明白煮食狗隻的罪行，裁判官對此表示十分反對。他指出，飲食文化是建基於傳統，但明顯地，吃狗肉是不好的傳統和習俗，應被譴責及消除。他舉了兩個例子說明﹕「從前的社會也有人吃人、也有奴隸制度，但現在的社會不能接受。我們應該只延續好的傳統和習俗。」因此要重判各被告，才能安撫公眾對該案的不安及焦慮。

不知所謂既法官,
如果佢同我講狗有靈性,
如果佢同我講良好傳統,
我肯定佢中化好低分,
因為佢唔知咩叫"民胞物與",
"民胞物與"係我國提倡既優良傳統,
萬物同人其實係同等價值,
如果話狗唔食得,
咁豬牛羊魚菜通通都唔食得,
因為佢地都係一個生命,
係地球上佢地同人一樣係同等,
如果你話為左生存,
咁點解一定狗既肉就唔食得,
狗肉同豬肉都係肉,
點解又唔可以保護豬,
而狗可以任食,
根本就係有住邏輯謬誤,
狗係人既好朋友?!
知唔知咩叫"人禽之辨",
我總唔相信當成個世界得番隻狗同一個人既時候,
隻狗會唔食你,
我又總唔信到時你會做個守法既人唔食佢,
如果話我既例子"兩極化",
不如話個法官既判決太過"主觀性",
話唔定係佢自己鐘意狗先咁講,
D雞一有禽流感就殺鬼晒,
萬一D狗有疫症又唔殺啦喎,
我又唔信會唔殺殺丫~~~~~
N年之前馬騮金鷹事件,
又話個丫伯藏有危險動物,
但係佢覺得隻緊騮係佢既朋友喎,
依家D狗你又可以話佢係人類既朋友,
果時又要話隻馬騮唔得,
分明判決果時存有私心啦都唔得公正既,
又話馬騮會襲擊人好危險,
我依家夠覺得D狗牙尖D貓爪利啦,
對我生命做成威脅丫又唔捉,
不知所謂既判決,
另外個法官仲有呢個"類比謬誤",
佢拎人吃人同奴隸制度黎比,
根本都唔同性質,
人吃人係同一樣野,
依家係人食狗2樣野黎既,
如果係狗食狗你用人吃人既例子就話洽當,
依家根本就比喻得唔洽當,
我係果幾個被判監既一定上訴啦不知所謂,
香港請住D咁既法官,
唔怪得之中央唔放心香港有普選啦,
根本依家連最基本既思想都唔掂,
點樣去判斷選舉既時候邊一個候選人好D!!!!!!
個法官話唔定就係果"5%中化唔合格既人",
不知所謂既判決!!!!!!!!!

PS  你試下呢條出中化題目丫啦,
       我肯定同你寫足廿版原稿紙,
       鬧到個法官狗血淋頭.\/.