今朝.唉.呢排真係成日賴床-____-都唔知搞野.

7點幾變10點幾起身.-v-12點約左妮妮o係荃灣MTR等:)

本來我打算放頭髮嫁.但最後發現太熱都冇做到.

同妮妮去左加洲紅/Green Box吹K.

包埋lunch都係$52真係好抵啊.食石頭鍋飯:)

野飲任針.佢d咖啡好好飲啊.

妮妮話我係第一個同佢唱K唔要伴唱o既人XD

佢話同我唱K同認真,好似練歌咁呀 XDDDDD

不過我同佢講我真係用黎練歌嫁-w-

開頭我狂唱廣東歌.廣東歌真係好難唱啊.

妮妮唔識唱廣東歌.佢話佢唔聽廣東歌.其實我宜家都好少聽...

之後妮妮點曬一大炸普通話歌xd我地勁唱S.H.E. d歌.

仲唱得超high除埋鞋踩上梳化.哈哈!

妮妮勁愛S.H.E. ;以前Candyyu都好愛啊-v-

唱S.H.E.都歌我狂唱和音xdxdxdxdxdxdxdxd

臨走我地唱Lady GaGa首Poker Face.笑到肚痛啊真係.

我o係度mum mum mum mum.之後我同妮妮都笑到噴飯 XDDDD

後黎去左漫畫店.妮妮買左本3蚊o既漫畫...真係勁平.

我扭左隻蛋.鋼鍊FA嫁.中左隻王子...話說我想要愛德華 (淚)

後黎好無聊咁行黎行去.諗左搵個地方坐低但發現勁難/口\

最後去左愉景KFC啊;)之後我地o係度講自拍.笑到kai左XD

後黎去左ELLA. "D野又靚又平" 我同妮妮一路行一路講.

但最後我地一樣野都冇買-v-6點左右妮妮要返屋企.

我就去左citywalk二期.本來今日話亞婆大壽食飯o既.

但亞婆唔舒服最後只係我地一家.三姨媽一家.大姨媽一家食啊.

大表哥勁多魚尾紋...都未到30歲就咁.佢讀書讀上腦啦...

佢話佢o既中大度讀碩士比自己親生細佬話佢讀食屎xd

間酒樓唔知做咩-_-d野勁難食.勁啖冇味.全部都勁落芡粉.

連d紅豆沙都係.全場最正係d汽水-_______________-

後黎返屋企.就係咁簡單.不過今日真係好忙碌XD狂出去-_-

最近好中意聽一首歌.唔洗講啦係日文歌.

話說我係睇CDTV最想和他成為戀人排行榜睇返黎.

AAA入面個 西島 上左榜.名次絕對唔低.打低左部分J家男人!! (嚴重)

o係CDTV個片段度聽到呢首覺得幾好聽.AAA係個男女混聲組合黎嫁`.

佢地未出道之前有幾個都係做Dancer所以佢地好多跳舞歌.

但呢首係首抒情歌真係好好聽啊B-)

西島側係一播個mv第一個出現果個xd

個樣都ok嫁.唱歌幾好聽嫁佢.跳舞又型xd唔怪得之可以揮低J家男人XD

大家就聽下呢首歌啦.雖然日文歌大家好似唔係咁中意.

但個melody真係好好聽嫁TAT 聽下啦~~