自F.2尾開始 就努力去改善自己既不是

除左為自己之外 都為左妳  改善自己  令妳接受我

以前既我 又口臭 賤格 黑人憎 總之識我都知我係一等一衰人

自從一次經歷  一次失敗 我明白到 以前...我錯得太多

所以明白到 我必需改好 一洗以往既臭名 同時為左一個人

中學時期踏入第三個年頭 我每一日都盡力去改好 

好多謝一班朋友真心指出我既錯處  並教我如何做得更好

以前既我...性格火爆 講粗口當食生菜 鐘意玩人 玩世不供

依家雖然重有少少火爆 但經過半年時間 已經學識泠靜去睇每一件事

講粗口 比以前少左好多 但有時嬲既時候 自然都係會講 但可學識停

適可而止  玩人? 依家都唔會啦 學識係被玩既人角度去諗

明白自己玩人  總有一日會比人玩返轉頭  更可識關心人

今年 以前教過我既老師  都覺得我乖左...真係咩?

小學老師更加話我變左好多  大個仔 諗野始終有進步 識多方面去諗

但我知道其實自己只係改左好少好少 要去學習  改善 既野有更多更多

總希望有一日 可以成為一個受人歡迎 可以令人快樂既男仔