今朝又踢波…
真係好支力…
壽命只有10分鐘= ='''
我覺得依家真係好快支力…
踢十分鐘隻腳就痺左咁…
唔可以好似以前咁"飄"=v=.....

你地唔好成日問人做咩唔俾你啦= =...
到你地控住個波你都未必會俾/俾倒啦= ='''
冇人傳俾我我寧願當冇事發生…

好支力…禮拜三都係唔好練體能好d…

遲d再打…
___________________________________

好…頭先1點幾去左飲茶…
同老竇媽媽家姐阿嫲姑姐…好奇怪既組合…
之後去左姑姐屋企坐左按摩椅兩個鐘= =
聽住姑姐阿爸阿媽計數…

噢…冇其他辦法…冇彎轉啦…
就講出o黎啦…
幾個月之耐大家就會少一個打牌既地方=v=
因為富雅呢度要放賣…
希望唔會撞正考緊果陣搬啦…><
下個月七號開始媽媽就同返o黎同我地住lu…
老豆返大陸同女住…
唉…只怪老豆唔爭氣啦…
成日問我借錢…我應該一早知道係咁…
如果大家覺得我屋企有錢…其實我屋企好窮嫁囉…
全家只有我有積蓄…

晚上七點幾返到大埔食晚飯…
去華仁街果間叫金苑既東東…
豆腐斑腩…豆腐同斑腩既顏色係一樣既…= =

今晚既月亮比中秋節既更大更圓喔…