我好懶…
好多野想打…
但係多到唔想打…
最近兩次打牌唔次咩事…可以四圈冇糊食-.-
好彩冇糊食都唔係輸得多…
睇o黎我d運氣去哂第二度…
社足…決賽…
四年決賽對手都係愛社…
愛社都係有肥狗同鄔智…
但今年終於打破宿命…創造奇蹟
我真係好興奮呀！
上半場錢偉希mark肥狗…我包佢底…
佢既表現令我刮目相看@@
反而我斬球波上去俾潘國棟爆左段…
佢好靚咁一逗笠死左陳權@@
o岩o岩領先一比零…我輸左個左邊K角位既罰球…
幾驚失@@ 好彩鵪鶉個頭救空門 再頂中楣=)
上半場領先一比零…死都叫呀謙唔好走xddd
最多夾錢請返佢答的士…
佢留低留得抵呀！冇佢我地唔會贏…下半場佢既表現 = GOD
自從冇得mark肥狗我就有d發夢…
掛住叫人mark人…自己有d失位-v- 又有d支力 哈
都全靠謙包住…
下半場全場死守 幾乎冇攻過…更肯定冇射門…
我諗棟會好嬲我唔斬去佢果邊…因為肥狗移左去佢果邊 哈
避開肥狗斬 其實我地中場爭贏嫁xd
其實對面肥狗有幾球有威脅既埋門…
首先係開波即射 中楣…（不過低少少中龍我都會對大東有信心=]）
之後佢地快開一個角球…鄺丞煇救空龍…
又一次因我甩人…搞到呀謙輸既罰球…好在今次肥狗射得唔靚…
之後佢一球轉身抽射柱邊…
最後大約五至十分鐘佢地既攻勢都威脅不大…
我地掟界外球掟左幾分鐘…哈…
雖然呢幾球唔入…我地贏波都有d幸運成份…
但信社既表現好過愛社…爭得博命過愛社…（唔係愛社唔博命）毫無保留…更加係表現一流0犯錯…
呢個金牌…我覺得信社係值得拎嫁！
信社每一個都踢得好好…
Crazy…中場頂哂…
謙就頂哂+包哂後場既波…
鵪鶉下半場mark肥狗真係滴水不漏…又回防包兩球幾乎單刀既波…完全表現出硬淨既一面XD
棟棟…兩場各入一球做神射手…
鄺丞煇救空門…
今場連猩猩都冇漏…哈…
大東更加係神龍！
方嘉輝中場幫手搶、頂、傳唔少波…今場左給右給都冇人搶倒佢波XD
錢偉希雖然係臨時拉夫…但上半場幫我手mark肥狗mark得好好…
下半場入中間又頂唔少波…
朱廢今年終於冇入波xd…不過就靠佢o係前場搞事…追到對面扯哂哮xd-.-
其實愛社中間同右邊後防都踢得好…肥狗都真係踢得唔差…
不過就讓下信社贏番年啦=.=||
開波前真係好燥+好頹呀我=.=
開波前o係隊友面前我只係扮冷靜-.-
因為我地愈o黎愈少人咁…
施希夷同劉振考Oral唔o黎…又唔見對面有人考Oral=.=
謙又考Oral話踢半場…
肥軒肥雞本來又話唔o黎…好在最後o黎左…雖然呀謙冇走佢地冇得出…但多謝佢地…
仲有speed仔-.- 我好想俾你踢…對唔住-.-
冇左施希夷真係好大打擊-.- 估唔倒錢偉希更勁！
賽前冇諗過贏…贏左真係好high…有血有汗既金牌呀！臨走前終於拎倒一塊金牌…仲第一次算係擔大旗XDDD
又叫入過球波…真係好圓滿…完美=)
信社同胞…多謝你地…我愛你地=)
信者為皇！！！！！
=)))))))))))))))))))))))))
今日本來係足球隊最後一日…
我見倒大家都好想返…
見倒大家日記…msn…
每一個要缺席既都好唔開心…
每一個都好唔想係最後一次練波…
大家真正屬於足球隊…40人…好團練…
好開心見倒低form都咁積極=)
我相信足球隊會o係考試後仲有波練…
大家先考好試…再養精蓄銳…
如果有camp搞仲正！
今年最後一年喇…=(時間過得太快=.=||||
三年o黎多謝足球隊令我進步…多謝=)
依家既我…好愛足球=]（雖然唔勁…哈） | 
