又係賣下廣告啦~~~

今朝睇完超音鼠食飽早餐,
之後就番房開著部機又係到煲歌,
煲煲下好得眼訓=.="
9點鐘訓左落床到就咁訓左=.="
仲要播住歌個speaker勁大聲都訓左@@
今朝似乎真係好眼訓喎,
可能係琴日既運動量比平日高左=.="
訓到十點鬆D先醒番,
之後上左陣網啦,
早左食lunch因為要番學,
點3出左門口搭巴士番彩天,
去到門口果時見到伍俊豪喎,
原來佢又將中學筆記轉手,
睇黎下年到我啦@@
2點上堂補課補Keith Chan,
今日上左一陣丫sir話呢幾日開左好多會,
問我地介唔介意取消聽日個補課,
哈哈緊係唔會有人介意啦=0="
邊有人會同自己過唔去=.="
而且今日都早左放,
比原定既5點鐘早左成55mins放人,
之後就搭MTR過左去寶琳果邊,
買左條新既校褲嘛,
之前果條都就比我著到爛=0="
而且又瘦左所以換鬼左佢......
買完左條校褲之後就過左去新都城,
今年成年因為要做讀書報告計分既關係,
睇左好多自己唔想睇既書@@
依家終於做晒咁多本啦lol
所以都係時候睇番一D自己想睇既書~~~~
去左新華書店兜左個圈,
結果係搵唔到我想買既"徐霞客遊記",
心心不忿之下走左過去問個職員,
佢同我用電腦check完一大輪之後,
同我話有不過要入倉搵叫我等,
之後入去搵左成個字先搵到比我=0="
點解我次次買親D書都係咁=.="
到底我係咪真係睇親D書都超僻=.="
就咁終於買到我呢期最想睇本書啦~~~~~
不過要成93蚊好貴呢><

之後就番屋企,
不過一路都冇報攤=0="
攪到我番屋企之前仲要專登兜去街市,
去報攤到買PC Weekly~~~~~~
番到屋企都已經成6點半,
成身濕晒好熱呢=.="
沖完個涼之後就係到睇本PC Weekly,
睇到樣野就係終於知道人地D網頁,
加到"我的最愛"有張圖唔係IE logo點整,
之後我自己都跟住整真係得喎~~~~~~

不過呢個功能係得Qooza呢邊有,
因為Xanga果邊仲未諗到點整呢,
始終Xanga都唔係用standardized既coding,
好難一時三刻攪得掂=0="
加上佢Xanga本身自己都有整呢個仲難攪~~~~
接住睇左天外飛仙,
依家等緊睇15/16同埋勁歌,
今晚可能睇完之後唔online啦,
因為真係好鬼攰下=.="

今朝又係6點鐘起身睇超音鼠,
應該係套野未做完之前都會keep住嫁啦,
睇完之後早餐係公仔點心加維記高鈣低脂奶,
食飽飯之後番房到開機,
玩左幾盤接龍之後好悶,
冇咩野做開D音樂黎聽下,
發現張list都冇咩人on,
網上又冇咩特別新聞睇,
於是就開住D音樂聽住流行曲,
訓係床上面望住天花板,
一邊聽一邊鐘意就諗下野真係好好享受,
前幾日掛住趕功課都好內冇試過咁悠閒,
十點鐘成家人都起左身啦,
我都起番身,
之後發現張list已經有好多人on左line lu,
於是就同人chat下MSN同上下forum咁,
去到十一點就換衫出門口去MK,
上summer最後一堂源堂,
今堂做listening好鬼悶丫,
一點搭八落堂之後過左去信和,
上去二樓又做一D支持創意工業既行動,
就係比錢買左古巨基隻新碟"我生",

因為隻"愛得太遲"實在太好聽啦,
我呢幾日加埋已經聽左千幾之=0="
真係咩都抵番晒啦,
所以都係比錢買番個copyright支持下好,
不過真係好貴丫成100蚊><
anyway為左支持創意工業,
令我係未來既日子繼續有好歌聽係值得既XD
買完碟就去左沙嗲王食lunch,
依排真係成日去@@
不過事實又係好食既哈哈,
食完左先2點半,
同Eric過左去新城打槍game,
就咁又用左30蚊@@
真係用晒D錢啦=0="
好彩開學加月尾哈哈,
3點4離開機舖開始一個艱辛既旅程,
就係由MK行路落去TST啦哈哈,
日日運動身體好嘛=0="
不過今日天氣真係好鬼死熱=.="
一路行D汗係咁一路流,
不過都好既出一身汗排下毒~~~~~
行到落TST望下個鐘已經4點11啦,
走到黎海邊有番D海風舒服番好多,
之後就搭渡海小輪過去灣仔,
今日隻船有開冷氣好正,
所以係船上心情特別好,
望住蔚藍既天空浮沉住白綿綿既雲,
加上深藍色既海港,
港上偶爾有一兩隻船經過,
攪到我都拎部電話出黎影左幾張~~~~~~

係船上面拋下拋下拋左幾分鐘終於過到黎灣仔啦~~~~~~

終於埋岸啦,
睇到著住整齊制服既職員,
係天時大熱仲要曬住咁做野,
真係辛苦晒啦~~~~~
多謝你既服務..........

落船之後就去左搵HL,
今日真係又一堂頂引的,
條友上上下堂自己攪gag之後自己都係到大笑,
都唔得professional既哈哈,
之後上上下堂又係到串古代既Ken Sir,
係到串佢既美女班房哈哈,
落堂之後番屋企lu,
番到屋企食完晚飯梳洗過後,
就當然係開番部機啦,
之後試下隻碟有冇壞先,
話時話呢2日聽開果2隻歌,
聽得多比我發現左有D歌詞既中心好似,
我就諗下會唔會係同一個人填詞啦,
之後上網check完之後發現真係@@
原來係林夕填的......
睇黎佢呢排冇咩靈感喎,
攪到要係到改寫句子.......
仲要比我發現真係得嫁啦哈哈~~~~~

　　古巨基既愛得太遲：
　　最可怕是　愛需要及時
　　只差一秒　心聲都已變歷史
　　側田既情歌：
　　情像一首歌可一總可再

　　上面2段都同時講緊愛係要注意時間,

　　古巨基既愛得太遲：
　　誰知她開了口　未能挨下去　已恨我很久
　　側田既情歌：
　　其實傷心都不過為愛

　　上面2段都同時講緊對方係因為愛而傷心而恨,

好啦好似唔知講左去邊係時候番番黎哈哈,
8點半去左睇天外飛仙,
劇情愈睇愈好睇完全係值得推介的,
我呢份人就係睇個故事而睇的,
都唔明點解依家D後生仔成日睇台黎睇=.="
次次係我睇緊電視果時打黎,
之後我同佢地講睇緊電視,
佢地仲要答我話佢地都睇緊不過廣告=0="
大佬依家奉旨睇果台嫁咩=.="
睇完左天外飛仙之後,
MSN突然有個希客,
就係呢個陳弱智走黎挑機=.="
話挑我寶石方塊喎,
咁內冇玩已經遲鈍晒,
都仲要贏佢成十倍有突=.="
之後佢勁無引自己cut左@@
10點半睇15/16,
吹漲玩韓國圜=0="
得番果24蚊要黎托........
之後就係依家呢個工作打Blog啦~~~~~~~~

琴晚做完篇作文結果成2點先訓,
因為實在太眼訓,
所以訓到成十二點幾先起身=.="
起身之後仲係渾渾噩噩咁,
所以勁唔想食早餐,
呆左成粒鐘......
一點鐘直接食lunch,
食完左個lunch個人終於好番D,
兩點鐘要開工啦=.="
就係"棋王"既3000字讀書報告=.="
可能係琴日成日都做中化功課攪到超唔想做,
加上佢話比3條題目我揀,
點知其實冇得比我揀=.="
一條咩"拜金主義"完全唔知咩黎點做=.="
一條又寫咩"棋"我意義,
鬼咩點寫到3000字丫=0="
除非係杜汶澤講果一種神啦=.="
結果就得番一條,
但係果條都真係唔易寫,
我對住條題目愣了個幾鐘,
去到3點半先靈機一觸,
比我諗到一個超創新既方法做呢一條,
就係勁用一D經典金曲既歌詞去做,
呢個咁得創新既方法,
今次仲唔夠原創性=.="
今次呢篇野真係完全自己做.......
3000宇都係~~~~~~
諗到之後就即刻下筆,
萬事起頭難,
解決左之後好鬼順丫,
係咁狂寫D靈感都停唔到,
一直寫到5點鐘已經寫左千二字左右,
休息一下去睇電視,
陰陽大戰記嘛,
今集好好睇正,
5點半完左再黎,
一野再狂煲係咁起勢寫,
去到六點半再KO左八百字,
停左去食晚飯,
食完沖埋個涼七點半,
再戰棋王,
半個鐘寫多400字,
八點鐘睇TV,
先係和味無窮,
接住既係神鵰俠侶大結局,
追左成個暑假啦,
終於都係要完,
精彩過後十點半,
承接餘勁未了,
一呵氣成再寫多六百字,
十一點三功德完滿,
3000字KO-ed,
無比的快感,
高興過後就當然要打番個Blog啦,
打埋之後上陣網都要訓,
因為聽日仲要再戰另一篇讀書報告=.="
果篇就大獲啦,
因為我連本書都未睇=.="
好彩果篇只需要600字,
所以唔洗睇晒全本就可以落筆吹,
差呢篇600字既野就KO晒所有功課啦Wakaka,
連日既努力令身心疲憊........
可惜之後已無休息之日,
接著開學後就要作最後的努力,
迎接來年戰場上的惡鬥了~~~~~~