原本我都唔想打d咁嘅嘢....
但係我真係忍唔到!
今日本來成日都好開心...相安無事....
點知去到臨尾....
Ms R 同 Ms K 話要玩「越礦飛車」....
又話自己唔識路，叫我等佢....
於是我又好白痴咁promise咗作哋.....
結果我就一路等.....一路等-.-
熱到傻.....
之後打電話畀佢哋....
佢哋又話要玩「太空摩天輪」....
於是我話要走...唔等佢哋....
但係佢哋又聽唔到.....就咁收咗線.....
跟住我就上咗巴士返金鐘.....
未入隧道之前...佢哋又打電話畀我，
話:「喂!我哋玩完啦!你好快可以見到我哋!」
跟住我話:「我走咗啦wo...」...
佢哋就:「吓?!」 -0-
過咗隧道之後，佢哋又打電話畀我，
叫我喺金鐘等佢....
我又好白痴咁應承佢哋.....
但係我又聽到佢哋話我衰....
我唔明點解係我衰囉!
係兩位大小姐破壞我哋三個之間嘅約定先....
照道理，我走咗佢哋都唔應該怨我.....
呢樣都算!
跟住我喺金鐘嗰個又焗又熱嘅巴士總站...
食塵同吸廢氣足足20分鐘之後.....
終於等到佢哋....
跟住就帶佢哋搭地鐵去TST...
再行去尖東...
跟住上咗火車....
佢哋就自己坐喺某個角落....
無理我/_\
我都唔明....
佢哋真係對我「呼之則來，揮之則去」......
或者我唔應該咁天真以為佢哋真係會理我......
可能我只係一隻「導盲犬」.....
真係越諗越嬲!!!!!!!!
其中一位當事人，你仲會期望我會送禮物畀你????
當然...我亦知道你唔稀罕....
我從來唔會以生日禮物嚟calculate友情呢樣嘢.....
但係...
我覺得生日禮物一定要建基於喺一定嘅良好關係之上
先送得出......
切記不要太天真....
Lam Ron共勉之!
|
