放榜後本來我想重讀中五，連學校都搵埋；本來想返到屋企高高興興話個消息俾屋企人知，然後攞學費順理成章去重讀。

點知阿爸又話呢樣又話嗰樣，佢又唔係話學費貴，只係話我呢五年都懶懶散散，唔通我一年就可以得咩？

最慘就係佢安慰我話你只要憑真誠實幹，就可以了，不過如果有一份工你就係輸蝕喺學歷上喇，俾心機努力啦！

究竟佢個腦諗緊啲乜，佢只憑我過去五年嘅懶散作出判斷，或者未來嘅嘢我哋唔會知，有邊個可以保證地心吸力喺下一秒係存在嘅？但係我要有好前途就要盡地一煲，或者你會覺得我呢五年都唔去煲e+先走去煲，即係仲慘過攞錢去賭，寧願攞嚿錢拋落海都聽到啲聲見到啲水花，總好過俾我呢個病態賭徒攞去搏一鋪！

唉！人誰無過？我只不過係想自己前途好啲，唔好將來有太多遺憾！！唔想「有一份工你就係輸蝕喺學歷上」！！！

「每個人都是從破碎的空間和虛空的時間逃走出來的孤兒」，唉！如果人人都記住過去所發生嘅事去對現在嘅情況作出判斷，咁咪視角好狹窄、只會以偏概全、自己感覺到咩就係咩囉？

唉！！！