夜晚跟媽媽,姨姨和姨丈,還有一個已經10歲但仲係好鬼低B百厭煩既表弟...去左大陸食飯

去左一間食火鍋同小菜之類的店,d野幾好食,而且好平,揚州炒飯6蚊一碟,紅燒茄子10蚊,水煮牛肉廿蚊有找...

仲有其他好多唔記得左幾錢,最貴都唔使30蚊一碟小菜,間野勁多人爆晒棚...而個火鍋湯呢就好似30蚊 ,乜野花雕雞煲喎= =好大陣藥材味

不過呢,味道又唔錯喎,配料其他都係十蚊有找. 5個人食左160蚊,個個都肚滿腸肥的返屋企

不過佢地話個水煮牛肉麻辣到佢地痺晒...我就乜感覺都無-.-" 下次我唔叫辣野...不知不覺我叫既都岩自己口味,又唔記得自己無辣不歡喎XD,忽然間諗起我以前聖地牙哥個同事,食一碗仔宵夜(炒飯,米粉果d)都要落一匙辣椒油先安落,haha

搭車返屋企,有d野記起...

今日係 蜜の屋 の最期...即係last day,雖然開左我樓下,但我並不是常常幫襯,越近自己既地方我反而唔鍾意去的...諗起第時返屋企,樓下黑媽媽,有少少失落..

曾經係呢度同同學一起食糖水;

去年的興趣班last day導師請晒全班去呢度食糖水,任食...有d人好鬼大食食左3碗仲差d想打包多個...

之後食完出去搵曾經的同學去做代數報告,做完返黎佢想食我又返黎呢間野度陪佢食多次...

曾經我阿女麻出街唔記得帶鎖匙係度食糖水,坐左係度成個下午等我放學返黎...

曾經...很多曾經

天下無不散之筵席