琴晚訓唔著一直都係到諗野

諗諗下 原來咁快已經過左兩年

人地話中學時期 係未工作前最好既時光

但係兩年係咁快過 好多人同事 都無停咁改變

雖然我好想時間可以過得慢d,起碼比我一個休息時間

兩年啦 本身依為會深深留係腦海  好多都唔記得哂

因為時間始終會沖淡一切  但有一個人  我卻一直緊緊記緊

一個笑容  一句話  令我著迷  直至現在  從來無減退

第三年既時光一早已經開始  但係關係就好似過山車

由普通同班同學 成為好朋友 再因一番話  無再理會我  到現今只係個陌路人

情節好似電視劇咁  大上大落  只可惜主角係我同妳

曾經有一次  我希望我識讀心術  起碼可以知道妳心有沒有我

又有一次  我依為我地可以重新做反好朋友  但結果妳一樣係唔理會我

幻想始終係假像  希望只係寄託  要行動才有用  但我又可以做什麼呢?

從果次一番話後  妳一就一直逃避我的目光  再沒有與我對話  也因你電腦壞了 再沒有聯絡了

但最近  有時感覺好似有一個人不時就望住我  但望出去就睇到妳回頭繼續望黑板

係巧合?定係事實? 當然  我最想真係事實  因為咁代表妳一直都有留意  只係無流於表面

諗到呢到  突然諗起曾經一個朋友問過我  如果鍾意一個人  應該做d咩

當時我答 繼續愛你所愛既人,無條件去幫佢,守護佢,慢慢拉近兩人之間既距離

可惜依家只係可以愛所愛既妳之外  其他都做唔到,一係做錯

如果....我地可以重新認識  成為好朋友  一直好下去  事情就可能不再一樣

聽日開始又測驗啦! 溫書都溫死

今次目標係15名之內  希望真係可以有進步同做到啦...

因為我要證明比人一個人睇 我一直為佢改善好多野

因為愛一個人 可以令自己改變很多  而我  當然為妳而改得更好

不再似而前咁 天真  令人討厭  衰格  口臭之類果d

而要成為  受人歡迎  友善  同用把口去討妳歡心 

就算路有幾漫長  都要努力  全因為妳