經過十多小時旅程  終於由英國回到香港  一步出禁區  已經見到爸媽等候我出現 

媽媽一黎就問:家怡,二年無見喇  係果邊工作開心嘛?  之後再問一大輪 

爸爸同我打左下眼色  無辨法喇 媽媽都係緊張嘛  離開機場之後 

爸爸話細妹今日重要返學  黎唔到接機

返到屋企  執拾好行李  原來過左幾年 房入面一切都無變

完成之後  決定要去細妹學校比個驚喜佢 

直至三點半  學校放學鐘聲響起  好快就見到細妹出黎

細妹話:家姐!!  咁快返到黎既?  英國果邊好唔好玩啊?

吱吱喳喳,一路行一路問  我話:細妹啊,你真係似足啊媽,一樣咁八掛,咁長氣

大家一齊笑個不停  之後再講:家敏,呢兩年讀書有無進步,有無偷懶先?

家敏無答我  只係嘻嘻咁笑左聲  不過都知道答案  因為我都做過學生 

之後兩姐妹去左細個成日去既茶餐廳食下午茶  食完就返屋企

係屋企  都係同細妹傾返兩年係英國既得意事  好快就八點

一早為我預備既晚餐都係我最鍾意既餸菜  電視送飯  係我同細妹成日都做既事

食完之後  已經要準備第二日返公司既文件同資料  做到十一點就訓

第二日  可能時差問題  差少少唔知醒  食完早餐  就坐車返公司

返到公司同學們都好歡迎我歸隊  其中一個男同事顯然有事忙  一直埋頭苦幹

同時我都未見過佢  應該係新同事掛  經過幾分鐘  突然有一個人影係前面

我放低手頭上既工作  先發覺,  原來係佢..............................

===========================================================

待續