20/12 出發！
尋晚冇訓過…為既係wii sports比賽…要交低身後事=]
前日考完試（尋日英文唔算啦=p）買野，報重！
拎住咁多野行咁多路…可以練手瓜@@
尋日仲要wii sports rehearsal…之後又買野…拎住超多重野行旺角再去新達再行大中…
到11點先去M記買野食…返去整wii賽程…一點幾先執行李…之後沖個涼…4點50分出發…坐的士去機場…
好唔捨得-v-''同大家sms講byebye之後就走喇…
杜子整唔見左李浩賢張登機證-v-
整過張…上到機先搵得返…幾驚佢冇得同我去-3-
入去之前影張相…我未試過170人一齊影相…男仔企後面…睇唔倒我xd
而且都唔知邊部機先係真既…有d路人甲走o黎扮cameraman…
上機…我想訓覺…但係竟然訓唔著…睇五星級大鼠-v- 好睇…
飛機上既風景 <----------------------------留-------------------------------->
好快到北京…
有中國人民大學既陪同同學一齊…佢叫邱晨qiu chen…貴州僮族人…少數民族呀-v-…好有趣既男仔來的…一陣再講佢…
介紹下我d組員先…
左至右
女：文商8A既冰冰、meimei、Zoe、文科6A既meicy、老師杜子、Mandy
男：人大既陪同同學—邱晨、呢刻仍然正常既呀豐、上年仲係MST既李浩賢、嘉俊、我
到左人大…下榻碩士/博士生宿舍——賢進樓…好靚嫁好似酒店…
食飯…之後上堂…3個鐘訓左2個鐘=p…甩左少少就跟唔上…所以唯有再訓過啦…
個cameraman好狗嫁！狂影我訓覺！
之後歡迎晚宴…
然後每晚都有個反思會=.= 講幾個感想出o黎…之後其中一個人作篇文即晚交…傾完之後吹水搞gag…
講下人…
我都唔係好記得第一日既呀豐係點lu…事關佢之後有好大轉變…好難想像佢本來係點…
我淨係記得o係香港上堂既時候佢好正直好正經…
但係因為佢臨上機前講電話果陣既甜蜜笑容…令佢成為我地圍攻既對象…
之後佢就慢慢變得變態-v-
然後係文科6A既meicy…佢係一個好叻既女仔…做野好organized…好能幹…好欣賞佢…
之後係老師杜子…佢咁大個人都仲好小朋友嫁…會同d女仔攬埋一堆發癲…
最仲要係連脾氣都小朋友…好任性咁…同埋有點硬頸…
最後係邱晨…「真正既學生」…很崇拜他的說…
---to be continued---
21/12
我覺得大陸最叻既學生真係同香港好唔同…
我地呢一班「香港領袖生」真係同佢地比下去…
我地大部分人都幼稚到=.= 唔知點講…
佢地讀書風氣好好…個個都好勤力…
但係又唔會冇其他活動…佢地d男仔咩運動都玩…
包括邱晨都係…佢仲係好正常成日打機聽歌但又可以好勤力…又好好人唔會自閉冇朋友…足球籃球仲有唔知乜球都識…
而且佢地好識諗…個個都會諗到自己未來會做d咩…有哂目標計劃…
最重要…真係好謙虛…
唔只邱晨…仲有係之後我遇倒既香港人曹丰同人大既解放（冇錯佢姓解名放）
今日朝早要上堂…講國家基本政治制度…
訓少左嫁xd
上3個鐘=.= 午餐…又係果d野食=.='''''
之後去清華北大…
先去清華…去到清華入左個lecture theater…有人介紹下清華…
佢開頭講普通話嫁…無啦啦講左廣東話…
原來係香港人…以前讀皇仁…
佢叫曹丰…我對佢好有印象…我又入清華門口見倒佢第一眼就記得見過佢…但硬係醒唔起o係邊度…
我記得我呢一年o係香港唔知邊度見過佢…又係好似依家咁樣講野做司儀…
佢講野果刻更記得…講野咁似羅家豪…我記得有個咁既人…究竟o係邊度見過佢呢…
始終諗唔倒…
佢o係度講清華d人讀書風氣有幾好…跟住佢地都有受清華d人影響勤力左…
不過清華d人都有受佢地影響…玩多左xd…
我覺得佢好正…上到大學仲玩得咁開心…咁先係大學生o黎嫁嘛…
最後佢話清華o係香港既招生今日截止…但係如果我地想報可以幫我地聯絡o係香港招緊生既老師…
但佢強調佢唔係賣廣告…只係我地有興趣就可以報…
之後我去參觀清華…
時間太緊迫…跑住周圍影相…
火星o黎地球既欣儀…簡稱火星儀…
佢對地球既一切都好有興趣…咩都大驚小怪…特別係對邱晨…
尋日張相原來漏左佢…
第七組團體相
條河都結左冰…仲有：
唔知點解有個冰冰攝鏡…佢個名幾應景既…
 「水木清華」
 北京d樹都係咁既形狀
清華校園：
好靚=]
清華正門前留影=]]
臨走俾我同8A冰冰搵返清華果個曹丰…
我話我想報…
佢俾左卡片我…叫我用電話留資料俾佢…
佢拎住幾張紙…好似仲有幾個人留左名…但我地趕住上車去北大…
跟住我就send sms俾佢囉…
點估都估唔倒我地今次o黎北京會變左考清華xd 好陋打添我覺得…一試無妨-v-
哈…最搞笑係我做左同清華既聯絡人xp… 負責安排呢邊既一切咁囉xd
不過佢收我我都未必o黎讀…串咀串咀-v-
之後去北大…好有古代風味@@…又有d現代feel@@…
 北大著名景點…唔知咩名-v-
 冰湖…d人o係度溜冰…
 邱晨成日係咁影…
 北大圖書館…超靚…靚壯觀…
去完北大又食晚飯…好不幸又係食果d野…
夜晚奧運講座…一d都冇聽…全程同Zoe傾計…xd
講完講座曹丰o黎俾左一疊清華港生入學申請表俾我派…
佢o係個教室入面叫我企起身@@ 話有咩叫佢地搵我=.=
之後返賢進樓一直同佢傾計…順便問下佢地清華有咩科好…-v-
原來佢個fd同佢都係得5個A…冇得拔尖灰左先入清華…佢自己就讀法學…
我同佢講我6個A…佢話唔緊要啦…多個選擇囉…我正有此意…
佢個fd就講到清華再見咁@@
我覺得曹丰好好…佢又好玩…o係清華好活躍之餘又搞d凝聚香港學生既活動…依家又幫香港既學生搞報名…
夜晚反思會…李浩賢開始變態…
佢話中古文物阿豐夜晚訓覺會「呀…呀…」咁叫…
之後又好似佢中學最鍾意咁…叫人做奶娘…變態嫁@@
呀豐繼續俾我地圍攻…好慘*V*
----------------to be continued-------------------
22/12 豬的生活
今日係豬既生活…
行程：
7:15 早餐
8:00-11:00 上堂（香港基本法與"一國兩制"）
11:40 午餐
13:30-17:00 上堂（內地農村現狀及發展）
17:30 晚餐
19:00-20:30 講座：中國航天事業的發展
即係 食飯-->上堂-->食飯-->上堂-->食飯-->上堂（其他組）
我地組（包括杜子）係 食飯-->訓覺-->食飯-->訓覺-->食飯-->訓覺…
仲唔係(OO)?
嗯…航天我冇訓…正野o黎嫁嘛-v- 我都係去清華讀航天科技算啦xd
夜晚無啦啦有蛋糕食…話說冰冰寫左舊曆生日o係應該寫新曆既地方…人民大學既學生就送左蛋糕o黎…-v-
我包底！正！=v=
(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)(OO)
起初最正經既阿豐已經俾我地迫癲左喇…狂笑又搞爛gag…俾我地蝦又會笑住扮喊…-v-
今日真正生日既係邱晨媽媽…我地打電話去同佢祝壽…-v-
邱晨好似好開心…哈！
今日打左俾o靚kwan…霸左我個主席位啦XD 不如唔洗key番我個頭上去啦！…
=]]]]聽日打俾邊個好呢？
23/12 登長城
今日一朝早重裝出發去長城…
邱晨一日到黑o係度影我地唔知做咩…
佢又成日唔知o係度同邊個sms -v-
今日問佢有冇女朋友…「沒有」
我：「有過嗎？」
邱晨：「有過…在高考之後」
我：「就是因為來北京讀書所以分開嗎？」
邱晨：「對呀！分離是很痛苦的！所以如果你想來清華就別在香港認識女孩子咯，不過清華很少女生的。」
我：「那我不要來清華好了」
邱晨：「沒關係！你可以去清華，再來人大認識女孩子嘛」
哈-v-
今日既邱晨已經唔可樣喇…成日串人喇…-v-
仲識扮蟹添…好鬼馬-v-
上長城影左好多相…不過比較可惜行左兩個關冇得繼續行…冇時間…
d紀念品又買唔落手…冇買手信…
影左好多相：
<---------------------留----------------------->
下晝去左一個邱晨同學既屋企…佢叫解放…嗯…姓解名放…
有錢人家來的…父母都係牙醫…仲有靚女表姐都係牙醫…
媽媽同表姐仲為左我地唔開診煮野俾我地食…
我地首先坐左半個鐘Taxi去佢家…都係$48咋@@抵！
之後去超市買左lunch既材料…順便上倉XD
佢屋企好大@@不過冇棟屋企咁大-v-得2000呎o者-v-
佢係勁人o黎嫁…佢英文仲勁過香港人…仲識玩好多sports-v-
可惜佢因為拍拖重考過一年高考…（好唔生性- -)
佢第二次高考差2分入倒清華…邱晨就差13分…佢地都係600幾/700幾…勁人-v-''
不過我覺得解放唔會係個好男人…雖然佢又叻又識玩又識諗野仲識留意國家既野…真係值得學…
但係佢拍緊拖…仲o係度炫耀前女友有幾靚（雖然真係靚…唔怪得香港人要北上搵女@@）好似好放唔低咁…
（紅顏禍水嫁…搞到要repeat）
佢又唔知自己係咪鍾意依家呢個女朋友咁…
點都好…佢地屋企真係好勁…成家牙醫…
夜晚既反思文我負責寫…第二日俾人登左出o黎-v-
寫完玩必答題…有料爆=]]]]
阿豐真係中古文物o黎嫁…佢話佢第時唔會俾老婆出去做野…要o係屋企做賢妻良母等佢養…仲要唔可以大過佢…一日都唔得-v-
哇好古老…
仲有杜子情史-v-好傷感…
今日打左俾德華=]] 好掛住HK…
| 
