叫潘x健既人第4、5次問我羅日記喇=''=
今日第一次睇喎 =''=

入正題…講返今日先…
丫…講尋晚…
咁尋晚我好累…攤左o係床度…未沖涼…
咁我老豆走入o黎問我…「你快d去沖涼啦」
我答「等陣先啦」
佢問「你聽日駛唔駛早出去呀」
我呃佢話「唔駛呀…唔駛急啦」
於是佢走左…
咁我就冇沖涼瞌著左…

第二朝八點倒我老豆走入o黎熄我冷氣…
咁我諗住起身啦…
點知佢話「你又話唔駛早出去？訓多陣啦！」="=
結果我等佢出左門口先去沖涼…（佢唔知我未沖嫁…更加唔知我約左人）
沖到9點…
去到景褔軒遲左3個字…
幸好有ken ho遲過我…

之後叫左喬哥o黎…XD
呵呵…請左佢飲杯茶…
話說有碗好難食既飯…呃喬哥話好好食…特登留俾佢食XD
最後佢冇食…
話說有幅ken ho相個頭好似黃思行XD
咁飲左兩粒鐘等袁家欣補習…
一人36蚊

跟住淨返四條友剛好夠腳…開左陣台呀去我屋企
去我屋企之前去左千年店…膠神買膠俾膠聖XD
之後林家寧又去補習…打到佢唔捨得走…
之後三條友就鋤D啦…
鋤到一點我同我媽媽去吃午飯…

吃完剛好夠鐘約左呀bon打牌…
仲有呀bu同ada
開頭同佢地打衛生麻雀…
有一排ada狂林莊
有一排呀bu狂食胡…
之後胡廣源o黎左…教壞bon同ada…哼…狂教佢地做平胡…
之後又有江嘉宏、璋、鄔志、terry打完排球後加入…
換人賭錢啦XD
kingkong一個輸…開頭佢食左鋪自摸9番後俾我地誅死左…= ='''
其實我地冇特登誅佢…
但食太大有報應囉…
我贏$2…鄔志 後來"車"上 贏$17 廣源大佬贏$10…
kingkong輸$29…
走都走唔切…錢都未俾…
江嘉宏走左就玩魚蝦蟹= ='''
開頭贏到我笑的說…
做莊係不嬲都著數d既…
但係呢…
凡事有例外…
臨尾兩鋪佢地都唔驚撻沉船既…
買到勁大…咁唔好彩我呢個莊就俾人煲熟左…
最後倒輸9蚊= ='''
話說叫鄔志買M記上o黎食…我夾左6蚊…又話說我只食左兩條薯條=''=

之後好似冇特別…諗倒後補…

咁續返補打既日記…
因為下晝要上宗宗堂既關係呢…
12點幾就要起身…訓得5個鐘…

求其搵d野食…
就出發喇…
又遲到…= =

一去到發現宗宗o係度搞gag= =
好可愛= =
不過好過份…
話說佢想搵人答問題…
「咁我就唔可以次次都搵我自己d學生既………好殘忍嫁嘛………不過都嗌一個啦…柳景揚！」
= ='''''''''''''''''''''''''''''''''''''''''''''''
答完…「你知唔知自己冇講過野呀？」燸左…= ='''
我又唔係教書…佢都冇叫我解釋…明明叫我答property喎…
衰人呀！搞到我燸左仲爆我全名…搞到我好出名添= =''
從此中學既數學界多左一位名人………………= =''燸果種…
今堂唔係好知佢up乜…

放Break既時候…負責呢d培訓活動既miss lee叫左我地出去…
佢話o係科大週末數學特訓課程要人上台講野= ='''
話我地attendance同performance唔錯…又有上IMO Training可以成日見倒我地…
所以想我地9個其中一個做分享= ='''
9個人得個笑字…

最尾果半個鐘o係度講Chinese Remainder Theorem…
個powerpoint…係form 2數學培訓班果個= ='''''''''''''''''''''''''''''''''''''
黃浩輝話佢第五次睇呢個ppt.

果度有個好hi-tech既panasonic白板…
但冇插電掣…= ='''我想玩添…

走果陣又同黃浩輝…
講佢做暑期工…
我同佢講…梁sir介紹左阿sam俾吳學銘= ='''
佢話想即刻打俾梁sir問…

咁返到屋企…又訓左- -''

踩地雷俾-6怪贏左我！！！哼！

專題訓練告一段落lu…
呵呵…我個test 2第3高分…67分
男仔最高…男仔第2得42分咋…= =+真開心…
有兩個train開既女仔勁過我= =''
有個仲9字頭…全年8x…變態…
我全年56.3…男仔第一全班第四…
不過冇用…因為要揀人去女子奧林匹克之嘛= =''
不過真係開心= =+

後日戴昫堃小朋友返啦…呵呵…
有咩禮物呢唔知…好期待喎= =+

死啦…要執下野先…

尋晚就打通宵牌啦…所以唔得閒打日記…
本來同今日果篇打做一篇既…
但係想個calendar充實d就分開左…
咁學kai斌斌扮下野…將尋日叫做「今日」啦

今朝晨咁早又俾我老豆d音波功嘈醒左…
大佬…我繼續訓即係我唔趕時間啦…嘈咩呀嘈…

咁就10點45分先出門口…
遲左5分鐘到…
咁趕唔切個頭gel到好樣衰咁囉…
點知一去到…第4/15 既人到左…!!!!!!!!!!!!!
問下丞軒o係邊啦…飛緊的= =''''
我想叫佢唔好飛嫁…d人都未齊…有d先o岩o岩起身…不過飛緊喇…

出緊去果陣全部人全程o係度笑鵪鶉件波衫好似假既…XD
"假"既…………XD
ada仲勁大聲「下？假嫁？」
生日俾人ger住o黎串囉…

去左旺角Neway City K-lunch
間房好大間喔…睇落好似兩間咁…好似有5、6、7百呎…
仲有機打…呵呵…
胡廣源同璋炒M Chun同謙仔…但輸左俾我同丞軒喎…嘿嘿…
其實冇乜特別…聽下人唱歌（我冇唱XD）
食下野…都ok好食…我叫杯野好好飲= =+
班女仔唱到傻左…= =''完左自己o係度唱…

之後…鵪鶉提議去朗豪坊捉E恩
咁咪去囉…
班賤人本來扮捉閃返大埔打牌嫁喎…
點知最後真係走左去捉…
捉左兩次…都ok好玩既…
之後拆左小鵪鶉份禮物…
唔識界d蠟呀…

之後去鄔志屋企…
想坐72X…點知點知點知搵唔倒個站…==
十幾個人都係路痴…大家鬥帶錯路既情況下去左搭火車…
阿Bon最正…拍哂心口…咁帶錯路…

去到打牌囉…
打左十二圈…開頭果個圈同M Chun夾…贏左17蚊…
佢走左之後贏到4x蚊…贏27蚊呀最後…（講緊頭四圈多d）
阿Bon輸哂…
之後阿bon走…咁就打多8圈打到6點= ='''
果8圈輸左9蚊…
不過呢…27蚊同9蚊都冇找數…

打到鄭丞軒癲左…其實我都癲癲地…不過仲正常過佢好多…= =''
個個搞爛gag跟住成班一齊笑到肚痛= ='''
打得勁慢呀…
跟住打到胡廣源同丞軒死左…
我同鄔志仲好精神…

返屋企極速沖涼刷牙洗面訓覺…

今日好充實丫…但荷包變得唔充實囉…

今朝就去踢波波…
本來就去寶湖…
點知俾M記霸左…
於是去風水…
一去到第一場幾乎冇掂波咁next左人…
咁歸隊啦…我地對丞軒果隊喎…
好快俾我遠射K.O.左XD
好開心…好令呀射得…彎入死角嫁！
咁同第二隊踢啦…今次耐少少先next倒人…
又同丞軒踢喇喎…
踢到兩邊死哂唔想郁都係0:0
結果兩隊一齊唔踢…去買野飲…-________-

買完野飲唔累lu…返去又踢…點知俾人next左…
話說係吳家豐頂漏左…
不過佢今日踢得好神嫁喎…傳波ok左…又跑得…mark人又ok…最重要睇倒個波幾時dup落o黎…可以球不著地解倒圍…
好有進步…
咁之後俾丞軒拉…又好開心咁入波…
丞軒俾既…早d俾仲好…不過入左啦…
跟住下場又再一次對丞軒…
淇峻抽筋抽哂兩隻腳…
我地又兩隊都唔相郁…
加上有d叫鴕鳥同劉振果d4為1體…我地好－６咁又贏左…去食野…吹水…
丞軒說他的試卷都給戴昫昫book下了…=0=''
吹到咁上下返閨沖涼啦…出去上堂…

咁上完堂…冇咩特別…
就去左旺角揀禮物俾小鵪鶉…
先去左潮特…買左禮物俾cy同昫彤…
跟住跟姑姐去左好景中心隔離間Celtic Shop…
佢o係果度買隻鐲俾我嫁…14xx半價7xx嫁…
咁首先想睇手鍊 499以上…= ='''
「呢條平呀…折左都係899.5= =''」
之後轉睇頸鍊…
499以上…= =
之後有諗過買廢銀鍊+靚吊咀…
姑姐好似話唔好…
之後有條戒指價錢既手鍊！
但有粒石…其他地方又好似空左d…
結果轉睇戒指…
有姑姐既同事o黎左…幫我眼= ='''
好好人咁喎…
佢d taste又好似同我夾d…
結果我地揀左隻平靚正既戒指…
話平唔平嫁！但價錢俾secret！

今日真好…買咩都半價…
龜龜間野今日都半價！
跟住睇左一個鐘喇原來…
之後去左新世紀同我姑姐食香蕉船…
跟住返閨囉…

730同蔣蔣去漫畫節= =+
好掛住兩年前玩cos play
扮千與千尋既無面人…
唔出聲又行得超慢咁呢…超似超可愛…
超受女仔歡迎嫁…
搭電梯全程俾人望住…俾人影相…
勁似model行catwalk嫁…但我唔駛行囉…
之後四隻無面人一齊出動…同我家姐&佢d同學…
我同佢d同學都好fd嫁= =+
咁好受女仔歡迎就成日有一班女仔捉住我影相相…
但係呢…有一大班人…有男有女…
大家都以為我係女囉…
咁男既抽水…女既就挨落我度= =''''
之後成大班人為左想知我男定女…
就想除左我套無面人costume…
又摸我頭髮…「好似短頭髮嫁喎」
跟住我踎低扮唔開心…
趕走佢地…

好好玩>v<

今日家姐o係AM 730見報…
講辦公室空氣質素既…

尋晚我以為今日九龍塘果度要返下晝…
於是同昫彤chat到點幾先沖涼…
點知沖緊涼先諗起…
今日返9am= ='''
沖完過左兩點半…訓著已經三點…
不過今朝好早醒…因為唔可以遲到嘛…
結果早得滯o係度hea夠鐘先出門口…
最後遲左兩分鐘…

不過冇遲開考咪得囉…
同份卷苦戰四個鐘…9am-1pm…
嘩…我隔離果個個樣雖然好可愛…但係係咁嗤臭水打乞痴同咳…= ='''
做頭兩題用左九個字…
都算順利既…
寫得好詳細…
第三題就唔識lu…諗左三個字…放棄左…原來係用M.I. = ='''估佢唔倒…
第四題苦戰左陣啦…算順利…開頭唔明佢問乜…
第五題我用左個好牛好神既幾何方法…
我諗呢個將會係我男仔第一既致勝題喇…呵…
開頭放棄左…結果第六七題諗唔倒又返轉頭…諗+做左成粒鐘囉…
呢題做左個幾鐘呀…呢題到最尾我寫左「beg for full mark」= ='''...
第六題開頭諗極都諗唔倒點計…
到最尾半個鐘俾我諗倒個好神既方法…
計倒…
不過呢…睇左solution同我諗法差唔多…但簡單十倍…= ='''
第七題…題目都理解錯左…
睇左hints都唔明…
睇埋solution都唔明…算啦…
結果做左7成…4個鐘做5題數…
有生之年都係第一次…
做左70分應該羅足既= =+
今次有希望男仔第一= =+
羅返d信心…

最尾半個鐘見倒巧喬o係門口經過…好大聲咁吹緊口哨= =''''

返o黎同媽媽去吉野家食…特盛牛肉飯！
原來佢請左假…
跟住hea到3:30醫生開門…
點知nurse話doctor4:30先返…
於是上左媽媽屋企hea…
跟住落去睇啦…
醫生話我好返左嫁喇喎= ='''
話我果兩粒扁桃腺不嬲都咁大粒…
話我喉嚨痛可能係因為天氣+冷氣搞到我喉嚨好乾…
跟住話我個鼻又乾…咁訓覺就用左個口呼吸…個喉嚨又乾上加乾…所以會痛…
我個喉嚨冇病…
= ='''即係唔戒口lu XD

上次行完書展後…
腳腕果個拜賴秉A所賜既舊患好像有點痛= ='''

計數計到休克喇…
頭先MSN到坐o係度訓左…