自從琴晚今朝打嘅SMS,我就覺得追妳嘅路有啲難行!

　　愛係咩?我從來都覺得好簡單,係會為嗰個人付出不問回報,唔求佢望番你一眼或者為你做任何事,而係為佢幸福同同快樂做任何事, 包括為佢嘅幸福快樂隨時作出犧牲.

　　我一直都係咁愛我嘅所愛,對於我嚟講,我嘅所愛就係我嘅一切,我嘅生命,我嘅營養,我嘅需要,(我之所以話呢篇文難作,係因為我想用心去作好佢,第一次想用心作好一篇文,唔係行貨,雖然我由小學開始已經訓練到自己交行貨一樣咁出色,但正如月影千草話齋:高明嘅演技同有魅力嘅演技唔同,有魅力嘅演技令人感受到真實嘅芬芳,我交行貨就係高明嘅演技,依家因為妳支持我,對我有期望,我愛妳唔可以令妳失望>3<第一次想用心作好一篇文,對於我呢個"關起了心扉"嘅人,會有一段距離,作得亂作得唔好唔好嬲>3<)我會不頺一切守護佢,不過我依家好迷惘,從來未有過嘅迷惘,我一面付出一面怕失去,我又會諗:我係咪有啲以物易物?憑住努力力追心中所愛,然後"幸福和快槳是結局",我咁愛法會唔會妳覺得我對妳唔知點?

　　一個"愛"字唔代表可以在一起,只係互相心存嘅感覺,我需要妳,同時要滿足妳嘅需要,仲要喺彼此嘅需要取得協調......(唔得呀唔得呀!!!><我喺度講緊啲咩呀?!!)

　　可能因為我未知道"情"呢個字,所以未追到妳,而且係有"怪怪哋","唔知點"嘅感覺,我七歲開始扼殺自己嘅感情感覺,用理性,去保護自己,假如真心係一顆珍珠,我嘅理性就係一隻蚌,一直合上,等一個開啟嘅人,我等到,就係妳>3<但係合得太耐開有困難,需要時間,所以依家總係時大時細,一時理性一時感性,因為心裡封閉嘅感覺想出嚟,而習慣嘅理性想完全殺咗感性,所以我經常同妳講"我好痛苦!",一面同自己內心鬥爭!妳又喺呢個時候突然話It's just a game!(大槪意思)更加方寸大亂!

　　我覺得依家我缺少一個鮮明嘅性格,因為冇安全感,加上改變自己ING,所以性格飄忽不定,令自己同身邊所有人難以捉摸,我自己都唔知自己想點,好愛妳,改變自己嘅懶惰,自大,一切缺點,要同妳拉近距離,唔好令妳覺得比唔上我.

　　仲有同妳一齊嘅經歷係0,彼此相愛未見一面點都講唔通,我唔想妳因為情勢被我死追爛追而見我,我要妳同我一齊唔悶,有樂趣>3<

　　愛,也許不易,我早已將自己藏於心靈嘅深處,要慢慢出番嚟,反正愛需要時間建立,就讓我要識得愛妳同時要識得愛自己啦>3<

　　依家要做嘅事:

1.會考幾多分就係我對妳既愛XD

2.幫妳升上中4(聽到"唯你是問",總係心裡甜絲絲,我想妳上到中4>3<)