我今日好得閒,所以諗吓咩叫''得閒'',''得閒''同''無聊''有咩分別.

我發覺''得閒''係你做嘢好忙,又突然''得閒''有假,可以忙裡偷閒.呢種就係你做完哂你要做嘅嘢,剩番落嚟嗰啲時間就叫做''得閒'',你可以做你想做嘅嘢.正所謂''寵辱不驚,閒看庭前花開花落;去留無意,漫隨天外雲卷雲舒.''

但係''無聊''就係你冇嘢做,但係又唔知搵咩嚟做,所以就漫無目的,''無無聊聊'',咁就一日.

e+我就會咁分''得閒''同''無聊'',所以我今日只係無聊.我寧願得閒都唔要無聊,因為我覺得''得閒''係你有嘢做而有空閒時間休息學吓其他嘢;而無聊就好似行屍走肉,唔知做咩好,好似唔知想點咁!

我覺得約fd出嚟玩又好,食又好,用''我好得閒呀,不如一齊出嚟玩吖?'',總好過''我好無聊呀!不如出去玩喇!''.好似講到''你唔無聊就唔會諗起我約我架啦!''

你認為呢?