今日先打日記 ..
琴日渡假完番黎到依家都係休息既狀態 / . \
超攰 超級眼訓   Zzz ..`

講番渡假先 !
16號朝早 有批人約左係新街市等 ..
因為要買野去燒野食 : )
哇 .. 佢地係咁拎 係咁買 -v-
買左八百幾 肥雞面臨破產危機
之後又去左百佳買 棉花糖個D野 ..
肥雞個銀包已經差唔多渣乾渣淨 ''
佢地仲要去好多多買零食 ... 
肥雞個銀包即時宣佈死亡 -v-
千幾蚊就咁就冇哂 ... 唉 !
之後我地去火車站集合 ..  等齊左人就行得 !
十幾人搭火車 .. 好鬼多人 - v -
加上我地超級嘈 ..
女仔既影相 大笑 ! 男仔行黎行去 打黎打去咁 ...
其他人怒視我地 嘿嘿 `
去到尖東 搭小輪詔海 再去到中環碼頭搭新渡輪去梅窩 !
哇 .. 車程加船程差唔多兩個鐘 勁耐呀 / . \

我地去到梅窩落左船 就即刻行去間渡假屋
勁遠水路 .. 咩事 -v- 行左幾個字  !!
我地一入到去 間屋都唔錯啵 !
住得下人啦 .. 兩個間房比女仔 .. 男仔睡廳 ''
我地放低哂D野之後就出左去食飯 .. 去左"冬菇亭"個邊!
唉 .. 我食左揚州炒飯 咳死左 : ( 
食飯個時 冇乜特別 .. 
跟住我地男仔行先 .. 有D番左屋換拖鞋 / 褲
有D就去左打沙排 !
其實跟住都冇乜野 .. 打沙排 番屋沖涼 + 「底褲事件」 -v-
之後我 , 雞 , 江 , 栩 OR  律 OR Audrey 打牌
唉 .. 死肥雞 我兩局做十三么都比你搞禍左 "你真係好似 杜" 囉 xD
跟住我地成班就一路BBQ 一路傾 ..
發現 我把又變番嚴重 ''
係PEGGY / 晞 / 蒑 去沖涼個陣 .. 因為佢地驚所以三個一齊沖
佢地好驚 之後好多男仔就話唔驚架 點點點咁 ..
之後我就爆左句 "阿媽話 越驚既野就越要克服" ...
注意 : 我個"克"字 因為我把聲唔係幾出到 .. 搞走左音 xD
跟住全場笑死左 .. 好明顯 我係好笑過鄭中基啦 嘿嘿`
之後一路都冇乜野 .. 燒下野食 咁!
嘿嘿 .. 跟住 我係到播 "恐怖蠟像館" 
全場人都係到睇 .. D女仔勁驚  !
我發覺 晞真係變態 佢係到話 "佢下一步一定係xxxxx啦" 
佢真係好似好了解D變態人咁 好驚  -v-
好快咁睇完 .. 都冇乜野既 !

到左一點幾 .. 我地乖乖咁去睡覺 ''
其實係去傾計 分開左二批 !
一批係全女仔 一批 我 , 律 , 雞 , 璋 一批係江 , 栩 , 小璋 , 星等''
我地呢批四個 四個男仔 竟然係到傾心事 ..
其實都係講女姐 男仔唔係講女 仲有乜講呀 xD
傾傾下 .. 突然之間晞走左出黎
開雪櫃 去廁所 .. 然佢地話唔知佢做乜 佢地個批好驚咁
我地以為佢夢遊 -v-
話哂比全部人知 .. 栩佢地勁驚 -v-
Err .. 傾左陣咁啦 .. 之後都番哂去訓 !
17號既 朝早7點幾到 .. 好好人既小璋起身整早餐比我地食 !
喔 .. 佢 , 曦 , lu 3個男仔煮奄例同整 "一鍋熟" 好好味呀 ''
出乎我地所料 / . \
之後 冇野做 我地班男仔坐左係到睇"狙魔人" ...
睇睇下 .. 竟然 林廬話入左黎睇我地 ''
我地即係勁無奈 -v-
冇乜野既其實 .. 江 , 栩出左去接佢 ''
點知連 佢老公 "林生"  都黎左 !!
佢地係到巡視我地既渡假屋 ..
我地男仔冇理佢地 繼續睇戲 xD
睇到一半到冇 .. 夠鐘 要交屋 !!
執哂野 .. 出左去沙灘 :）
又玩過 .. 抄排 落水 影相等等 ''
玩到兩點幾 .. 佢地終於肯走 ..
我同星星坐左係到等左好耐 勁肚餓 / . \
我地又係走左D大排檔咁既野食飯 ''
本來 我以果個通粉係好D 叫左黎食 ''
點知佢係濃湯底 仲要隻蛋煎得好犀厲 真係搞到我咳死 -v-
係呢個時候 .. 佢地班女仔話比我地知 .. 原來晞所謂既夢遊係玩 ''
我地無奈左 .. 點知佢咁勁 一D都唔笑 好似 簡真係影后啦 !!
原來之前蒑都有出過黎 拎袋 但我地係廳既人唔發覺 -0-
傾到一咁上下 .. 我地趕住搭4點2個班船 ''
搭呀搭 .. 搭左好耐 我係船 / 火車 睡左 ''
真係好攰 .. 番到大埔墟火車站 佢地話去食糖水我都冇去嚕 ''
番到屋企 沖完涼 食埋藥 就訓覺 : )

總括黎講 .. 呢個渡假 真係好好玩 ! 
美中不足既係我病緊 / . \
好唔舒服 ... 頭病 傷風 乜都有 T.T''
仲有 .. 我地成班CLOSE左好多 : )


18號的日記 ..
今日我同媽媽食完LUNCH 去左Levi's Store睇 !!
真係有折呀 .. $399 - $499一條 : )
不過冇501 好失望 ....`
我買左條歐洲版既 .. 原價$899 折左之後$399咋 !!
真係好低買架 .. 各位有興趣 有眼光 識貨 既朋友 快d去啦 ''
好似仲剩 3 日咋 .. !!
有 601 , 510 , 523 , 523 Orange , 歐洲版 , 503 ....

End`